HABAKKUK 3:2 - Khasi CL Bible (BSI)

² A Trai, nga la ïohsngew ïa kaei ba me la leh, bad nga la dap da ka jingtiengburom. Mynta to leh biang ha ki por jong ngi ïa ki kam bakhraw kiba me la ju leh. To leh-isynei, wat haba me bitar.

KA BAIBL

² “A Trai, nga la ïohsngew ka jingbna shaphang jong me, te nga la sheptieng: A Trai, to pynim ïa la ka kam hapdeng kine ki snem, hapdeng kine ki snem to pynbna ïa ka; ha ka jingbitar to kynmaw ïa ka jingisynei.”

HABAKKUK 3:2 ပူးပေါင်းရင်းမြစ်များ

ESRA 9:8

Mynta, na ka bynta khyndiat por, A Trai U Blei jong ngi, me la leh-isynei ïa ngi bad me la shah ïa katto katne na ngi ban lait na ka jinglongmraw bad ban shong ban sah ha ka jingshngain ha kane ka jaka bakhuid. Me la pyllait ïa ngi na ka jinglongmraw bad ai pat ka jingim bathymmai.

Ka Kitab U Job 42:5

Mynshuwa nga la tip tang ïa kaei kaba kiwei ki la ïathuh ïa nga, da kaba nga ïohsngew pateng na kiwei; hynrei mynta nga la ïohi ïa me da la ki jong ki khmat.

SALM 119:120

Namar jong me nga sheptieng; la pyndap ïa nga da ka jingtieng namar ki jingbishar jong me.

SALM 25:6

To kynmaw, A Trai, ïa ka jingsbun bad ka jingieit baneh jong me, kiba me la pyn-i naduh ki por barim.

SALM 38:1

A Trai, wat pynshitom ïa nga ha ka jingbitar jong me!

SALM 44:1

Da la ki jong ki shkor ngi la ïohsngew ïa ka, A Blei — ki kpa tymmen jong ngi ki la ïathuh ïa ngi shaphang jong ka, shaphang kiei kiei kiba khraw kiba me la leh ha ka por jong ki, ha ki sngi ba-mynshuwa eh:

SALM 71:20

Me la phah ki jingjynjar bad ki jingshitom halor jong nga, hynrei men pynïoh pat ka jingkhlaiñ ha nga; men sumar ïa nga na ka jingtep.

SALM 78:38

Hynrei U Blei u la sngewsynei ïa ki briew jong u. U la map ïa ki pop jong ki bad um shym pynjot ïa ki. Bunsien u set noh ïa ka jingbitar jong u bad u tyngkai ïa ka jingbitar shla jong u.

SALM 85:6

To pynlong khlaiñ pat ïa ngi, bad ngi ki briew jong me ngin ïaroh ïa me.

ISAÏAH 53:1

Ki briew ki jubab, “Uei uba lah ban ngeit ïa kaei kaba ngi ïathuh mynta? Uei uba lah ban ïohi ïa ka kti U Trai ha kane?

ISAÏAH 54:8

Nga la phai noh da ka jingbitar tang shipor, hynrei ngan pyn-i ha pha ïa ka jingieit jong nga junom.” Kumta u ong U Trai uba pynim ïa pha.

ISAÏAH 63:15

A Trai, to khmih ïa ngi na bneng, ha kaba me shong ha ka jingkhuid bad ka burom jong me. Hangno kata ka jingsngewkhia bakhraw jong me ïa ngi? Hangno kata ka bor jong me? Hangno kata ka jingieit bad ka jingsngewlem jong me? Wat leh bymsuidñiew ïa ngi.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

JEREMAÏAH 10:24

Pynbeit ïa ki briew jong me, A Trai; hynrei wat leh tyngeh halor jong ngi lane pynshitom ïa ngi haba me bitar; kata ka lah ban long ka jingkut jong ngi.

JEREMAÏAH 10:7

Uei u ban ym pyndonburom ïa me, u syiem jong ki jaitbynriew baroh? Me dei hok ban ïoh ka pyndonburom. Ym don mano mano uba kum ma me hapdeng ki riewstad baroh jong ki jaitbynriew lane napdeng uno uno u syiem jong ki.

JEREMAÏAH 29:10

“U Trai u ong, ‘Haba ki hynñiewphew snem jong ka Babilonia ki la kut, ngan pyn-i ïa ka jingsngewkhia jong nga na ka bynta jong phi bad bat ïa ka kular jong nga ban wallam pat ïa phi sha ïing.

JEREMAÏAH 46:28

Ngan wan ha phi bad pyllait im ïa phi. Ngan pynjot ïa ki hima baroh sha kiba nga la pynsakma ïa phi, hynrei ngan ym pynjot ïa phi. Ngan nym shah ba phin lait khlem shah pynshitom; hynrei haba nga pynshitom ïa phi, ngan lehhok. Ma nga, U Trai, nga la kren.”

SNGEWSYNEI 3:32

U lah ban wallam ka jingsngewsih ha ngi, hynrei ka jingieit jong u ïa ngi ka long kaba thikna bad kaba khlaiñ.

DANIEL 8:17

U Gabriel u la wan bad u la ïeng hajan jong nga, bad nga la sheptieng katta katta ba nga kyllon ha khyndew. U la ong ha nga, “Ko khun u briew, to shemphang ïa ka jingmut. Ka jingïohipaw ka ïadei bad ka jingkut jong ka pyrthei.”

DANIEL 9:2

Ha ka snem kaba nyngkong jong ka jingsynshar jong u, nga la pule bniah ïa ki kitab bakyntang bad pyrkhat shaphang ki hynñiewphew snem kiba ka Jerusalem kan don ha ki jingpra, kat kum kaei kaba U Trai u la lah ïathuh ha u Jeremaïah u nongïathuhlypa.

HABAKKUK 3:1

Kane ka long ka jingduwai u Habakkuk u nongïathuhlypa:

HABAKKUK 3:16

Nga ïohsngew ïa kane baroh, bad nga kyiuh; ki rmiang shyntur jong nga ki khih da ka jingsheptieng. Ka met jong nga ka jem lwep, bad ki kjat jong nga ki jynthut hapoh jong nga. Ngan ap jar jar ïa ka por ka ban wan haba U Blei un pynshitom ïa kito kiba tur ïaleh ïa ngi.

SEKHARAÏAH 1:12

Nangta u angel u la ong, “A Trai Badonbor Baroh, me la bitar ïa ka Jerusalem bad ïa ki nongbah jong ka Judah haduh hynñiewphew snem mynta. Slem sa katno kan long ha shuwa ba men pyn-i ha ki ka jingisynei?”

ÏOANNIS 10:10

U nongtuh u wan tang ban ïoh tuh, ban pynïap bad ban pynjot. Nga la wan khnang ba phin ïoh ïa ka jingim — ka jingim ha ka jingdap kyrhai jong ka.

Ka Shithi U Paul Sha Ki Nong Rom 10:16

Hynrei ym baroh ki la pdiang ïa ka Khubor Babha. U Isaïah da lade hi u la ong, “A Trai, uei uba la ngeit ïa ka khubor jong ngi?”

PHILIPPI 1:6

Bad kumta nga sngewskhem ba U Blei, uba la sdang ïa kane ka kam babha ha phi, un ïai trei ha phi haduh ba yn da pyndep ïa ka ha kata ka Sngi jong U Khrist Jisu.

HEBRU 11:7

Dei ka jingngeit kaba la pynlong ïa u Noah ban shahshkor ïa ki jingmaham U Blei shaphang kiei kiei ki ban sa jia ïa kiba um shym lah ban ïohi. U la kohnguh ïa U Blei bad u la thaw ïa ka ïinglieng ha kaba ma u bad ka longïing jong u ki la ïohlait im. Da kane, la pynrem ïa ka pyrthei, bad u Noah u la ïohpdiang na U Blei ïa ka hok kaba wan da ka jingngeit.

HEBRU 12:21

Kaei kaba la ïohi ka long kaba sngewtriem katta katta ba u Moses u la ong, “Nga la khynñiuh bad nga la sheptieng!”

JINGPYNPAW 15:4

Uei u ban ym ïeng ha ka jingtiengburom ïa me, A Trai? Uei u ban kyntait ban pynbna ïa ka jingkhraw jong me? Tang ma me hi uba khuid. Baroh ki jaitbynriew kin wan bad mane ïa me, namar ïa ki jingleh bahok jong me la ïohi da baroh.”