HAGGAI 1:2 - Khasi CL Bible (BSI)

² U Trai Badonbor Baroh u la ong ha u Haggai, “Kine ki briew ki ong ba kane kam dei ka por kaba biang ban tei pat ïa ka Templ.”

KA BAIBL

² “Kumne u kren U Trai ki paid, u da ong, ‘Une u paidbah u ong, “Ka por kam pat poi, ka por ïa ka ban tei ïa ka ïing U Trai.” ’ ”

HAGGAI 1:2 ပူးပေါင်းရင်းမြစ်များ

2 SYIEM 12:7

Kumta u phah khot ïa u Jehoïada bad ïa kiwei pat ki lyngdoh bad u kylli ïa ki, “Balei ba phim shym shna pynbha ïa ka Templ? Naduh mynta phim dei shuh ban bat ïa ka pisa kaba phi ïohpdiang; phi dei ban aiti noh, khnang ban ïoh shna pynbha.”

ESRA 4:23

Tang shu pule ïa kane ka shithi na u Artakserksis ha u Rehum bad u Shimshai bad ki paralok jong ki, ki leit kyrkieh sha Jerusalem bad pynbor ïa ki Jiw ban sangeh noh na ka jingtei pat ïa ka nongbah.

NEHEMAÏAH 4:10

Ki briew ka Judah ki don ka jingrwai kaba ki rwai: “Ngi long tlot ba ngi bah ki jingkit bakhia; Don bun bah ka synrum ban pynkhuid. Kumno ngi lah ban tei ïa ka kynroh mynta ka sngi?”

PROBERB 22:13

U briew uba alhia u shong hapoh ïing; u ong ba u sing u lah ban ïoh ïa u lada u mih shabar.

PROBERB 29:25

Ka long kaba ma ban sngewkhia ïa kaei kaba kiwei ki pyrkhat shaphang jong phi, hynrei lada phi shaniah ha U Trai, phi long shngain.

EKLESIASTIS 11:4

Lada phi ap haduh ba ka lyer bad ka jinglong ka suiñbneng kin bit kin biang, da lei lei phin ym thung ei ei bad phin ym ïoh ot ei ei.

EKLESIASTIS 3:3

ka por ban pynïap bad ka por ban pynkhiah, ka por ban pynkhyllem bad ka por ban tei.

EKLESIASTIS 9:10

Trei shitom ha kaei kaei kaba phi leh, namar yn ym don kano kano ka jingtrei, ka jingpyrkhat, ka jingtip, ka jingstad ha ka pyrthei kiba ïap — bad kata ka dei sha kaba phi leit.

HAGGAI 1:1

Ha ka snem kaba ar kaba u Darius u long u patsha ka Persia, ha ka sngi kaba nyngkong jong u bnai uba hynriew, U Trai u la kren lyngba u Haggai u nongïathuhlypa. Ka khubor ka la long na ka bynta u lat ka Judah, u Serubbabel u khun jong u Shealtiel, bad na ka bynta u Rangbah Lyngdoh, u Joshua u khun jong u Jehosadak.

HAGGAI 1:3

Te U Trai u la ai ïa kane ka khubor sha ki briew lyngba u Haggai u nongïathuhlypa:

JINGKHEIÑ 13:31

Hynrei ki rangbah kiba la leit ryngkat bad u Kaleb ki ong, “Em, ngim khlaiñ haduh katta katta ban tur ïaleh ïa ki, ki briew hangta ki kham khlaiñ ban ïa ngi.”