HAGGAI 2:7 - Khasi CL Bible (BSI)

⁷ Ngan pynkyllon ïa ki hima baroh, bad ïa ki jingkynshew yn wallam shane, bad ïa ka Templ yn pyndap da ka spah.

KA BAIBL

⁷ bad ngan pynkhih ïa ki jaid bynriew baroh, bad kiei kiei kiba ñiewkor jong ki jaid bynriew baroh kin ïawan, bad ngan pyndap ïa kane ka ïing da ka burom,’ ong U Trai ki paid.

HAGGAI 2:7 ပူးပေါင်းရင်းမြစ်များ

JENESIS 22:18

Ki jaitbynriew baroh kin sa kyrpad ïa nga ban kyrkhu ïa ki kumba nga la kyrkhu ïa ki khun ki ksiew jong me — baroh namar ba me la kohnguh ïa ka hukum jong nga.”

JENESIS 3:15

Ngan pynlong ïa me bad ka briew ban ïa-isih iwei ïa iwei pat, u symbai jong ka bad u symbai jong me kin ïailong ki nongshun. U symbai jong ka un pynlwet ïa ka khlieh jong me, bad me pat men puh ïa ka khongdong'jat jong u symbai jong ka.”

JENESIS 49:10

U Judah un bat ïa u diengsynshar syiem, Bad ki khun ki ksiew jong u kin ïai synshar. Ki jaitbynriew kin wanrah ha u ïa ka bai nguh syiem, kin dem bad kohnguh ïa u.

1 SYIEM 8:10

Haba ki lyngdoh ki dang mih na ka Templ, kyndit kyndit la pyndap ïa ka da u lyoh,

1 SYIEM 8:11

uba tyngshaiñ da ka jingshai kaba thaba na ka jingdon U Trai, bad kim shym lah shuh ban leit shapoh ban pyndep ïa ki kamram jong ki.

SALM 80:1

To shahshkor ïa ngi, ko Nongap langbrot ka Israel; to sngew ïa ngi, ko nongïalam jong ka kynhun langbrot jong me. Me uba la shong halor ka khet halor jong ki kherub,

SALM 85:9

Da shisha u kloi ban pynim ïa kito kiba pyndonburom ïa u, bad ka jingdon ryngkat kaba pynim jong u kan ïoh shongsah ha ka ri jong ngi.

ISAÏAH 2:19

Ki briew kin rieh ha ki krem ha mawsiang lum lane tih thliew ha khyndew ban pyrshang ban lait na ka jingbitar jong U Trai bad ban rieh na ka bor bad ka burom jong u, haba u wan ban pynkhynñiuh ïa ka pyrthei.

ISAÏAH 60:4

Khmih sawdong jong pha bad peit kaei kaba jia: Ki briew jong pha kin ïalumlang ban wan phai sha ïing; ki khun shynrang jong pha kin wan na sha jngai bah, bad ïa ki khun kynthei jong pha yn shu rah kum ïa ki khunlung.

ISAÏAH 60:7

Ïa baroh ki kynhun langbrot jong ka Kedar bad Nebaïoth yn wallam sha pha kum ka jingkñia bad ainguh ha ka duwan ban pynsngewbha ïa U Trai. U Trai un pyndonburom ïa ka templ jong u ban ïa kaba ka ju long.

ESEKIEL 21:27

Ka jingjot, ka jingjot! Ho-oid, ngan pynlong ïa ka nongbah ka jot. Hynrei kane kan ym jia tad haduh ba uta uba nga la jied ban pynshitom ïa ka nongbah u la wan. Nangta ngan sa ai ïa ka ha u.

ESEKIEL 31:16

Haba nga phah ïa u shapoh ka pyrthei kiba ïap, ka jingsawa jong ka jingkyllon jong u, kan pynkhynñiuh ïa ki jaitbynriew. Baroh ki dieng ha Eden bad ki dieng baroh kiba kynsai, kiba la ïoh um bha jong ka Lebanon kiba la leit sha ka pyrthei shapoh kin sa sngewkmen ha ka jingkyllon jong u.

ESEKIEL 38:19

Nga pynbna ha ka jingbitar bameh ding jong nga ba ha kata ka sngi kan don ka jingkhih jumai kaba jur ha ka ri Israel.

ESEKIEL 44:4

Te uta u briew u la ïalam ïa nga lyngba ka khyrdop bashaphang shatei haduh ha khmat ka Templ. Katba nga dang khmih, nga la ïohi ba ïa ka Templ U Trai la pyndap da ka jingshai ba-thaba jong ka jingdon ryngkat jong u.

HAGGAI 1:8

Mynta to leit kiew sha ki lumrit, pynïoh ïa ki dieng shna ïing, bad tei pat ïa ka Templ; te ngan sngewbha ha ka bad ïa nga yn mane kumba ka dei.

MALAKHI 3:1

U Trai Badonbor Baroh u jubab, “Ngan phah ïa u nonglamktien jong nga ban pynkhreh ïa ka lynti na ka bynta jong nga. Te U Trai uba phi ap khmih lynti, un wan kynsan kynsan ha ka Templ jong u. U nonglamktien uba phi sliang ban ïohi un wan bad pynbna ïa ka jutang jong nga.”

LOUKAS 19:47

Man ka sngi, U Jisu u la hikai ha ka Templ. Ki rangbah lyngdoh, ki nonghikai ka Hukum, bad ki nongïalam jong ki paidbah ki la kwah ban pynïap ïa u,

LOUKAS 2:27

Haba la ïalam ïa u da U Mynsiem, u Simeon u la leit sha ka Templ. Haba ki kmie ki kpa ki la wallam ïa u khunlung Jisu hapoh ka Templ ban pyndep na ka bynta jong u ïa kaei kaba ka Hukum ka dawa,

LOUKAS 2:46

Ha ka sngi kaba lai, ki la shem ïa u hapoh ka Templ, u da shong bad ki nonghikai jong ki Jiw, da kaba shahshkor ïa ki bad kylli jingkylli.

LOUKAS 20:1

Ha kawei ka sngi mynba U Jisu u don ha ka Templ, u da hikai ïa ki briew bad ïalap ïa ka Khubor Babha; ki rangbah lyngdoh bad ki nonghikai ka Hukum, lem bad ki tymmen ki san, ki la wan bad ong ha u,

LOUKAS 21:38

Dang step phyrngab man ka step baroh ki briew ki la leit sha ka Templ ban sngap ïa u.

ÏOANNIS 1:14

U Ktien la kylla long u briew bad, uba dap da ka jingaiei bad ka jingshisha, u la im hapdeng jong ngi. Ngi la ïohi ïa ka burom jong u, ka burom kaba u la ïohpdiang kum U Khun marwei jong U Kpa.

GALATIA 3:8

Ka Jingthoh Bakhuid ka la ong lypa ba U Blei un pynksan ïa ki Jentil ha lade hi da ka jingngeit. Bad kumta ka Jingthoh Bakhuid ka pynbna ïa ka khubor babha ha u Abraham: “Lyngba jong me, U Blei un kyrkhu ïa ka jaitbynriew baroh.”

KOLOSSAI 2:9

Naba ka jingdap pura jong ka jinglong Blei ka shong tylli ha U Khrist, ha ka jinglongbriew jong u, bad la ai ha phi ïa ka jingim ba-dap pura ha u.