HAGGAI 1:6 - Khasi CL Bible (BSI)

⁶ Phi la bet shibun u kew, hynrei phi la ot tang khyndiat. Phi don ka bam ban bam, hynrei kam biang kat ban pynkdang ïa phi. Phi don ka waiñ ban dih, hynrei kam biang kat ban pynbuaid ïa phi! Phi don ki jaiñkup, hynrei kam biang kat ban pynsyaid ïa phi. Bad u nongtrei um lah ban kamai kat ban biang ban im.

KA BAIBL

⁶ Phi la bet shibun, te phi la lum khyndiat: phi bam, hynrei, phim kdang; phi dih, hynrei, phim jah sliang; phi pynkup ïa lade, hynrei, ym don uba syaid; bad uta uba ïoh bainong u ïoh bainong tang ban buh ha ka pla ba pei thliew.”

HAGGAI 1:6 ပူးပေါင်းရင်းမြစ်များ

2 SAMUEL 21:1

Ha ka por ka jingsynshar jong u Dabid, la don ka 'nemsniew kaba jur kaba la neh haduh lai snem lynter. Kumta u Dabid u kylli na U Trai shaphang kata bad U Trai u ong, “U Saul bad ka longïing jong u ki long kiba rem ha ka jingpynïap briew; u la pynïap ïa ki paid Gibeon.”

1 SYIEM 17:12

Ka jubab, “Nga smai ha ka kyrteng U Trai uba im, U Blei jong phi, ba ngam don kpu ei ei. Baroh kaba nga don ka long tang shi kham u 'purew ha ka pliang bad shi jaw ka umphniang Olib ha u klong. Nga wan hangne ban lum khyndiat ki diengïap ban rah sha ïing bad ban pynkhreh na kaba khyndiat kaba nga don na ka bynta u khun jong nga bad ïa lade. Kata kan dei ka jingbam khatduh jong ngi, bad nangta ngin sa ïapthngan.”

NEHEMAÏAH 5:2

Katto katne ki ong, “Ngi don ki longïing baheh, ngi donkam kew ban pynim ïa lade.”

Ka Kitab U Job 20:22

Ha ka jingkiew rasong ka jingjop jong u, pynban ka jingkhia jong ka jingjynjar kan ban halor jong u.

Ka Kitab U Job 20:28

Ïa ka spah jong u baroh yn pynjot ha ka jingshlei jong ka jingbitar U Blei.

SALM 107:34

U pynlong ïa ka khyndew basboh ban kylla ri khlaw mluh namar ka jingbymman jong kito kiba shong hangta.

PROBERB 11:24

Don ki briew kiba pynlut kai ïa la ka pisa bad ki nang ïai riewspah. Kiwei ki husiar, bad pynban ki nang ïai kyrduh.

ISAÏAH 5:10

Ki dieng sohwaiñ kiba mih ha ka jaka kaba shiphew hektar kin pynmih tang san gallon ka waiñ. Shiphew shang u symbai un pynmih tang shi shang u symbai.”

JEREMAÏAH 12:13

Ki briew jong nga ki la bet ïa u kew, hynrei ki la lum ïa ki ñiut; ki la trei shitom, hynrei kim shym ïoh ei ei na ka bynta kata. Namar ka jingbitar shla jong nga ki jingthung jong ki kim shym long.”

JEREMAÏAH 14:4

Namar bym don slap bad ba ka khyndew ka la tyrkhong ki nongrep ki pang ka dohnud; ki buhrieh ïa la ki durkhmat.

JEREMAÏAH 44:18

Hynrei naduh ba ngi sangeh ban ai jingkñia ha ka Syiem jong ka Bneng bad ngi sangeh ban theh ïa ki jingainguh waiñ ha ka, ngim shym don ei ei shuh, bad ki briew jong ngi ki ïap ha ka thma bad na ka jingïapthngan.”

HOSIA 4:10

Phin sa bam ïa la ka bynta na ki jingkñia hynrei phin ïai thngan. Phin sa mane ïa ki blei pynkharoi, hynrei la katta ruh phin ym ïoh khun satia, namar phi la phai lyndet na nga bad bud ïa kiwei pat ki blei.”

HOSIA 8:7

Haba ki bet ïa ka lyer, kin ïoh ot ïa ka 'erlangthari! U kew baroh shi pynthor u bym pat ih un ym lah ban pynmih kpu. Hynrei wat lada u pynmih ruh, ki nongwei kin bam ei ïa u.

LEBITIKOS 26:20

Baroh ka jingtrei shitom jong phi kan long lehnoh-ei, namar ka khyndew jong phi kan ym pynmih jingthung jingtep bad ki dieng kin ym seisoh.

LEBITIKOS 26:26

Ngan ot noh ïa ka jingpynpoi jingbam jong phi, ba kumta shiphew ngut ki kynthei kin donkam tang kawei ka dpei ban shet ïa u kpu baroh uba ki don. Kin ïasam ïa uta u kpu da kaba shu thew, bad wat haba phi la bam lut ïa u ruh, phin dang thngan.

HAGGAI 1:10

Dei na kata ka daw ym shym don slap bad ym shym mih ei ei.

HAGGAI 1:5

Hato phim ïohi ïa kaei kaba jia ha phi?

HAGGAI 1:7

Hato phim ïohi balei kane ka wan jia?

HAGGAI 1:9

“Phi la kyrmen ïa ki jingot kiba bun, hynrei ki la kylla long tang khyndiat. Bad haba phi la wanrah ïa ka jingot sha ïing, nga pynher ïa ka sha jngai. Balei ba nga la leh ïa kata? Namar ka Templ jong nga ka dang don ha ki jingjot katba uwei pa uwei na phi u bunkam ha ka jingtrei ïa la ka jong ka ïing.

HAGGAI 2:16

phi leit sha ka thup kew da kaba khmih lynti ban shem arspah kilo, hynrei yn don hangta tang shispah. Phin leit ban tong shispah litar ka waiñ na ka jingbuh hynrei phi shem tang sawphew.

HAGGAI 2:17

Nga la phah ïa ki lyer ba-tyrkhong bad u phria ban pynjot ïa baroh kiba phi pyrshang ban thung, hynrei phim kylla-kaba-mut hi.

SEKHARAÏAH 5:4

U Trai Badonbor Baroh u ong ba un phah shabar ïa kane ka jingtim, bad kan rung shapoh ka ïing jong uwei pa uwei u nongtuh bad sha ka ïing jong uwei pa uwei uba ïathuh lamler hapoh ka jingsmai. Kan ïaineh ha ki ïing jong ki bad ieh ïa ki ha ka jingjot.”

SEKHARAÏAH 8:10

Ha shuwa kata ka por ym don mano mano ba lah bor ban wai la ïa ki mrad lymne ki briew, ban ym don mano mano ba lait na ki nongshun jong u. Nga la pynphai ïa ki briew pyrshah iwei ïa iwei pat.

MALAKHI 2:2

Phi dei ban burom ïa nga da kaei ba phi leh. Lada phim shahshkor ïa kaei kaba nga ong, te ngan wallam ka jingtim ha phi. Ngan buh ïa ka jingtim ha kiei kiei kiba phi ïohpdiang na ka bynta ka jingkyrshan ïa phi. Ha ka jingshisha, nga la dep buh lypa ka jingtim ha ki, namar phim shym pdiang sngewkhia ïa ka hukum jong nga.

DEUTERONOMI 28:17

“U Trai un tim ïa u kew jong phi bad ïa ki jingbam ba phi khreh da u.