ESTHER 2:2 - Khasi CL Bible (BSI)

² Kumta katto katne ngut na ki nongai jingmut u syiem kiba ïajan bad u ki ai jingmut, “Balei phim pynlong ka jingwad ban shem katto katne ki theisotti ba-bhabriew?

KA BAIBL

² Ynda kumta, ki shakri syiem kiba ju shakri ïa u ki la ong, “Ai ba yn wad ïa ki theisotti babhabriew kiba dang khynraw ïa u syiem:

ESTHER 2:2 ပူးပေါင်းရင်းမြစ်များ

1 SYIEM 1:2

Kumta ki rangbah synshar jong u ki ong ha u, “Syiem Kynrad, shah ngin wad ka samla kynthei ban sah bad phi bad ban sumar ïa phi. Kan thiah ha syndah jong phi ba kan pynsyaid ïa phi.”

ESTHER 6:14

Katba ki dang ïakren, ki ïunukh ka ïingsyiem ki wan poi ha ka jingkyrkieh ban ïalam ïa u Haman sha ka jingkhawai ka Esther.

ESTHER 1:14

Kito sha kiba u ju phai khmat bunsien na ka bynta ka jingai jingmut ki long u Karshena, u Shethar, u Admatha, u Tarshish, u Meres, u Marsena bad u Memukan — ki hynñiew ngut ki rangbah synshar jong ka Persia bad ka Media kiba bat ïa ki kyrdan treikam bahakhlieh duh jong ka hima.

ESTHER 1:10

Ha ka sngi kaba hynñiew jong ka jingkhawai jong u, u syiem u dang dih bad sngewkmen, kumta u khot ïa ki hynñiew ngut ki ïunukh kiba long ki shakri ba ju shakri ha syndah jong u, ïa u Mehuman, u Bistha, u Harbona, u Bigtha, u Abagtha, u Sethar bad u Karkas.

JENESIS 12:14

Haba u la rung sha ka ri Ijipt, ki nong Ijipt ki la ïohi ba ka tnga jong u ka la long kaba bhabriew.

ESTHER 2:3

Phi lah ban thung ki rangbah synshar ha man ki probins jong ka hima bad hukum ïa ki ban wallam ïa baroh kine ki samla kynthei ba-bhabriew sha ka ïing ki kynthei jong phi hangne ha Susa, ka nongbah jong ka hima. Buh ïa ki hapoh ka jingkhmih jong u Hegai, u ïunukh uba peit halor ki kynthei jong phi, bad ban ai ka jingsumar na ka bynta ka jingpynbha briew ïa ki.