ESRA 9:3 - Khasi CL Bible (BSI)

³ Haba nga la ïohsngew ïa kane, nga kad ïa la ki jaiñ ha ka jingsngewsih, nga phut ïa la u shñiuh bad u 'ñiuhtmoh bad nga shong ba la bankhia da ka jingsngewsih.

KA BAIBL

³ Te haba nga la ïohsngew ïa kane, nga la kad ïa la ka jaiñkup bad ïa la ka jingphong, bad nga la phut noh ïa la u 'ñiuh khlieh bad la u 'ñiuh tmoh, bad nga la shong lyngngoh.

ESRA 9:3 ပူးပေါင်းရင်းမြစ်များ

2 SAMUEL 1:11

U Dabid u kad ïa la ki jaiñkup ha ka jingsngewsih, bad ki briew jong u baroh ki leh kumjuh.

2 SYIEM 18:37

Nangta u Eliakim, u Shebna, bad u Joah ki kad ïa la ki jaiñ ha ka jingsngewsih, bad ki leit bad ïathuh sha u syiem ïa kaei kaba u rangbah synshar ka Assyria u la ong.

NEHEMAÏAH 1:4

Haba nga ïohsngew ïa kane baroh, nga shong bad nga ïam. Bun sngi nga la sngewsih bad ngam shym bam.

NEHEMAÏAH 13:25

Nga la sneng ïa ki rangbah, nga la tim ïa ki, shoh ïa ki bad pajut ïa u shñiuh jong ki. Nangta nga la pynlong ïa ki ban smai ha ka kyrteng U Blei ba kim dei shuh ba ma ki ne ki khun jong ki kin shongkha khleh bad ki nongwei.

Ka Kitab U Job 1:20

Te u Job u ïeng joit bad u kad ïa la ki jaiñ ha ka jingsngewsih. U khi ïa la ka khlieh bad u bret ïa lade da pyllup ha ka khyndew.

SALM 119:53

Haba nga ïohi ïa ki bymman ba ki pynkheiñ ïa ka aiñ jong me, nga la dap da ka jingbitar.

SALM 143:4

Kumta nga la sdang ban iehnoh khlem ïaleh shuh; nga don hapdeng ka jingduh jingkyrmen.

SALM 66:3

To ong ha U Blei, “A katno kiba phylla long kiei kiei kiba me leh! Ka bor jong me ka long kaba khraw katta katta ba ki nongshun jong me ki dem ngon ha ka jingsheptieng ha khmat jong me.

ISAÏAH 15:2

Ki briew jong ka Dibon ki kiew ïa u lum ban ïam ha ka jaka mane blei. Ki briew jong ka Moab ki la ïam ha ka jingsngewsih ïa ki nongbah jong ka Nebo bad Medeba; ki la khi ïa la ki khlieh bad ïa u 'ñiuhtmoh ha ka jingsngewsih.

JEREMAÏAH 36:24

Hynrei u syiem lymne uno uno na ki rangbah synshar kiba la ïohsngew ïa kane baroh, kim shym la sheptieng ne pyn-i kano kano ka dak jong ka jingsngewsih.

JEREMAÏAH 7:29

“To ïambriew, ko ki briew ka Jerusalem; to ot noh ïa u shñiuh jong phi bad bret noh ïa u. To rwai ka jingrwai ïapbriew halor ki kliar lum, namar ma nga, U Trai, nga bitar, bad nga la kyntait ïa ki briew jong nga.

ESEKIEL 3:15

Kumta nga leit poi sha Tel Abib hajan ka wah Khebar, ha kaba shong kiba la shah ringmraw bad nga sah hangta hynñiew sngi bad ka jingsngew shaïong shaphang kaei kaba nga la ïohi bad ïohsngew.

ESEKIEL 7:18

Kin kup da ka jaiñ khain bad kin kyiuh ha ki jaka baroh. Yn khi lyndum ïa ki khlieh jong ki, bad yn pynlehrain ïa ki baroh.

DANIEL 4:19

Ha kane, u Daniel, ïa uba la khot ruh u Belteshassar, u la sngewsheptieng katta katta ba um lah ban ong ei ei. U syiem u la ong ha u, “Ko Belteshassar, wat ai ba ka jingphohsniew bad ka khubor jong ka kin pynsheptieng ïa me.” U Belteshassar u la phai ktien, “Ko Syiem Kynrad, nga kwah ba ka jingphohsniew bad ka jingbatai ïa ka kan dei ïa ki nongshun jong phi bad ym ïa phi.

DANIEL 8:27

Nga la noh mynsiem bad shitom bun bun sngi. Hadien kata nga la khie bad leit pat sha ka kam kaba u syiem u la ai ha nga, hynrei nga la shaïong da ka jingïohipaw bad ngam lah ban shemphang ïa ka.

LEBITIKOS 21:5

“U lyngdoh um dei ban khi ïa la u 'ñiuhkhlieh, lane khap ïa la u 'ñiuhtmoh, lane pynmong ïa la ka met.

MIKAH 1:16

Ko ki paid Judah, to khi ïa la u shñiuh ha ka jingsngewsih na ka bynta ki khun kiba phi ieit. To pynlong ïa lade kiba syllen kum ki pukni, namar ïa ki khun jong phi yn shim noh na phi ban ïalam sha ka jingringmraw.

JOSHUA 7:6

U Joshua bad ki nongïalam jong ki Israel ki la kad ïa la ki jaiñ da ka jingsngewdiaw, bad ki dem khrup ha khyndew ha khmat ka Synduk ka Jutang U Trai bad dem hangta haduh janmiet lem bad u pui pui halor ki khlieh jong ki ban pyn-i ïa ka jingsngewsih jong ki.