HEBRU 10:34 - Khasi CL Bible (BSI)

³⁴ Phi shahshitom lem bad ki koidi, bad haba ki jingdon jingem jong phi baroh ki la shah kurup, phi la shah ïa la ka jingduh da kaba kmen, namar phi la tip ba phi la ïoh kam kynti shibun kiei kiei kiba kham bha, kiba neh junom.

KA BAIBL

³⁴ Namar phi la sngewlem bad kita kiba shah ha ki jingkhum, bad phi la ïashah da kaba kmen ïa ka ban lute ïa kita kiei kiei kiba phi don, da kaba tip skhem ba phi hi, phi don ka bynta kaba kham bha, bad kaba neh.

HEBRU 10:34 ပူးပေါင်းရင်းမြစ်များ

EKLESIASTIS 3:6

U buh ka por ban shem bad ka por ban jah, ka por ban kynshew bad ka por ban bret noh,

MATHAÏOS 19:21

U Jisu u la ong ha u, “Lada me kwah ban long uba janai, to khie leit bad die noh ïa baroh kaba me don bad ai ïa ka pisa ha kiba duk, bad men don ka spah ha bneng; nangta to wan bad bud ïa nga.”

LOUKAS 10:42

hynrei, tang kawei kaba donkam. Ka Mari ka la jied ïa kaei kaba dei, bad yn ym shim noh ïa kata na ka.”

LOUKAS 12:33

Die noh ïa ki jingdon jingem jong phi baroh bad ai ïa ka pisa ha kiba duk. Pynbiang ïa lade ki pla kynshew ki ban ym jot noh, bad kynshew ïa ka spah jong phi ha bneng, ha kaba kan ym duna, namar ba ym don u nongtuh uba lah ban ïoh ïa ka, bad ym don khñiang ba lah ban pynjot ïa ka.

LOUKAS 9:25

Hato u briew un ïohnong ei ei lada u jop ïa ka pyrthei baroh kawei hynrei u hi u duh noh lane u shahjop? Em da shisha!

KI KAM 21:33

U rangbah ai hukum u la leit sha u Paul, u la kem ïa u, bad u la hukum ban teh ïa u da ar tylli ki kynjri. Nangta u la kylli, “Uei une u briew, bad u la leh aïu?”

KI KAM 28:20

Dei na kata ka daw nga la kyrpad ban ïakynduh ïa phi bad ban ïakren bad phi. Ha ka jingshisha, la khum kynjri ïa nga kumne na ka bynta jong uta ïa uba ki paid Israel ki kyrmen.”

KI KAM 5:41

Katba ki apostol ki mihnoh na ka Dorbar, ki la kmen, namar U Blei u la ñiew ïa ki, kiba bit ban shah ïa ka jahburom na ka bynta U Jisu.

2 KORINTH 5:1

Naba ngi tip ba haba kane ka ïingjaiñ kaba ngi shong — ka met jong ngi hangne ha pyrthei — ka la jot noh, U Blei un buh ha bneng ïa ka ïing na ka bynta jong ngi ba ngin shong, ka ïing kaba ma u hi u la thaw, ka ban neh junom la junom.

EPHESOS 3:1

Namar kane ka daw, nga u Paul, u nongsah byndi U Khrist Jisu na ka bynta jong phi ki Jentil, nga duwai ha U Blei.

EPHESOS 4:1

Nga kyntu ïa phi, te — nga uba long u nongsah byndi namar ba nga shakri ïa U Trai; to im ka jingim kaba la thew kat kum ka rukom kaba U Blei u la buh haba u la khot ïa phi.

EPHESOS 6:20

Na ka bynta kane ka gospel, nga long u nongkit 'tiensyiem wat la mynta nga don ha ïingbyndi. To duwai ba nga lah ban long uba shlur ha ka jingkren shaphang ka gospel kumba nga dei.

PHILIPPI 1:7

Phi long borabor ha ka dohnud jong nga! Kumta ka long kaba dei ïa nga ban sngew kumba nga sngew shaphang jong phi. Namar phi baroh phi la ïoh bynta lem bad nga ha kane ka lad kaba U Blei u la ai ha nga, mynta haba nga don ha byndi bad ruh haba nga la long laitluid ban ïada ïa ka gospel bad ha kaba tei pynskhem ïa ka.

KOLOSSAI 1:5

Haba ka khubor bashisha, ka Khubor Babha, ka la wan nyngkong ha phi, phi la ïohsngew shaphang ka jingkyrmen ba ka tyrwa. Kumta ïa ka jingngeit bad ka jingieit jong phi la pynshong nongrim ha kaei kaba phi kyrmen, ïa kaba la buh sumar na ka bynta jong phi ha bneng.

1 TIMOTHI 6:19

Ha kane ka rukom kin kynshew ïa lade ka spah ka ban long ka nongrim kaba skhem na ka bynta ka lawei. Bad nangta kin lah ban jop ïa ka jingim kaba long ka jingim kaba shisha.

2 TIMOTHI 1:16

To U Trai un pyn-i ïa ka jinglehisynei ha ka longïing u Onesiphoros, namar ba u la pyntngen ïa nga bunsien.

2 TIMOTHI 2:9

Namar ba nga ïalap ïa ka Khubor Babha, nga shahshitom bad nga shah teh kynjri ruh kum u riewrunar.

2 TIMOTHI 4:8

Bad mynta kaba ap ïa nga ka long ka bainong jong ka jingjop ïa kaba la buh beit da U Blei uba U Trai, u nongbishar bahok, u ban ai ha nga ha kata ka Sngi — ym tang ïa nga, hynrei ïa kito baroh kiba ap ïa u da ka jingieit ba un wanpaw.

HEBRU 11:16

Pynban, ka ri kaba ki kwah hir hir ka long ka ri kaba kham bha, ka ri ba kynja bneng. Bad kumta U Blei um sngewlehrain ïa ki, ba yn khot ïa u, U Blei jong ki, namar u la pynkhreh ka nongbah na ka bynta jong ki.

HEBRU 13:14

Naba ym don ka nongbah kaba ïaineh na ka bynta jong ngi hangne ha pyrthei, ngi ap khmih ïa ka nongbah ka ban sa wan.

HEBRU 13:3

To kynmaw ïa kito kiba don ha ïingbyndi, la kumba phi don lang bad ki ha ïingbyndi. Kynmaw ïa kito kiba shahshitom, la kumba phi ruh phi shahshitom kum ma ki.

HEBRU 9:15

Namar kane ka daw, U Khrist u long uta uba buh ryntih ïa ka jutang kaba thymmai, khnang ba kito ïa kiba la khot da U Blei ki lah ban ïohpdiang ïa ki jingkyrkhu bymjukut kiba U Blei u la kular. Ïa kane lah ban leh namar ka don ka jingïap kaba pyllaitluid ïa ki briew na ki jingbakla kaba ki la leh katba ka jutang kaba nyngkong ka dang treikam.

JAKOB 1:2

Ko parabangeit jong nga, to ñiew ïa lade ba phi long kiba donbok eh haba phi ïakynduh ïa ki jingtynjuh kiba bun ha ka lynti ka jingim jong phi, naba phi tip ba haba ka jingngeit jong phi ka jop haba ïashem kum kita ki jingtynjuh, ka jingmih ka long ka jinglah ban ïaishah.

1 PETROS 1:4

Kane ka pyndap ïa ngi da ka jingkyrmen ba-im, bad kumta ngi peit sha khmat ban ïohpdiang ïa ki jingkyrkhu kyrhai kiba U Blei u la buh na ka bynta ki briew jong u. U buh ïa ki ha bneng na ka bynta jong phi, ha kaba kim lah ban pyut lane duh noh lane sep noh.

1 ÏOANNIS 3:2

Ko ki paralok ba-ieit jong nga, mynta ngi long ki khun U Blei, hynrei kam pat da shai aïu ngin sa long. Hynrei ngi tip ba ynda U Khrist un paw, ngin ïoh long kum ma u, namar ngin ïohi ïa u kumba u long da shisha.