HABAKKUK 2:3 - Khasi CL Bible (BSI)

³ To buh ha ka jingthoh, namar kam pat dei ka por ba kan urlong. Hynrei ka por ka wan kloi, bad kaei kaba nga pyn-i ha me kan urlong. Ka i kumba ka wan suki jai, hynrei to ap ïa ka; kan sa jia long shisha, bad yn ym pyntud ïa ka.

KA BAIBL

³ Naba kane ka jingithuhpaw ka long, pynban, ïa ka por ba la buh, bad ka pynkloi sha ka bakut, bad kan ym lamler: la ka pynslem ruh, to ap ïa ka; naba kan poi shisha, kan ym pyntud.

HABAKKUK 2:3 ပူးပေါင်းရင်းမြစ်များ

2 SYIEM 6:33

Katba un da dep kren ïa kane, haba u syiem u wan poi bad u la ong, “U long U Trai uba la wallam ïa kane ka jingjynjar ha ngi! Balei ba ngan ap slem ïa u ban leh ei ei?”

SALM 102:13

Men ïeng bad leh-isynei ïa ka Seïon; ka por ka la poi ban leh-isynei ïa ka; kane ka dei ka por kaba biang bha.

SALM 27:14

To shaniah ha U Trai, to ngeit, wat duh jingkyrmen. To shaniah ha U Trai.

EKSODOS 12:41

Ha ka sngi kaba kut jong kita ki sawspah laiphew snem, baroh ki paid U Trai ki mihnoh na Ijipt.

ISAÏAH 30:18

Pynban U Trai u ap ban leh-isynei ïa phi. U kloi ban sngewlem ïa phi namar u long borabor uba leh ïa kaba dei. Suk kito kiba buh ïa ka jingshaniah jong ki ha U Trai.

ISAÏAH 7:4

Ong ïa u ban da husiar, ban long jai jai, bad ban ym sheptieng lane khih jingmut. Ka jingbitar u Syiem Resin bad ki Syria jong u bad ka jong u Syiem Pekah kam long shuh kaba don jingma ban ïa ka tdem jong ki ar tylli ki shynraiñ dieng kiba don ding.

ISAÏAH 8:17

U Trai u la buhrieh ïa lade na ki briew jong u, hynrei nga shaniah ha u bad buh ïa ka jingkyrmen jong nga ha u.

JEREMAÏAH 27:7

Baroh ki jaitbynriew kin shakri ïa u, bad kin shakri ïa u khun bad u khun ksiew jong u tad haduh ba ka por kan wan ïa ka hima jong u hi ban kyllon. Te ka jaitbynriew jong u kan shakri ïa ki jaitbynriew badonbor bad ïa ki syiem bakhraw.

ESEKIEL 12:25

Ma nga, U Trai, ngan kren ha ki, bad ïa kaei kaba nga ong yn pyndep. Yn ym don shuh ka jingpyntud. Ha ka por ka jong phi hi, ko ki nongïeng ïaleh pyrshah, ngan leh ïa kaei kaba nga la maham ïa phi ba ngan leh. Nga la kren,” ong U Trai Nongsynshar.

ESEKIEL 30:9

“Haba kata ka sngi ka wan bad ïa ka Ijipt la pynjot, ngan phah ïa ki nonglamktien ha ki liengbah ban pynkhih ïa ki briew ki bym poi pyrkhat jong ka Sudan, bad kin sngewtriem. Kata ka sngi ka la jan wan!”

DANIEL 10:14

Nga la wan ban pynsngewthuh ïa me ïa kaei ka ban jia ha ki briew jong me ha ka lawei. Kane ka dei ka jingïohipaw ïa ka lawei.”

DANIEL 11:27

Nangta ki ar ngut ki syiem kin ïashong lang ban ïabam ha kajuh ka miej, hynrei ki jingthmu jong ki, kin long kiba sniew, bad kin ïa-lamler uwei ïa uwei pat. Kin ym ïoh ïa kaei kaba ki kwah, namar ka por na ka bynta kata kam pat poi.

DANIEL 11:35

Katto katne na kito ki nongïalam bastad kin shah pynïap, hynrei kaba mih na kane ka long ba yn pynkhuid ïa ki briew. Kane kan ïailong tad haduh ba kaba kut kan wan, ka por kaba U Blei u la buh.

DANIEL 8:17

U Gabriel u la wan bad u la ïeng hajan jong nga, bad nga la sheptieng katta katta ba nga kyllon ha khyndew. U la ong ha nga, “Ko khun u briew, to shemphang ïa ka jingmut. Ka jingïohipaw ka ïadei bad ka jingkut jong ka pyrthei.”

DANIEL 8:19

bad u la ong, “Nga pyn-i ha me ïa kaei kaba mih na ka jingbitar U Blei kan long. Ka jingïohipaw ka kdew ïa ka por jong ka jingkut.

DANIEL 9:24

“Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

MIKAH 7:7

Hynrei ngan ap khmih ïa U Trai; ngan ap skhem ïa U Blei, u ban pyllait im ïa nga. U Blei jong nga un sngew ïa nga.

SEPHANAÏAH 3:8

“Shu ap,” U Trai u ong. “Ap ïa ka sngi haba ngan ïeng ban pynrem ïa ki jaitbynriew. Nga la pynbeit ïa la ka jingmut ban lumlang ïa ki jaitbynriew bad ki hima khnang ban shah ïa ki ban sngew ïa ka bor ka jingbitar jong nga. Ïa ka pyrthei baroh kawei yn pynjot da ka ding ka jingbitar shla jong nga.

JINGKHEIÑ 23:19

U Blei um long kum ki briew, kiba kren lamler; Um long kum u briew uba kylla la ka jingmut. Kat kaba u kular, u pyndep; U kren, bad la pyndep ïa kata.

LOUKAS 2:25

Ha kata ka por la don u briew uba shong basah ha Jerusalem uba kyrteng u Simeon. U la long u briew uba bha, uba sheptieng ïa U Blei bad uba ïai ap na ka bynta ki Israel ban ïoh jingpynim.

KI KAM 1:7

U Jisu u la ong ha ki, “Ïa ki por bad ki jingjia la buh da U Kpa ha ka bor jong u hi, bad kam dei ïa phi ban tip lano kin jia long.

KI KAM 17:26

Na uwei u briew u la thaw ïa ki jaitbynriew baroh ha ka pyrthei bad u la pynlong ïa ki ban shong ban sah ha kylleng ka pyrthei. U hi da lade u la pynskhem lypa ïa ki por kiba biang bad ïa ki pud jong ki jaka ha kaba kin shong kin sah.

GALATIA 4:2

Katba u dang khynnah, don ki briew ki ban sumar ïa u bad pynïaid ïa ki kam jong u tad haduh ban da poi ka por ba la buh da u kpa jong u.

2 PETROS 2:3

Ha ka jinglalot jong ki, kine ki nonghikai balamler kin kamai da kaba ïathuh ïa phi ïa ki jingïathuhkhana ba shu thaw. La kham slem mynta U Nongbishar jong ki u la long uba la kloi, bad u Nongpynjot jong ki u la long u bym ju ïohthiah!

2 PETROS 3:9

U Trai um pyntud ban leh ïa kaei kaba u la kular, kumba don kiba pyrkhat. Pynban, u long uba ïaishah slem bad phi, namar um kwah ïano ïano ban jot noh, hynrei u kwah ba baroh kin phai noh na ki pop jong ki.