HEBRU 11:4 - Khasi CL Bible (BSI)

⁴ Dei ka jingngeit kaba la pynlong ïa u Abel ban ainguh ha U Blei ïa ka jingkñia kaba kham bha ban ïa ka jong u Kain. Lyngba ka jingngeit jong u, u la ïohpdiang ka jingsngewbha U Blei kum u briew uba hok, namar U Blei hi u la pdiang ïa ki jingai sngewbha jong u. Da kata ka jingngeit, u Abel u dang ïai kren wat haba u la ïap.

KA BAIBL

⁴ Da ka jingngeit, u Abel u la ainguh ha U Blei ïa ka jingkñia ba kham kor ban ïa u Kain, da kaba la phla ïa u ba u long u bahok, U Blei u da phla babha shaphang kita ki jingai jong u; bad da ka, haba u la ïap, u dang kren.

HEBRU 11:4 ပူးပေါင်းရင်းမြစ်များ

JENESIS 4:10

Bad U Trai u ong, “Balei me leh ïa kane ka kam kaba shyrkhei? Ka snam u para jong me ka ud ha nga na khyndew kum ka sur kaba khot ïa ka jingpynhiarkput.

JENESIS 4:15

Te U Trai u jubab, “Em. Lada uno uno ruh u pynïap ïa me, yn sa pynïap hynñiew ki mynsiem ha ka jingpynhiarkput.” Kumta U Trai u buh ka dak ha u Kain ban maham ïano ïano ba ïashem ïa u ban ym pynïap ïa u.

JENESIS 4:25

U Adam bad ka tnga jong u ki la ïoh sa uwei pat u khun. Ka la ong, “U Blei u la ai khun shynrang ïa nga ha ka jaka u Abel, ïa uba u Kain u la pynïap.” Kumta ka la kyrteng ïa u, u Seth.

JENESIS 4:8

Nangta u Kain u ong ïa u Abel u para jong u, “Ïa ngin ïaleit sha lyngkha.” Haba ki la don ha lyngkha, u Kain u la shoh ïa la u para bad u la pynïap ïa u.

1 SYIEM 18:38

U Trai u phah ïa ka ding najrong, bad ka thang duh ïa ka jingkñia, ïa ki diengthang bad ïa ki maw; ka pyningkhong ïa ka khyndew bad pynrngad lut ïa ka um ha ka kharai.

Ka Kitab U Job 8:10

Hynrei ai ba ki riewstad mynbarim kin hikai ïa me, to sngap ïa kaei kaba ki don ban ong.

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

LEBITIKOS 9:24

Kynsan U Trai u phah ïa ka ding, bad ka bam duh ïa ka jingkñia ainguh thang bad ïa ki bynta bakhleiñ baroh ha ka duwan. Haba ki paidbah ki ïohi ïa kata, ki la ïa-pyrta jam, bad ki ïadem ngon haduh khyndew.

MATHAÏOS 23:35

Kaba mih na kata, ka jingpynshitom na ka bynta ka jingpynïap ïa baroh ki rangbah balui lui kan hap halor jong phi, naduh ka jingpynïap ïa u Abel balui lui haduh ka jingpynïap ïa u Sakharaïah u khun jong u Berakhaïah, ïa uba phi la pynïap hapdeng ka Templ bad ka duwan.

LOUKAS 11:51

naduh ka jingpynïap ïa u Abel haduh ka jingpynïap ïa u Sekharaïah, uba la shah pynïap hapdeng ka duwan bad ka Jaka Bakyntang. Ho-oid, nga ong ha phi, ba ïa ki briew jong kane ka juk yn pynshitom na ka bynta jong ki baroh!

TITOS 1:16

Ki kam ba ki tip ïa U Blei, hynrei ki jingleh jong ki, ki len ïa kata. Ki long kiba dap da ka jingisih bad bymkohnguh, ki bym biang ban leh ïa kano kano kaba bha.

HEBRU 11:2

Ka dei da ka jingngeit jong ki, ba ki briew ha ki por mynbarim ki ïohpdiang ïa ka jingsngewbha jong U Blei.

HEBRU 12:1

Na ka bynta jong ngi, ngi don katne u paid sakhi babun byllien sawdong jong ngi. Kumta te, to ngin ïabret noh na lade ïa kiei kiei baroh kiba wan pynwit ha lynti, bad ïa kata ka pop kaba shait snoh skhem ha ngi, bad to ngin ïaphet da ka jingkut jingmut ïa ka jingïaphet thong kaba don ha khmat jong ngi.

HEBRU 12:24

Phi la wan sha U Jisu, uba la pynlong ïa ka jutang bathymmai, bad sha ka snam ba la synreit, kaba kular bun kiei kiei kiba kham bha ban ïa ka snam u Abel.

HEBRU 5:1

Ïa uno uno u rangbah lyngdoh la jied napdeng ki parabriew, bad la thung ban shakri ïa U Blei na ka bynta jong ki, ban ai ïa ki jingkñia bad ka jingainguh na ka bynta ki pop.

HEBRU 9:22

Da shisha, kat kum ka Hukum, la jan baroh kiei kiei la pynkhuid da ka snam, bad ïa ki pop la map noh tang lada la theh ïa ka snam.

2 PETROS 2:8

Uta u briew uba bha u la im hapdeng jong ki, bad man la ka sngi u shah ïa ka jingkordit haba u la ïohi bad la ïohsngew ïa ki kam sniew jong ki.

JUDAH 1:11

Katno ka long kaba kordit ïa ki! Ki la bud ha ka lynti kaba u Kain u la ïaid. Na ka bynta ka tyngka, ki la aiti ïa lade sha ka jingbakla kaba u Balaam u la leh. Ki la ïaleh pyrshah kumba u Korah u la ïaleh pyrshah, bad kum ma u, la pynjot ïa ki.