HABAKKUK 2:9 - Khasi CL Bible (BSI)

⁹ Phi long ba la tim! Phi la pynriewspah ïa la ka longïing da kaei kaba phi la shim da kaba leh jubor, bad phi la pyrshang ban pynlong ïa la ka ïing kaba lait na ki jingpynmynsaw bad jingma!

KA BAIBL

⁹ “Kordit ïa uta uba pynïoh ka nong kaba pop ïa la ka ïing ba un ïoh buh sha jrong ïa la ka skum, khnang ba un ïohlait na ka kti ka jingsniew!”

HABAKKUK 2:9 ပူးပေါင်းရင်းမြစ်များ

SALM 49:11

Ki jingtep jong ki, ki long ki ïing jong ki junom; hangta ki don baroh shi rta, wat la shisien ki don ki jaka puta la ki jong hi.

SALM 52:7

“Ha Khmih, hangne don u briew u bym shym shaniah ha U Blei na ka bynta ka jingshngain, hynrei u shaniah pynban ha ka jingkynrei ka spah jong u bad u wad ïa ka jingïada ha ka jingbymman.”

ISAÏAH 28:15

Phi sarong ba phi la pynlong ïa ka jingïateh bad ka jingïap bad poi sha ka jingïakut bad ka pyrthei kiba ïap. Phi sngewthikna ba phin lait na ka jingjot haba kan wan, namar phi shaniah ha ki jinglamler bad ki jingshukor ban pyllait ïa phi.

ISAÏAH 5:8

Phi long kiba la tim. Phi thied bun tylli ki ïing bad ki lyngkha ban bynrap shuh shuh ïa kito kiba phi la don lypa. Shen yn ym don jaka ïano ïano pat ban shong ban sah bad tang ma phi hi phin shong ha ka ri.

JEREMAÏAH 17:11

U briew uba ïoh pisa da ka jingbymhok u long kum ka sim kaba pynmih khun na ki pylleng kiba ka khlem kha. Ha ka rta ba la ih bha un duh noh ïa ka spah jong u, bad ha kaba kut um long ei ei hynrei u bieit.

JEREMAÏAH 22:23

Phi shong sngewskhem hapdeng ki dieng Kedar ba wanrah na Lebanon; hynrei katno kaba sngewsynei ynda wan ka jingshitom ha phi, bad phin ud haba ka jingsuh kan lap ïa phi, ki jingshitom kum kito ki jong ka kynthei kaba suh kha.

JEREMAÏAH 49:16

Ka jingsarong jong pha ka la shukor ïa pha. Ym don ba sheptieng ïa pha katta kumba pha pyrkhat ba ki long kumta. Pha shong ha ki synrang maw, ha kliar ki lumbah; hynrei wat la pha shong hajrong tam kum u pukni, U Trai un wallam ïa pha sha tbian. U Trai u la kren.”

JEREMAÏAH 51:13

Kata ka ri ka don shibun ki wah bad ka spah kyrhai, hynrei ka por jong ka, ka la kut, bad ïa u ksai jingim jong ka, la pyndkut.

JEREMAÏAH 51:53

Wat la ka Babilon ka lah ban kiew sha suiñbneng bad tei ka kut baskhem hangta, ngan dang ïai phah hi ïa ki briew ban pynjot ïa ka. Ma nga, U Trai nga la kren.”

ESEKIEL 22:27

Ki rangbah sorkar ki long kum ki suri kiba patar lyngkhot ïa ki mrad ba ki la pynïap. Ki pynïap briew ba kin ïoh riewspah.

OBADAÏAH 1:4

Wat la pha pynlong ïa la ka ïing shajrong kat ka skum pukni, khnang ba yn i kumba ka don hapdeng ki khlur, pynban ngan pynhiar ïa pha sha tbian.

JUDAH 1:11

Katno ka long kaba kordit ïa ki! Ki la bud ha ka lynti kaba u Kain u la ïaid. Na ka bynta ka tyngka, ki la aiti ïa lade sha ka jingbakla kaba u Balaam u la leh. Ki la ïaleh pyrshah kumba u Korah u la ïaleh pyrshah, bad kum ma u, la pynjot ïa ki.