HAGGAI 2:4 - Khasi CL Bible (BSI)

⁴ Hynrei mynta to wat duh jingkyrmen, mano mano ruh na phi. Leh la ka kam, naba nga long ryngkat bad phi.

KA BAIBL

⁴ La kumta ruh, to pynkhlaiñ ïa lade, ko Serubbabel,’ ong U Trai; ‘bad to pynkhlaiñ ïa lade, ko Joshua u khun u Jehosadak, u rangbah lyngdoh; bad to pynkhlaiñ ïa lade, phi ki briew jong ka ri baroh,’ ong U Trai, ‘bad to trei: naba nga don lem bad phi,’ ong U Trai ki paid,

HAGGAI 2:4 ပူးပေါင်းရင်းမြစ်များ

2 SAMUEL 5:10

U la nang khlaiñ ha ki por baroh, namar U Trai U Blei Badonbor Tam u la don ryngkat bad u.

1 KHRONIKL 22:13

Lada me kohnguh ïa baroh ki aiñ kiba U Trai u la ai ha u Moses na ka bynta ki Israel, me lah ban jop. Kut jingmut bad long skhem, bad wat shah ïa kano kano ban pyntieng ïa me.

1 KHRONIKL 28:20

U Syiem Dabid u ong ha u Solomon u khun jong u, “To long uba sngewskhem bad uba kut jingmut. Sdang ïa ka kam bad wat ai kano kano ruh kan pynsangeh ïa me. U Trai U Blei, uba nga shakri un don bad me. Un ym iehnoh ïa me, hynrei un don ryngkat bad me tad haduh ba men pyndep ïa ka kam kaba dei ban trei ha ka Templ jong u.

ESRA 10:18

Kane ka dei ka thup kyrteng jong ki rangbah kiba don ki tnga nongwei: Ki lyngdoh, ba la jer kyrteng da ki kur: Ka kur u Joshua bad ki para jong u, ki khun shynrang u Jehosadak: U Maaseïah, u Elieser, u Jarib bad u Gedalaïah. Ki kular ban pyllait noh ïa ki tnga jong ki, bad ki ai ïa u langbrot kum ka jingkñia ïa ki pop jong ki. Ka kur u Immer: U Hanani bad u Sebadaïah. Ka kur u Harim: u Maaseïah, u Elijah, u Shemaïah, u Jehiel bad u Ussaïah. Ka kur u Pashhur: u Elioenai, u Maaseïah, u Ishmael, u Nethanel, u Josabad bad u Elasah. Ki Lebi: U Josabad, u Shimei, u Kelaïah (ba la khot ruh Kelita), u Pethahaïah, u Judah bad u Elieser. Ki nongput nongtem: U Eliashib. Ki nongap phira ka Templ: U Shallum, u Telem bad u Uri. Kiwei pat: Ka kur u Parosh: u Ramaïah, u Issaïah, u Malkhijah, u Mijamin, u Eleaser, u Malkhijah bad u Benaïah.

ESRA 5:2

Haba u Serubbabel u khun jong u Shealtiel bad u Joshua u khun jong u Jehosadak ki la ïohsngew ïa ki khubor, ki sdang ban tei biang ïa ka Templ ha Jerusalem, bad ki ar ngut ki nongïathuhlypa ki ïarap ïa ki.

EKSODOS 3:12

U Blei u jubab, “Ngan long lem bad me, bad haba me ïalam noh ïa ki briew jong nga na Ijipt, phin ïamane ïa nga ha une u lum. Kata kan long ka jingpynshisha ba nga la phah ïa me.”

HAGGAI 1:13

Nangta u Haggai u la ai ïa ka khubor jong U Trai ha u paidbah: “Ngan long ryngkat bad phi — kata ka long ka jingkular jong nga.”

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

SEKHARAÏAH 8:9

“To long shlur! Mynta phi ïohsngew ïa kijuh ki kyntien ba ki nongïathuhlypa ki la kren ha ka por ba la buh nongrim na ka bynta ban tei pat ïa ka Templ jong nga.

MARKOS 16:20

Ki synran ki la leit bad ïalap kylleng, bad U Trai u la trei lem bad pynshisha ba ka jingïalap jong ki ka la long kaba shisha da ki kambah kiba ki la leh.]

KI KAM 7:9

“Ki khun shynrang jong u Jakob ki la bishni ïa u Joseph u para jong ki bad ki la die ïa u ban long u mraw ha Ijipt. Hynrei U Blei u la don lem bad u bad u la pyllait ïa u na ki jingjynjar jong u baroh.

1 KORINTH 16:13

To sharai, to ïeng skhem ha ka jingngeit, to long shlur, to long kiba khlaiñ.

EPHESOS 6:10

Ha kaba pynkut noh, to long kiba khlaiñ ha U Trai bad ha ka bor ka jingkhlaiñ jong u.

DEUTERONOMI 31:23

Nangta U Trai u kren ha u Joshua u khun jong u Nun, bad u ong ha u, “Long uba sngewskhem bha bad uba kut jingmut, namar me men ïalam ïa ki Israel sha kata ka ri ba nga la kular ban ai ha ki, bad ngan don ryngkat bad me.”

2 TIMOTHI 2:1

Na ka bynta jong me, ko khun jong nga, to long khlaiñ da ka jingaiei kaba dei ka jong ngi ha U Khrist Jisu.

2 TIMOTHI 4:17

Hynrei U Trai u la pynim ïa nga bad u la ai bor ïa nga, ba nga la lah ban ïalap ïa ka gospel, bad ba ki Jentil baroh kin ïohsngew; U Blei u la pyllait ïa nga na ka jingïap.

JOSHUA 1:6

Kut jingmut triang bad long skhem, namar men long u nongïalam jong kine ki briew katba ki shim kynti ïa kane ka ri ïa kaba nga la kular ha ki kpa tymmen jong ki.

JOSHUA 1:9

Kynmaw ba nga la hukum ïa me ban long uba kut jingmut triang bad uba skhem! Wat sheptieng lane noh mynsiem, namar nga, U Trai U Blei jong me, nga long ryngkat lem bad me kat shaba me leit.”

NONGBISHAR 2:18

Man ba U Trai u ai ha ki Israel ïa u nongïalam, U Trai u ïarap ïa uta u nongïalam bad u pyllait im ïa ki briew na ki nongshun jong ki katba uta u nongïalam u dang im. U Trai u sngewsynei ïa ki namar ba ki la ud ha ki jingshitom bad jingshah banbeiñ jong ki.

1 SAMUEL 16:18

Uwei na kita ki nongap jong u, u ong, “U Jesse, uba na ka shnong Bethlehem, u don u khun uba long u nongtem nongput uba tbit. U long ruh uba shlur bad uba bhabriew, u shipai uba bha bad uba pnah thylliej. U Trai u don ryngkat bad u.”