HABAKKUK 2:4 - Khasi CL Bible (BSI)

⁴ Bad kane ka dei ka khubor: ‘Kito kiba bymman kin ym lait im, hynrei kito kiba hok kin im namar ki long kiba ïaineh ha U Blei.’”

KA BAIBL

⁴ “Ha khmih, ka mynsiem jong u ka at meng, kam long kaba beit hapoh jong u: hynrei, u bahok un ïoh im da la ka jingngeit.

HABAKKUK 2:4 ပူးပေါင်းရင်းမြစ်များ

SALM 49:18

Wat lada u briew u sngewhun bad kane ka jingim bad ba la ïaroh ïa u ba u long uba jop,

ISAÏAH 13:11

U Trai u ong, “Ngan wallam ka jingpynjot halor ka pyrthei bad ngan pynshitom ïa ki riewbymman baroh namar ki pop jong ki. Ngan pyndem ïa uno uno uba sarong bad ngan pynshitom ïa uno uno uba sngewmeng bad uba runar.

ESEKIEL 18:9

Uba kum une u briew u kohnguh ïa ki hukum jong nga bad u sumar biang biang ïa ki aiñ jong nga. U long uba hok, bad un im,” ong U Trai Nongsynshar.

DANIEL 11:12

Un sngewsarong ïa la ka jingjop bad ïa ki shipai kiba bun kiba u la lah pynïap, hynrei un ym neh sah ban jop.

DANIEL 4:30

u la ong, “Ha khmih katno khraw ka Babilon ka long! Nga la tei ïa ka kum ka nongbah jong nga ban pyn-i ïa ka bor bad ka jingkhlaiñ jong nga, ka burom jong nga bad ka jinglong syiem jong nga.”

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

LOUKAS 18:14

Nga ong ha phi,” U Jisu u la ong, “u nonglum khajna, bad ym u Pharisi, uba don ha ka liang kaba dei bad U Blei haba u leit noh sha ïing. Naba ïa uno uno uba pynkhraw ïa lade yn pynrit, bad ïa uno uno uba pynrit yn pynkhraw.”

ÏOANNIS 3:36

Uno uno uba ngeit ha U Khun u don ka jingim bymjukut; uno uno u bymkohnguh ïa U Khun un ym ïoh ïa ka jingim, hynrei un ïaisah ha ka jingpynshitom jong U Blei.

Ka Shithi U Paul Sha Ki Nong Rom 1:17

Naba ka Gospel ka pynpaw kumno U Blei u pynlong ïa ki briew ban don ka jingïadei kaba beit bad U hi: Ka long lyngba ka jingngeit naduh kaba sdang haduh kaba kut. Kumba ka Jingthoh Bakhuid ka ong, “U briew uba beit bad U Blei da ka jingngeit un im.”

GALATIA 2:16

Pynban, ngi tip ba ïa u briew la pynksan ha khmat U Blei tang da ka jingngeit ha U Jisu Khrist, ym da kaba leh ïa kaei kaba ka Hukum ka dawa. Ngi ruh, ngi la ngeit ha U Khrist Jisu khnang ban pynksan ha U Blei da ka jingngeit jong ngi ha U Khrist bad ym da kaba leh ïa kaei kaba ka Hukum ka dawa. Namar ym don uno uno ruh ïa uba la pynksan ha U Blei da kaba leh ïa kaei kaba ka Hukum ka dawa.

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.

HEBRU 10:38

La katta ruh, ki briew jong nga kiba hok kin ngeit bad kin im; hynrei lada uno uno na ki u phai dien ngan ym sngewbha shuh ïa u.”

1 PETROS 5:5

Ha kajuh ka rukom ma phi kiba dang kham samla phi donkam ban kohnguh ïa kiba la kham rangbah. Bad ma phi baroh phi dei ban phong ïa ka jaiñkup ka jingsngewrit, ban shakri iwei ïa iwei pat; naba ka Jingthoh Bakhuid ka ong, “U Blei u ïaleh pyrshah ïa kiba sarong, hynrei u pyn-i ïa ka jingsngewbha ïa kiba sngewrit.”