HAGGAI 1:9 - Khasi CL Bible (BSI)

⁹ “Phi la kyrmen ïa ki jingot kiba bun, hynrei ki la kylla long tang khyndiat. Bad haba phi la wanrah ïa ka jingot sha ïing, nga pynher ïa ka sha jngai. Balei ba nga la leh ïa kata? Namar ka Templ jong nga ka dang don ha ki jingjot katba uwei pa uwei na phi u bunkam ha ka jingtrei ïa la ka jong ka ïing.

KA BAIBL

⁹ “Phi la khmih lynti ban ïoh shibun, te ha khmih, ka long khyndiat; bad haba phi la wallam ïa kata ha ïing, nga la pyrsad halor jong ka. Namar balei?” ong U Trai ki paid. “Namar ka ïing jong nga kaba long ka ïingjah, haba phi, phi phet uwei pa uwei na phi sha la ka jong ka ïing.

HAGGAI 1:9 ပူးပေါင်းရင်းမြစ်များ

2 SAMUEL 21:1

Ha ka por ka jingsynshar jong u Dabid, la don ka 'nemsniew kaba jur kaba la neh haduh lai snem lynter. Kumta u Dabid u kylli na U Trai shaphang kata bad U Trai u ong, “U Saul bad ka longïing jong u ki long kiba rem ha ka jingpynïap briew; u la pynïap ïa ki paid Gibeon.”

2 SAMUEL 22:16

Ka trai duriaw ka paw tyngkreiñ bad ïa ki nongrim jong ka pyrthei ruh la pynpaw, haba U Trai u kynteit ïa ki nongshun jong u, bad u kyrhuh ïa ki ha ka jingbitar.

2 SYIEM 19:7

U Trai un pynjia ïa u nongsynshar ban ïohsngew ïa ka hamsaïa ka ban pynlong ïa u ban leit phai pat sha la ka ri, bad U Trai un pynjia ba yn pynïap ïa u hangta.”

Ka Kitab U Job 10:2

Wat pynrem ïa nga, A Blei, Ïathuh ïa nga! Kaei ka jingmudui pyrshah ïa nga?

PROBERB 11:24

Don ki briew kiba pynlut kai ïa la ka pisa bad ki nang ïai riewspah. Kiwei ki husiar, bad pynban ki nang ïai kyrduh.

PROBERB 27:20

Ki jingkwah u briew ki long kum ka pyrthei kiba ïap — Ka don borabor ka jingkwah shuh shuh.

EKLESIASTIS 1:8

Baroh kaei kaei ka lam sha ka jingngiah — ka jingngiah kaba khraw palat ïa ki kyntien. Ki khmat jong ngi kim lah ban ïohi shibun kat ban ïoh jinghun, ki shkor jong ngi kim lah da lei lei ban ïohsngew shibun.

ISAÏAH 40:7

U phlang u ïapstai bad ki syntiew ki jlop, haba U Trai u phah ïa ka lyer ban beh halor jong ki. Ki briew kim neh slem ban ïa u phlang.

ISAÏAH 5:10

Ki dieng sohwaiñ kiba mih ha ka jaka kaba shiphew hektar kin pynmih tang san gallon ka waiñ. Shiphew shang u symbai un pynmih tang shi shang u symbai.”

JEREMAÏAH 12:13

Ki briew jong nga ki la bet ïa u kew, hynrei ki la lum ïa ki ñiut; ki la trei shitom, hynrei kim shym ïoh ei ei na ka bynta kata. Namar ka jingbitar shla jong nga ki jingthung jong ki kim shym long.”

ESEKIEL 21:31

Phin mad ïa ka jingbitar jong nga haba nga phai jar jar ha phi kum ka ding baklang. Bad ngan aiti ïa phi ha ki briew bashyrkhei, kiba tbit ha ka ban pynjot.

LEBITIKOS 19:25

Hynrei ha ka snem kaba san phi lah ban bam ïa u soh. Lada phi leh ïa kane baroh, ki diengsoh jong phi kin seisoh kham bun. Nga long U Trai U Blei jong phi.

HAGGAI 1:4

Ko ki briew jong nga, balei ba ma phi phin shong ha ki ïing ba la shna bha katba ka Templ jong nga ka dang sah ha ki jingjot?

HAGGAI 1:6

Phi la bet shibun u kew, hynrei phi la ot tang khyndiat. Phi don ka bam ban bam, hynrei kam biang kat ban pynkdang ïa phi. Phi don ka waiñ ban dih, hynrei kam biang kat ban pynbuaid ïa phi! Phi don ki jaiñkup, hynrei kam biang kat ban pynsyaid ïa phi. Bad u nongtrei um lah ban kamai kat ban biang ban im.

MALAKHI 2:2

Phi dei ban burom ïa nga da kaei ba phi leh. Lada phim shahshkor ïa kaei kaba nga ong, te ngan wallam ka jingtim ha phi. Ngan buh ïa ka jingtim ha kiei kiei kiba phi ïohpdiang na ka bynta ka jingkyrshan ïa phi. Ha ka jingshisha, nga la dep buh lypa ka jingtim ha ki, namar phim shym pdiang sngewkhia ïa ka hukum jong nga.

DEUTERONOMI 28:38

“Shibun u symbai phin bet ha lyngkha, hynrei tang khyndiat pat phin ïoh ot, namar ki puit kin bam ïa ki jingthung jong phi.

JINGPYNPAW 2:4

Hynrei kane ka long kaei kaba nga don pyrshah ïa pha: Pham ieit ïa nga mynta kumba pha la leh ha kaba nyngkong.

JINGPYNPAW 3:19

Nga sneng bad sympat ïa baroh kiba nga ieit. Long kaba thrang eh, te, bad phai noh na ki pop jong pha.