HAGGAI 2:14 - Khasi CL Bible (BSI)

¹⁴ Nangta u Haggai u la ong, “U Trai u ong ba kata kajuh kaei kaei ka treikam ha ki briew jong kane ka hima bad ha baroh kiei kiei ba ki pynmih; bad baroh ba ki ai ha ka duwan ka long ba la pyntngit.”

KA BAIBL

¹⁴ Hangta u Haggai u la ïathuh bad u la ong, “Kumta keiñ, long une u paidbah, bad kumta long kane ka jaid bynriew ha khmat jong nga,” ong U Trai; “bad kumta ka long baroh ka kam ki kti jong ki; bad kata kaba ki ainguh hangta ka long bymkhuid.

HAGGAI 2:14 ပူးပေါင်းရင်းမြစ်များ

PROBERB 15:8

U Trai u sngewbha haba ki briew kiba bha ki duwai, hynrei u isih ïa ki jingkñia kiba ki bymman ki wallam ha u.

PROBERB 21:27

U Trai u ijli ïa kata, haba ki briew ba-bymman ki ai ki jingkñia ha u, khamtam lada ki leh ïa kata na ki jingthmu bymman.

PROBERB 21:4

Ki briew kiba sniew ki shah synshar ha la ka hangamei bad ka jingsngewmeng, bad kane ka long pop.

PROBERB 28:9

Lada phim kohnguh ïa ka hukum, U Blei un shem ïa ki jingduwai jong phi kiba ijli eh ban sngap.

ISAÏAH 66:3

“Ki briew ki leh katba ki sngewbha. Baroh ka long kajuh ïa ki, la ki pynïap ïa u masi kyrtong kum ka jingkñia lane jingkñia da u briew; la ki kñia da u khunlangbrot lane ki pyndkut ïa ka ryndang u ksew; la ki wanrah ka jingainguh kew ne ki ainguh da ka snam sniang; la ki thang jingiwbih ne ki duwai ha ka bleithaw. Ki shem sngewbha ha ki rukom ba-ijli ha ka jingmane.

HOSIA 9:4

Ha kito ki ri nongwei kin ym lah ban ai ka jingainguh waiñ ha U Trai, lane wanlam ki jingkñia ha u. Ki jingbam jong ki kin pyntngit ïa uno uno uba bam ïa ki, kum ki jingbam ba bam ha ka por ïapbriew. Yn pyndonkam ïa ki tang ban pynkdang ïa la ka jingthngan; ym don kawei ruh ka ban shim kum ka jingainguh ha ka Templ U Trai.

TITOS 1:15

Baroh ka long kaba khuid ha kito kiba long kiba khuid ha lade; hynrei ym don kaba khuid ha kito kiba la tngit bad ki bymngeit, namar ba ki jingmut bad ki jingïatiplem jong ki, ki long ba la pyntngit.

JUDAH 1:23

to pyllait im ïa kiwei, da kaba knieh kynthet ïa ki na ka ding; bad ïa kiwei pat, to isynei da ka jingsheptieng, hynrei to da isih ïa ki jaiñphong jong ki hi, kiba la bit tngit da ki jingkwah brai bapop.