HEBRU 1:7 - Khasi CL Bible (BSI)

⁷ Hynrei shaphang kita ki angel U Blei u la ong, “U Blei u la pynlong ïa la ki angel kum ki lyer, bad ïa ki shakri jong u kum ki thylliej ding.”

KA BAIBL

⁷ Bad shaphang kita ki angel, u ong: “Uba pynlong ïa ki angel jong u ki lyer, bad ïa ki shakri jong u, u thylliej ka ding.”

HEBRU 1:7 ပူးပေါင်းရင်းမြစ်များ

JENESIS 3:24

Nangta ha ka phang mihngi jong ka kper u la buh ïa ki kherub bad ka waitlam bameh ding kaba phai ha baroh ki liang. Kata ka la long ban ïada ïano ïano na kaba wan hajan u dieng ba ai jingim.

1 SYIEM 22:19

U Mikaïah u ong shuh shuh: “Mynta sngap ïa kaei ba U Trai u ong! Nga ïohi ïa U Trai ba u shong ha ka khet jong u ha bneng, lem bad ki angel jong u kiba ïeng hajan jong u.

2 SYIEM 2:11

Ki ïai ïakren katba ki dang ïaid; nangta kynsan kynsan ka kali ïapom da ka ding ba la ring da ki kulai ding ka la wan hapdeng jong ki, bad ïa u Elijah la shim noh sha bneng da ka 'erlangthari.

2 SYIEM 6:17

Nangta u la duwai, “Ko Trai, to pynpeit ïa ki khmat jong u bad ai un ïohi.” U Trai u jubab ïa ka jingduwai jong u, bad u shakri jong u Elisha haba u peit shajrong bad u la ïohi ïa ka sharing lum ba la dap da ki kulai bad ki kali ïapom kiba da ka ding baroh sawdong jong u Elisha.

SALM 104:4

Me pyndonkam ïa ki lyer kum ki nonglamktien jong me bad ki jingthaba leilieh kum ki shakri jong me.

ISAÏAH 6:2

Sawdong jong u ki seraph ki ïeng, uwei uwei na ki u don hynriew tylli ki thapniang. Uwei uwei u seraph u tap ïa la ka durkhmat da ki ar tylli ki thapniang, bad ïa la ka met da ki ar tylli, bad la pyndonkam ïa ki ar tylli kiwei pat ban her.

DANIEL 7:10

bad ïa ka wahduid da ka ding la theh noh na ka. La don bun hajar ngut ki briew hangta kiba shakri ïa u, bad da ki million ngut ki briew ki la ïeng ha khmat jong u. Ka ïingbishar ka la sdang ïa ka jingïalang jong ka, bad ïa ki kitab la plied.

SEKHARAÏAH 6:5

U la jubab, “Kine ki long ki sawlyer, ki dang shu lah wan na ka jingdon ryngkat jong U Trai ka pyrthei baroh.”

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.