HAGGAI 2:9 - Khasi CL Bible (BSI)

⁹ Ka Templ kaba bathymmai kan kham iphuh ban ïa kaba rim, bad hangta ngan ai ha ki briew jong nga ïa ka jingdap kyrhai bad ka jingsuk.” U Trai Badonbor Baroh u la kren.

KA BAIBL

⁹ ‘Ka burom ka bakhatduh jong kane ka ïing kan long kham khraw ban ïa kaba mynshuwa,’ ong U Trai ki paid: ‘bad ha kane ka jaka ngan ai ka jingsuk,’ ” ong U Trai ki paid.

HAGGAI 2:9 ပူးပေါင်းရင်းမြစ်များ

ISAÏAH 60:7

Ïa baroh ki kynhun langbrot jong ka Kedar bad Nebaïoth yn wallam sha pha kum ka jingkñia bad ainguh ha ka duwan ban pynsngewbha ïa U Trai. U Trai un pyndonburom ïa ka templ jong u ban ïa kaba ka ju long.

ISAÏAH 66:12

U Trai u ong, “Ngan wallam ha phi ïa ka jingdap kyrhai baneh; ka spah jong ki jaitbynriew kan tuid sha phi kum ka wah, ka bym ju rngad. Phin long kum i khunlung iba la sumar da la ka kmie, ba la rah ha ki ksang'ti jong ka, bad sumar da ka jingieit.

ESEKIEL 43:5

U Mynsiem U Trai u la rah ïa nga sha ka bynta kaba kham shapoh jong ka phyllaw, ha kaba nga la ïohi ba ïa ka Templ la pyndap da ka burom U Trai.

MIKAH 5:5

Haba ki Assyria ki hiarthma ïa ka ri jong ngi bad tur lyngba ki jingïada jong ngi, ngin phah ïa ki nongïalam bakhlaiñ tam ban ïaleh ïa ki.

HAGGAI 1:8

Mynta to leit kiew sha ki lumrit, pynïoh ïa ki dieng shna ïing, bad tei pat ïa ka Templ; te ngan sngewbha ha ka bad ïa nga yn mane kumba ka dei.

HAGGAI 2:3

“Hato don uno uno hapdeng jong phi uba dang kynmaw katno ka jingiphuh ka Templ ka la ju long? Kumno phi ïohi ïa kane mynta? Ka paw kumba kam long ei ei ruh.

SEKHARAÏAH 2:5

U Trai u la lah kular ba ma u hi un long ka kynroh ding sawdong ïa ka nongbah ban ïada ïa ka bad ba un shong un sah hangta ha ka burom jong u baroh.”

LOUKAS 2:14

“Ka burom ïa U Blei ha ki bneng kiba hajrong tam, bad ka jingsuk ha ka pyrthei ha kito kiba u sngewbha!”

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

ÏOANNIS 14:27

“Ïa ka jingsuk nga iehnoh ha phi, ïa ka jingsuk jong nga hi, nga ai ha phi. Ngam ai ïa ka kumba ka pyrthei ka ai. Wat sngewkhuslai bad sngewdiaw; wat sngewsheptieng.

KI KAM 10:36

Phi tip ïa ka khubor kaba u la phah sha ki paid Israel, da kaba pynbna ïa ka Khubor Babha jong ka jingsuk lyngba U Jisu Khrist, uba long U Trai jong baroh.

1 TIMOTHI 3:16

Ym don ba lah ban kyntait katno kaba khraw ka long ka jingmaïan jong ka jingngeit jong ngi: U la wanpaw ha ka dur ka jinglongbriew, la pyn-i ba u long uba shisha da U Mynsiem, bad la ïohi ïa u da ki angel. La ïalap ïa u hapdeng ki jaitbynriew, la ngeit ïa u ha kylleng ka pyrthei, bad la shim noh ïa u sha bneng.

JAKOB 2:1

Ko parabangeit jong nga, kum kiba ngeit ha U Jisu Khrist uba U Trai jong ngi, U Trai ka burom, phim dei ban ñiew ïa ki parabriew da ki rukom kiba pher na kaei kaba ïohi ïa ki na shabar.