ESTHER 9:3 - Khasi CL Bible (BSI)3 Ha ka jingshisha, baroh ki rangbah synshar ki jylla — ki lat, ki nongsynshar, ki nongmihkhmat u syiem — ki la ïarap ïa ki Jiw namar baroh ki la sheptieng ïa u Mordekai. အခန်းကိုကြည့်ပါ။KA BAIBL3 Bad ki rangbah baroh jong ki shnat, bad ki lyngskor, bad ki nongsynshar, bad kita kiba la ju leh ïa ka kam u syiem, ki la ïarap ïa ki Jiw; namar ka jingsheptieng ïa u Mordekai ka la ngat ha ki. အခန်းကိုကြည့်ပါ။ |
Kumta ha ka sngi kaba khatlai jong u bnai banyngkong, u Haman u la khot ïa ki sekretari jong u syiem bad u la pule ha ki ba kin bud ïa ka jingpynbna bad ong ïa ki ban pynkylla ktien sha baroh ki jait ktien bad rukom thoh ba la pyndonkam ha ka hima bad ban phah sha baroh ki nongsynshar, ki lat bad rangbah synshar. La pynmih ha ka kyrteng jong u syiem Serksis bad shon muhor da ka sati jong u.
“Lada ka pynsngewbha ïa phi, ko syiem, bad lada phi sngewsynei ïa nga bad ka long kaba dei ha phi, sngewbha pynmih ka jingpynbna ban khang ïa ki hukum u Haman na kaba pyntreikam ïa ki — kito ki hukum kiba u khun jong u Hammedatha uba hiarpateng na u Agag u la ai na ka bynta ka jingpynjot ïa ki Jiw baroh ha ka hima.
Kane ka long ha ka sngi kaba arphew lai jong u bnai uba lai, u bnai Siban. U Mordekai u khot ïa ki sekretari jong u syiem bad u pule ba kin thoh ïa ki shithi sha ki Jiw bad ïa ki lat, ki nongsynshar, bad ki rangbah synshar jong baroh ki shispah arphew hynñiew tylli ki probins naduh India haduh Sudan. Ïa ki shithi la thoh sha baroh ki probins ha ki ktien bad ki rukom thoh jong ki.
Te u syiem u la ai hukum ïa baroh ki rangbah synshar jong u ban ïawanlang — ki khun syiem shynrang, ki lat, ki lat kiba kham hapoh, ki kommisshonor, ki nongbat tyngka, ki nongbishar, ki majistor, bad kiwei pat ki rangbah synshar jong ki jylla. Ki la dei ban wan sha ka jingpynkyntang ïa ka durbriew kaba u syiem Nebukhadnessar u la phah pynïeng.