HAGGAI 1:11 - Khasi CL Bible (BSI)

¹¹ Nga la wallam ïa ka jingtyrkhong ha ka ri — ha ki lumrit jong ka, ha ki lyngkha kew jong ka, ki bri sohwaiñ, ki brisoh Olib — ha baroh ki jingthung kiba ka khyndew ka pynmih, ha ki briew bad ki mrad, ha baroh kiba phi pyrshang ban pynmih.”

KA BAIBL

¹¹ Bad nga la phah khot ïa kaba rang ryngkhiang halor ka khyndew, bad halor ki lum, bad halor u Kew, bad halor ka Waiñ, bad halor ka umphniang, bad halor kata kaba ka khyndew ka pynmih, bad halor u briew, bad halor ki jingri, bad halor ka jingtrei ki kti baroh.”

HAGGAI 1:11 ပူးပေါင်းရင်းမြစ်များ

1 SYIEM 17:1

U nongïathuhlypa uba kyrteng u Elijah, uba na Tishbe kaba ha Gilead, u la ong ha u Syiem Ahab, “Ha ka kyrteng U Trai, U Blei uba im jong ki Israel, ïa uba nga shakri, nga ong ha phi ba ha ki ar ne lai snem kiba bud yn ym don ka umjer lane u slap tad haduh ba ngan ong kumta.”

2 SYIEM 8:1

Mynta u Elisha u la lah ïathuh ha ka briew kaba shong ha Shunem, ha kaba ïa u khun jong ka u la pynim pat, ba U Trai un phah ïa ka 'nemsniew ka ban neh hynñiew snem ha ka ri bad ba ka dei ban mihnoh bad ka longïing jong ka bad leit sah shawei pat.

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

JEREMAÏAH 14:2

“Ka Judah ka don ha ka jingïambriew; ki nongbah jong ka ki la jan ïap, ki briew jong ka ki thiah ha madan ha ka jingsngewsih, bad ka Jerusalem ka kyang jam ban ïoh jingïarap.

SNGEWSYNEI 1:21

“To shahshkor ïa ki jingud jong nga; ym don mano mano ban pyntngen ïa nga. Ki nongshun jong nga ki kmen ba me la wallam ka jingjot halor jong nga. To wallam ïa ka sngi kaba me la kular; to pynlong ïa ki nongshun jong nga ban shahshitom kum ma nga.

AMOS 5:8

U Trai u la thaw ïa ki khlur, ki Pleïades bad Orion, u pynkylla ïa ka jingdum sha ka jingshai mynsngi, bad ïa ka sngi sha ka miet. U khot na ka bynta ki um jong ka duriaw bad theh ïa ki ha sla khyndew. Ka kyrteng jong u ka dei U Trai.

AMOS 7:4

Nga la ïoh kawei pat ka jingïohipaw na U Trai Nongsynshar. Ha ka, nga la ïohi ïa u ba u dang pynkhreh ban pynshitom ïa ki briew jong u da ka ding. Ka ding ka la thang lut ïa ka duriaw-bah bakhraw hapoh ka sla pyrthei, bad ka la sdang ban bam duh ïa ka khyndew.

AMOS 9:6

U Trai u tei ïa ka ïing jong u ha ki bneng, bad halor ka khyndew u buh ka jingtei jong ka sahit bneng. U khot ïa ki um ka duriaw bad u theh ïa ki ha sla pyrthei. Ka kyrteng jong u ka long U Trai!

HAGGAI 2:17

Nga la phah ïa ki lyer ba-tyrkhong bad u phria ban pynjot ïa baroh kiba phi pyrshang ban thung, hynrei phim kylla-kaba-mut hi.

HAGGAI 2:19

Wat la ym don kew ba dang sah, bad ki dieng sohwaiñ, ki diengsoh Dumbur, ki diengsoh Pomkranet, bad ki diengsoh Olib kim pat shym pynmih soh, pynban naduh mynta ngan kyrkhu ïa phi.”

MALAKHI 3:11

Ngan ym shah ïa ki khñiang ban pynjot ïa ki jingthung jingtep jong phi, bad ki dieng sohwaiñ jong phi kin dap da ki sohwaiñ.

MALAKHI 3:9

Ka jingtim ka long halor jong phi baroh namar ka jaitbynriew baroh kawei ka shukor ïa nga.

DEUTERONOMI 28:22

U Trai un shoh ïa phi da ka jingkhrew, da ka khieshoh, da ka jingat thung, bad da ka jingshit kyr-ang; un phah ruh ïa ka jingryngkhiang, ki lyer khluit, ban pynjot ïa ki jingthung jong phi. Kine ki jingpynjot kin ïailong bad phi haduh ba phin da ïap.