ESRA 9:4 - Khasi CL Bible (BSI)

⁴ Nga shong hangta ha ka jingsngewsih haduh ynda la janmiet, ka por ban ai ïa ki jingkñia, bad ki briew ki sdang ban ïalum sawdong ïa nga — baroh kito kiba la sheptieng ïa kaei kaba U Blei ki Israel u la lah ong shaphang ki pop jong kito kiba la wan phai na ka jingshah ringmraw.

KA BAIBL

⁴ Hangta la ïalum lang ha nga baroh kat uba khynñiuh ha ki ktien U Blei ki Israel, namar ka jingpalat jong kita kiba na ka jingpynwir; bad nga la shong lyngngoh haduh ka jingkñia la janmiet.

ESRA 9:4 ပူးပေါင်းရင်းမြစ်များ

2 KHRONIKL 34:27

bad to kylla-kaba-mut bad pynrit ïa lade ha khmat jong nga, da kaba kad ïa la ki jaiñ bad da kaba ïam, haba me ïohsngew kumno nga la byrngem ban pynshitom ïa ka Jerusalem bad ïa ki briew jong ka.

ESRA 10:3

Mynta ngi dei ban pynlong ka jingkular bakyntang ha U Blei jong ngi ba ngin phah noh ïa kine ki kynthei bad ki khynnah. Ngin leh ïa kaei kaba ma phi bad kiwei kiba burom ïa ki hukum U Blei kiba hikai ïa ngi ban leh. Ngin leh ïa kaei kaba ka Hukum U Blei ka dawa.

ESRA 10:9

Hapoh lai sngi, ha ka sngi kaba arphew jong u bnai uba khyndai, baroh ki rangbah kiba shong basah ha ki ri ka Judah bad Benjamin ki la wan sha Jerusalem bad ki la ïalumlang ha ka phyllaw jong ka Templ. Ka la don ka jingslap kaba jur, bad namar ka jinglong jong ka suiñbneng bad ka jingkhia jingmut jong ka jingïalang, baroh ki la ïakyiuh.

SALM 119:136

Ki ummat jong nga ki tuid kum ka wah, namar ki briew kim kohnguh ïa ka aiñ jong me.

EKSODOS 29:39

Kñia uwei u khunlangbrot mynstep bad uwei pat ynda janmiet.

EKSODOS 29:41

Kñia ïa u khunlangbrot uba ar ynda janmiet, bad ainguh lang bad u katjuh u kew ba la tylliat ni bha, ka umphniang Olib, bad ka waiñ kumba leh mynstep. Kane ka long ka jingainguh bam sha nga U Trai, bad ka jingiwbih jong ka, ka pynsngewbha ïa nga.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

ISAÏAH 66:5

To sngap ïa kaei kaba U Trai u kren, phi kiba sheptieng bad kohnguh ïa u: “Namar phi long kiba ïaineh ha nga, katto katne na ki briew jong phi hi ki shun ïa phi bad kin ym don ïadon bynta ei ei bad phi. Ki rkhiebeiñ ïa phi bad ong, ‘Ai ba U Trai un pyn-i ïa ka jingkhraw jong u bad pynim ïa phi, kumta ba ngin ïohi ïa phi ba phi shadkmen.’ Hynrei dei ma ki hi, ki ban jahburom!

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

DANIEL 10:2

Ha kata ka por, nga la ïambriew haduh lai taïew.

DANIEL 9:21

Mynba nga dang duwai, u Gabriel, uba nga la lah ïohi ha ka jingïohipaw mynshuwa, u la wan her sha tbian sha ka jaka ha kaba nga don. Ka la long ha ka por ban ai ïa ka jingkñia janmiet.

JINGKHEIÑ 25:6

Uwei u Israel u la ïalam ïa kawei ka kynthei Midian sha la ïingjaiñ, ha kaba ïohi jong u Moses bad ka kynhun baroh, katba ki dang ïa-ïam sngewsih ha ka jingkhang ka Ïingjaiñ ka Jingdon Ryngkat U Trai.

KI KAM 3:1

Ha kawei ka sngi, u Petros bad u Ïoannis ki la leit sha ka Templ ha ka por lai baje nohphai sngi, kaba long ka kynta jingduwai.