HAGGAI 2:21 - Khasi CL Bible (BSI)

²¹ ïa u Serubbabel, u lat ka Judah: “Nga la jan ban pynkhih ïa ka bneng bad ka khyndew

KA BAIBL

²¹ “To kren ha u Serubbabel, u nongsynshar ki Judah, da kaba ong, ‘Ngan pynkhih ïa ki bneng bad ïa ka khyndew:

HAGGAI 2:21 ပူးပေါင်းရင်းမြစ်များ

1 KHRONIKL 3:19

U Pedaïah u don ar ngut ki khun shynrang: u Serubbabel bad u Shimei. U Serubbabel u dei u kpa jong ki ar ngut ki khun shynrang, u Meshullam bad u Hananaïah, bad kawei ka khun, ka Shelomith.

ESRA 2:2

Ki nongïalam jong ki, ki long u Serubbabel, u Joshua, u Nehemaïah, u Seraïah, u Reelaïah, u Mordekai, u Bilshan, u Mispar, u Bigbai, u Rehum bad u Baanah. Kane ka dei ka thup kyrteng jong ki kur ki Israel, bad kito kiba dei na kawei kawei ka kur kaba wan phai na ka jingshah ringmraw:

ESRA 5:2

Haba u Serubbabel u khun jong u Shealtiel bad u Joshua u khun jong u Jehosadak ki la ïohsngew ïa ki khubor, ki sdang ban tei biang ïa ka Templ ha Jerusalem, bad ki ar ngut ki nongïathuhlypa ki ïarap ïa ki.

SALM 46:6

Ki jaitbynriew ki sngewtriem, ki hima ki khynñiuh; U Blei u byrthen, bad ka pyrthei ka um.

ESEKIEL 21:27

Ka jingjot, ka jingjot! Ho-oid, ngan pynlong ïa ka nongbah ka jot. Hynrei kane kan ym jia tad haduh ba uta uba nga la jied ban pynshitom ïa ka nongbah u la wan. Nangta ngan sa ai ïa ka ha u.

ESEKIEL 26:15

U Trai Nongsynshar u don ïa kane ban ong ïa ka nongbah Tyros: “Haba la jop ïa pha, ki briew kiba shong basah ha ki rud duriaw kin sngewtriem ha ka jinglynñiar jong kito kiba shah pynïap.

JOEL 3:16

U Trai u kyrhuh na u lum Seïon; ka sur jong u ka byrthen na Jerusalem; ka khyndew bad ka suiñbneng ki khynñiuh. Hynrei un ïada ïa la ki briew.

HAGGAI 1:1

Ha ka snem kaba ar kaba u Darius u long u patsha ka Persia, ha ka sngi kaba nyngkong jong u bnai uba hynriew, U Trai u la kren lyngba u Haggai u nongïathuhlypa. Ka khubor ka la long na ka bynta u lat ka Judah, u Serubbabel u khun jong u Shealtiel, bad na ka bynta u Rangbah Lyngdoh, u Joshua u khun jong u Jehosadak.

HAGGAI 1:14

U Trai u la pynkhih mynsiem ïa uwei pa uwei ban trei ha ka Templ: U Serubbabel, u lat ka Judah; u Joshua, u Rangbah Lyngdoh, bad ki briew baroh kiba la wan phai na ka jingshah ringmraw. Ki la sdang ban trei ïa ka Templ jong U Trai Badonbor Baroh, U Blei jong ki,