ESRA 9:9 - Khasi CL Bible (BSI)

⁹ Ngi la long ki mraw, hynrei mem shym la iehnoh ïa ngi ha ka jinglongmraw. Me la pynlong ïa ki patsha ka Persia ban lehsbun ïa ngi bad ban shah ïa ngi ban dang ïoh ban im bad ban tei pat ka Templ jong me, kaba la long ha ka jingjot jingpra, bad ban ïoh ïa ka jingshongshngain hangne ha Judah bad Jerusalem.

KA BAIBL

⁹ Namar ngi long ki mraw: pynban, U Blei jong ngi um shym la iehnoh ïa ngi ha ka jinglongmraw jong ngi, hynrei, u la ai ïa ka jingisynei ha ngi ha khmat ki syiem ka Persha, ban ai ka jingshongthait ha ngi, ban pynïeng ïa ka ïing U Blei jong ngi, bad ban shna pat ïa ka jingjot jong ka bad ban ai ka kynroh ha ngi ha Judah bad ha Jerusalem.

ESRA 9:9 ပူးပေါင်းရင်းမြစ်များ

ESRA 2:68

Haba kiba shah ringmraw ki la poi ha ka Templ U Trai ha Jerusalem, katto katne na ki nongïalam jong ki kur ki la ai ki jingainguh mon sngewbha ban ïarap ïa ka jingtei biang ïa ka Templ ha ka jaka ba-mynshuwa.

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

ESRA 7:8

Ki mih na Babilonia ha ka sngi banyngkong jong u bnai banyngkong, bad da ka jingïarap U Blei, ki poi ha Jerusalem ha ka sngi banyngkong jong u bnai uba san.

ESRA 9:10

“Hynrei mynta, A Blei, kaei kaba ngi lah ban ïa-ong hadien kata baroh kaba la jia? Ngi la long ki bymkohnguh biang ïa ki hukum kiba me la ai ha ngi lyngba ki shakri jong me, ki nongïathuhlypa.

NEHEMAÏAH 2:17

Hynrei mynta nga ong ha ki, “Peit kaei ka jingeh kaba ngi don namar ka Jerusalem ka long hapdeng ka jingjot bad ïa ki khyrdop jong ka la pynjot! To ngin ïatei pat ïa ki kynroh ka nongbah bad pynkut noh ïa ka jingjahburom jong ngi.”

NEHEMAÏAH 9:17

Ki la kyntait ban kohnguh; ki la klet ïa baroh kaba me la leh; ki la klet noh ïa ki kambah kiba me la leh. Ha ka jingsarong jong ki, ki la jied u nongïalam ban ïalam biang ïa ki sha ka jinglongmraw ha Ijipt. Hynrei me long U Blei uba map; me long uba dap da ka jingaiei bad ka jingieit, uba suki ban bitar. Ka jingisynei jong me ka long kaba khraw; mem shym iehnoh ïa ki.

SALM 109:12

Ai ba yn ym don uno uno u ban lehsbun ïa u lane sumar ïa ki khunswet ba u la iehnoh shadien jong u.

SALM 138:7

Haba la ker sawdong ïa nga da ki jingjynjar, me ri sumar ïa nga. Me ïeng pyrshah ïa ki nongshun ba bitar jong nga bad me pyllait im ïa nga da ka bor jong me.

ISAÏAH 14:3

U Trai un ai ha ki paid Israel ka jingtngen na ki jingpang bad ki jingshitom jong ki bad na ka kam kaba khia kaba ki la shah pynbor ban trei.

ISAÏAH 5:2

U la tih ïa ka khyndew bad u la weng ïa ki maw na ka; u la thung ïa ki dieng sohwaiñ kiba kynsai. U la tei ka jaka ap phira ban khmih sumar ïa ki, u la tih ka thliew na ka bynta ban ïuh ïa ki sohwaiñ. U la ap ïa ki sohwaiñ ban ih, hynrei uwei pa uwei u sohwaiñ u long uba jew.

ISAÏAH 5:5

“Kane ka dei kaei kaba ngan leh ïa ka bri sohwaiñ jong nga: Ngan weng noh ïa ka jingker baroh sawdong jong ka, ngan pynpra ïa ka kynroh kaba da ïa ka, ngan shah ïa ki mradkhlaw ban bam ïa ka bad ïuhroit ïa ka.

ISAÏAH 61:4

Kin tei pat ïa ki nongbah ba la jot la pra.

ESEKIEL 11:16

“Mynta to ïathuh ïa ki para ba shah ringmraw ïa kaei kaba nga ong. Nga long uta uba la phah ïa ki ban shong ban sah ha ki ri kiba jngai bad pynsakma ïa ki ha kiwei de ki ri. Pynban, ïa mynta shipor ngan don bad ki ha ki jaka sha kaba ki la leit.

DANIEL 9:25

Kynmaw ïa kane bad to shemphang ïa ka: Naduh ka por ba la ai ïa ka hukum ban tei pat ïa ka Jerusalem, tad haduh ba wan u nongïalam ba la jied da U Blei, ki hynñiew sien ki hynñiew snem kin leit noh. Ïa ka Jerusalem yn tei pat lem bad ki lynti bah bad ki jingïada bakhlaiñ, bad kan ïeng haduh hynñiew sien ki hynriewphew ar snem, hynrei kane kan long ka por ki jingjynjar.

HAGGAI 1:9

“Phi la kyrmen ïa ki jingot kiba bun, hynrei ki la kylla long tang khyndiat. Bad haba phi la wanrah ïa ka jingot sha ïing, nga pynher ïa ka sha jngai. Balei ba nga la leh ïa kata? Namar ka Templ jong nga ka dang don ha ki jingjot katba uwei pa uwei na phi u bunkam ha ka jingtrei ïa la ka jong ka ïing.

SEKHARAÏAH 2:5

U Trai u la lah kular ba ma u hi un long ka kynroh ding sawdong ïa ka nongbah ban ïada ïa ka bad ba un shong un sah hangta ha ka burom jong u baroh.”