HABAKKUK 1:9 - Khasi CL Bible (BSI)

⁹ “Ki kynhun shipai jong ki, ki tur jubor sha khmat ban jop, bad uwei pa uwei u la sngewtriem katba ki nang tur. Kiba shah kem ki bun bah kum u shyiap.

KA BAIBL

⁹ Baroh keiñ ki ïawan khnang ïa ka ban leh jubor; ki khmat jong ki, ki ïa-peit kmang kum ka lyer mihngi; bad ki ïaring mraw kat u shyiap.

HABAKKUK 1:9 ပူးပေါင်းရင်းမြစ်များ

JENESIS 41:49

La don kyrhai eh u kew kat haduh ba u Joseph um donkam shuh ban da thew ïa u — u la long kum u shyiap ka duriaw.

2 SYIEM 12:17

Ha kata ka por u Hasael u syiem ka Syria u tur ïaleh ïa ka nongbah Gath bad u jop ïa ka; nangta u rai ban tur ïaleh ïa ka Jerusalem.

Ka Kitab U Job 29:18

Nga khmih lynti borabor ban im slem bad ban ïap ha la ïing ha ka jingsuk.

SALM 139:18

Lada nga ñiew ïa ki, kin kham bun ban ïa ki symboh shyiap. Haba nga kyndit thiah, nga shem ba nga dang don bad me.

ISAÏAH 27:8

U Trai u la pynshitom ïa ki briew jong u da kaba phah ïa ki sha ka jinglongmraw. U la shim ïa ki da ka lyer bashyrkhei na shaphang mihngi.

JEREMAÏAH 15:8

La don kham bun ki riewkynthei ha ka ri jong phi ban ïa ki symboh shyiap harud ka duriaw. Nga la pynïap ïa ki rangsamla jong phi ha ka rta kaba dang khie bha bad pynlong ïa ki kmie jong ki ban shahshitom. Nga lynshop kynsan ïa ki da ka jingkhuslai bad ka jingtriem.

JEREMAÏAH 25:9

‘Ngan sa phah ïa ki jaitbynriew baroh na shatei bad ïa u shakri jong nga, u Nebukhadnessar u syiem ka Babilonia. Ngan wanrah ïa ki ban ïaleh pyrshah ïa ka Judah bad ïa ki nongshong shnong jong ka, bad pyrshah ïa ki jaitbynriew baroh kiba shong marjan bad ka. Ngan pynduh khoit ïa kane ka jaitbynriew bad ki paramarjan jong ka bad ngan sa ieh ïa ki ha ka jingjot junom, kaei kaei kaba ishyrkhei bad kaba pynkyndit ban peit. Ma nga, U Trai, nga la kren.

JEREMAÏAH 34:22

Ngan ai ka hukum, bad kin wan biang sha kane ka nongbah. Kin tur ïaleh ïa ka, kin kurup ïa ka, bad thang duh ïa ka. Ngan pynlong ïa ki shnong ka Judah ba kin long kum ka ri shyiap ha kaba yn ym don mano mano ban shong ban sah ha ka. Ma nga, U Trai, nga la kren.”

JEREMAÏAH 4:11

Ka por ka wan ha kaba ïa ki briew jong ka Jerusalem yn ïathuh ba ka lyer khluit ka beh shapoh sha ki na ka ri shyiap. Kan ym long ka lyer kaba jai jai kaba shu beh pynher noh ïa u stait —

JEREMAÏAH 4:7

Kum u sing uba wan mih na ka jakarieh jong u, u nongpynjot jong ki jaitbynriew u la mihnoh. U wan ban pynjot ïa ka Judah. Ïa ki nongbah jong ka Judah yn ieh ha ki jingjot, bad yn ym don mano mano bashong ba sah ha ki.

ESEKIEL 17:10

Ho-oid la thung ïa ka, hynrei hato kan im bad san? Hato kan ym ïapstai haba ka lyer mihngi ka shoh ïa ka? Hato kan ym ïapstai hangta ha kaba ka san?”

ESEKIEL 19:12

Hynrei ki kti ba bitar ki la rat ïa u naduh tynrai bad bret ïa u sha madan. Ka lyer mihngi ka la pyntyrkhong ïa u soh jong u. Ki tnat jong u ki la kheiñ; ki la tyrkhong bad la thang noh.

DANIEL 11:17

“U syiem ka Syria un pynkhreh ka jinghiarthma, da kaba pyndonkam ïa ka kynhun shipai jong u baroh kawei. Nangta, khnang ban pynjot ïa ka hima jong u nongshun, un pynlong ka jingïateh lok bad u bad tyrwa ha u ban shongkurim ïa ka khun jong u; hynrei ka jingthmu jong u kan ym jop.

HOSIA 1:10

Ki briew ka Israel kin sa bun kum u shyiap ka duriaw, kin bun haduh bym lah shuh ban ñiew lane ban thew. Mynta U Blei u ong ïa ki, “Phim dei ki briew jong nga,” hynrei ka sngi kan poi ha kaba un ong ha ki, “Phi dei ki khun jong U Blei uba im.”

HOSIA 13:15

Wat lada ki paid Israel ki roi kum ki ñiut, ngan phah ïa ka lyer khluit na mihngi kaba na ri shyiap, bad kan pyntyrkhong ïa ki umpohliew bad ki pung-um jong ki. Kan rong noh ïa kano kano kaba kordor.

HABAKKUK 1:17

Hato kin pyndonkam ïa la ki waitlam junom bad ïai pynjot ïa ki jaitbynriew khlem jingisynei?

HABAKKUK 1:6

Ngan wanrah ïa ki nong Babilonia ban don ha ka bor, kito kiba triem, ki briew bym lah ban shong khop. Ki leit kylleng ka pyrthei ban jop ïa kiwei ki ri.

Ka Shithi U Paul Sha Ki Nong Rom 9:27

Bad U Isaïah u la pyrta shaphang ki Israel: “Wat lada ki paid Israel ki bun kat u shyiap harud duriaw, pynban tang khyndiat na ki yn pynim;

NONGBISHAR 7:12

Ki Midian, ki Amalek, bad ki jaitbynriew ka ri shyiap ki la saphriang ha ka them kum ka kynhun ki puit, bad ki la don bun bah ki ut kat ki symboh shyiap ka rud duriaw.