HAGGAI 2:22 - Khasi CL Bible (BSI)

²² bad pynkyllon ïa ki hima bad pynkut ïa ka bor jong ki. Ngan pynkylla khongpong ïa ki kali ïapom bad ïa ki nongñiah jong ki; ki kulai kin ïap, bad ki nongshong kulai kin ïa-pynïap para ma ki.

KA BAIBL

²² bad ngan pynkyllon ïa ka khet ki hima, bad ngan pynduh ïa ka bor ki hima jong ki jaid bynriew; bad ngan pynkyllon ïa ki kali ïapom, bad kita kiba shong ha ki; bad ki kulai bad la ki nongshong kin ïakyllon, uwei pa uwei na ki da ka waitlam u para jong u.

HAGGAI 2:22 ပူးပေါင်းရင်းမြစ်များ

2 KHRONIKL 15:6

Kawei ka jaitbynriew ka banbeiñ ïa kawei pat ka jaitbynriew, bad kawei ka nongbah ka banbeiñ ïa kawei pat ka nongbah, namar U Blei u wanrah ka jingjynjar bad jingshitom ha ki.

2 KHRONIKL 20:22

Haba ki la sdang ban rwai, U Trai u pynlong ïa ki kynhun shipai ba wan tur ïaleh, ban ngat hapdeng ka jingsheptieng.

2 KHRONIKL 20:23

Ki Amon bad ki Moab ki tur ïaleh ïa ka kynhun shipai ki Edom bad pynjot thiaw ïa ka, bad hadien kata, ki ïaphai pyrshah para ma ki ha ka jingïaleh bashyrkhei.

SALM 46:9

U pynsangeh ïa ki thma ha kylleng sawdong ka pyrthei; u pynkheiñ ïa ki ryntieh, u kdiah ïa ki sum, bad u thang ïa ki stieh ha ka ding.

SALM 76:6

Haba me byrngem ïa ki, A Blei jong u Jakob, ki kulai bad ki nongshong jong ki, ki kyllon ïap.

EKSODOS 14:17

Ngan pynmutlop haduh katta katta ïa ki nong Ijipt ba kin beh nadien jong ki, bad ngan ïoh ka jingpyndonburom da ka jingjop jong nga ïa u Pharaoh, ïa ka kynhun shipai jong u, ïa ki kali ïapom jong u, bad ïa ki nongñiah jong u.

EKSODOS 14:28

Ki um ki ïadait biang bad ki la tyllep ïa ki kali ïapom, ïa ki nongñiah, bad ïa ka kynhun shipai baroh jong u Pharaoh kaba la buddien ïa ki Israel sha duriaw, ym don kawei ruh na ki ïa kaba la iehnoh.

EKSODOS 15:19

Ki Israel ki la ïaid lyngba ïa ka duriaw ha ka khyndew kaba rkhiang. Hynrei haba ki kali ïapom jong ki nong Ijipt lem bad ki kulai bad nongñiah ki leit shapoh ka duriaw, U Trai u pynïadait pat ïa ka um bad ka la tyllep ïa ki.

EKSODOS 15:4

“U bret ïa ka kynhun shipai jong ka Ijipt bad ïa ki kali ïapom jong ka sha ka duriaw; ki rangbah pynïaidkam bakynsai jong ka ki la ïap jyllop ha ka Duriaw Basaw

ISAÏAH 19:2

U Trai u ong, “Ngan pynkhih ka thma poh-ïing ha Ijipt bad ngan pynphai ïa u para pyrshah ïa u para bad u paramarjan pyrshah ïa u paramarjan. Ki nongbah ba-ïashun kin ïaleh kawei ïa kawei pat, bad ki syiem ba-ïashun kin ïaksaid ban ïoh ïa ka bor.

ISAÏAH 60:12

Hynrei ïa ki hima ki bym shakri ïa pha yn pynjot thiaw.

ISAÏAH 9:19

Namar ba U Trai Badonbor Baroh u bitar, ka jingpynshitom jong u ka pluh kum ka ding ha kylleng jong ka ri bad ka pynjot thiaw ïa ki briew, bad dei ma ngi iwei pa iwei ïa lade hi.

ESEKIEL 21:27

Ka jingjot, ka jingjot! Ho-oid, ngan pynlong ïa ka nongbah ka jot. Hynrei kane kan ym jia tad haduh ba uta uba nga la jied ban pynshitom ïa ka nongbah u la wan. Nangta ngan sa ai ïa ka ha u.

ESEKIEL 26:16

Baroh ki syiem jong ki hima ba don hajan ka duriaw kin wan hiar na ki khet jong ki. Kin law noh ïa ki jaiñkup bad ki jaiñ ba-itynnat jong ki bad kin shong kyiuh ha ka khyndew. Kin sngewtriem haduh katta katta ha ka kupar jong pha kat haduh ba kim lah ban sangeh na jingkyiuh.

ESEKIEL 38:21

Ngan pynsheptieng ïa u Gog da bun jait ki jingjia basniew. Ma nga, U Trai Nongsynshar, nga la kren. Ki briew jong u kin thew ïa la ki waitlam pyrshah uwei ïa uwei pat.

ESEKIEL 39:20

Ha ka miej jong nga kin bam baroh katba lah na ki kulai bad ki nongshong kulai jong ki bad na ki shipai bad ki nongïaleh. Ma nga, U Trai Nongsynshar, nga la kren.”

DANIEL 8:25

Namar ba u long uba sianti, un jop ha ki rukom shukor jong u. Un sngewsarong ïa lade bad pynjot ïa shibun briew khlem ka jingmaham. Un len wat ïa U Syiem bakhraw jong baroh, hynrei ïa u yn pynjot khlem da pyndonkam ïa kano kano ka bor ba kynja briew.

AMOS 2:15

Ki nongsiatkhnam kin ym lah ïeng ha la ki jaka ïeng, ki nongmareh kiba stet kin ym lah lait, bad ki nongshong kulai kin ym lah ban pyllait ïa la ka jong ka jingim.

MIKAH 5:10

U Trai u ong, “Ha kata ka por ngan shim noh ïa ki kulai jong phi bad yn pynjot ïa ki kali ïapom.

MIKAH 5:15

Bad ha ka jingbitar bakhraw jong nga, ngan pynhiarkput ïa ki jaitbynriew baroh ki bym shym la kohnguh ïa nga.”

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

MIKAH 5:9

Ka Israel kan jop ïa ki nongshun jong ka bad pynjot ïa ki baroh.

MIKAH 7:16

Ki jaitbynriew kin ïohi ïa kane bad kin sngewkhuslai wat hapdeng ka jingkhlaiñ jong ki baroh. Ha ka jinglyngngoh kin set ïa la ki shyntur bad tap ïa la ki shkor.

SEPHANAÏAH 3:8

“Shu ap,” U Trai u ong. “Ap ïa ka sngi haba ngan ïeng ban pynrem ïa ki jaitbynriew. Nga la pynbeit ïa la ka jingmut ban lumlang ïa ki jaitbynriew bad ki hima khnang ban shah ïa ki ban sngew ïa ka bor ka jingbitar jong nga. Ïa ka pyrthei baroh kawei yn pynjot da ka ding ka jingbitar shla jong nga.

SEKHARAÏAH 10:11

Haba ki ïaid lyngba ïa ka duriaw ka jingjynjar jong ki, ma nga, U Trai, ngan shoh ïa ki jingat phyllung, bad ki jingjylliew jong ka Nile kin tyrkhong. Ïa ka Assyria kaba sarong yn pynpoh, bad ka Ijipt bakhlaiñbor kan duh noh ïa ka bor jong ka.

SEKHARAÏAH 10:5

Ki paid Judah kin jop kum ki shipai kiba kyrdem ïa ki nongshun jong ki ha ka ktieh jong ki lynti bah. Kin ïaleh namar U Trai u don bad ki, bad kin jop wat ïa ka kynhun shipai shong kulai jong u nongshun.

SEKHARAÏAH 12:9

Ha kata ka por ngan pynjot ïa kawei pa kawei ka hima kaba pyrshang ban tur ïaleh ïa ka Jerusalem.

SEKHARAÏAH 14:3

Nangta U Trai un mih shabar bad un ïaleh pyrshah ïa kito ki hima, kumba u la ïaleh ha ki por ba la dep.

SEKHARAÏAH 4:6

U angel u la bthah ïa nga ban ai ha u Serubbabel ïa kane ka khubor na U Trai: “Men jop, ym da ka bor shipai lymne da ka bor ka jingkhlaiñ jong me, hynrei da U Mynsiem jong nga.

SEKHARAÏAH 9:10

U Trai u ong, “Ngan weng noh ïa ki kali thma na Israel bad shim ïa ki kulai na Jerusalem; ïa ki ryntieh ba la pyndonkam ha ka thma yn pynjot. U syiem jong phi un pynlong jingïasuk hapdeng ki jaitbynriew; un synshar na ka duriaw sha ka duriaw, na ka wah Ïuphratis sha kiba kut jong ka pyrthei.”

MATHAÏOS 24:7

Ki ri kin ïaleh kawei ïa kawei pat, ki hima kin tur ïaleh kawei ïa kawei pat. Kin don ki 'nemsniew bad ki jingkhynñiuh jumai ha kylleng.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

NONGBISHAR 7:22

Katba ki rangbah jong u Gideon ki dang put ïa la ki turoi, U Trai u la pynlong ïa ki kynhun shipai jong ki nongshun ban tur ïaleh para ma ki da la ki waitlam. Ki la mareh sha Sarethan haduh Beth Shittah, haduh ka nongrit jong ka Abel Meholah hajan ka Tabbath.

1 SAMUEL 14:16

Ki rangbah ap phira jong u Saul ha Gibeah ha ri Benjamin ki ïohi ïa ki Philistia ba ki phet ha ka jingkulmar.