HABAKKUK 1:3 - Khasi CL Bible (BSI)

³ Balei ba me pynlong ïa nga ban ïohi ïa kaba kum kane ka jingjynjar? Kumno me lah ban shu peit ïa kaba kum kane ka jingleh bymdei? Ka jingpynjot bad ka jinglehbor ki don baroh sawdong jong nga, bad ka don ka jingïaleh bad jingïakajia ha kylleng.

KA BAIBL

³ Balei ba me pyni ha nga ka jingbymman, bad ba me shu khmih ïa ka jingkiat? naba ka jinglute bad ka jingleh-jubor ki don ha khmat jong nga; don ruh ka jingïania, bad ka jingïaprat ka mih.

HABAKKUK 1:3 ပူးပေါင်းရင်းမြစ်များ

EKLESIASTIS 4:1

Nangta nga la khmih biang ha baroh ki jingbymlehhok kaba trei ha kane ka pyrthei. Kiba la shah banbeiñ ki lynñiar, bad ym don mano mano ban ïarap ïa ki. Ym don mano mano ban ïarap ïa ki namar ki nongbanbeiñ jong ki, ki don ka bor ha ka liang jong ki.

EKLESIASTIS 5:8

Wat lyngngoh haba phi ïohi ba ka sorkar ka banbeiñ ïa kiba duk bad kam ai ha ki ïa ka jinglehhok bad ïa ki hok jong ki. Ïa uwei pa uwei u rangbah synshar la ïada da uno uno uba kham halor bad ïa baroh ar la ïada da ki rangbah synshar kiba kham halor.

ISAÏAH 46:12

“To shahshkor ïa nga, phi ki briew ba-mutlop kiba pyrkhat ba ka jingjop ka dang sha jngai bah.

ISAÏAH 5:7

Ka Israel ka dei ka bri sohwaiñ jong U Trai Badonbor Baroh; ki briew ka Judah ki dei ki dieng sohwaiñ kiba u la thung. U la khmih lynti ba kin leh ïa kaei kaba bha, hynrei pynban ki la pynïap briew. U la khmih lynti ba kin leh ïa kaba dei, hynrei kiba shah lanot jong ki, ki kyang ïa ka jingbishar hok.

JEREMAÏAH 15:10

A nga long u briew u bym don jingkmen! Balei ba i mei jong nga i wallam ïa nga sha ka pyrthei? Nga la dei ban ïakajia bad ïania bad uwei pa uwei ha ka ri. Ngam shym la ai kylliang ïa kano kano ka pisa lane shim kylliang ïa kano kano; pynban uwei pa uwei u tim ïa nga.

JEREMAÏAH 20:18

Balei ba la kha ïa nga? Hato kan dei tang ban ïoh ka jingjynjar bad ka jingsngewsih, ban pynkut ïa ka jingim jong nga ha ka jingjahburom?

JEREMAÏAH 20:8

Man ba nga kren, nga hap ban kyang jam bad pyrta, “Ka jingleh jubor! Ka jingpynjot!” A Trai, ïa nga la rkhiebeiñ bad ibeiñ ha ki por baroh namar nga pynbna ïa ka khubor jong me.

ESEKIEL 2:6

“Hynrei ma me, ko khun u briew, wat sheptieng ïa ki lane ïa kano kano ba ki ong. Kin beiñ bad ym kheiñ ïa me; bad kan long kumba im hapdeng ki 'ñianglartham. La katta ruh, wat sheptieng ïa kito kiba ïaleh pyrshah lane ïa kano kano kaba ki ong.

MATHAÏOS 10:16

“To shahshkor! nga phah noh ïa phi kum ki langbrot sha ka kynhun ki suri. Phi dei ban phikir kum ki bseiñ bad kiba jemnud kum ki paro.

2 PETROS 2:8

Uta u briew uba bha u la im hapdeng jong ki, bad man la ka sngi u shah ïa ka jingkordit haba u la ïohi bad la ïohsngew ïa ki kam sniew jong ki.