ESRA 8:1 - Khasi CL Bible (BSI)

¹ Kane ka dei ka thup kyrteng jong ki rangbah kur kiba la don ha ka jinglongmraw ha Babilon bad kiba la leit phai ryngkat bad u Esra sha Jerusalem mynba u Artakserksis u long u patsha:

KA BAIBL

¹ Kine te ki long ki rangbah ki ïing ki kpa jong ki, bad kane ka long ka jingkha pateng jong kita kiba la leit kiew bad nga na Babilon, ha ka jingsynshar u Artakserksis u syiem.

ESRA 8:1 ပူးပေါင်းရင်းမြစ်များ

1 KHRONIKL 24:31

U khlieh jong kawei pa kawei ka longïing bad uwei na ki para jong u, ki kynting sbai na ka bynta ki kam jong ki, kumba ki ba-ha-ïing jong ki, ki lyngdoh kiba hiarpateng na u Aaron, ki la leh. U syiem Dabid, u Sadok, u Ahimelekh, bad ki khlieh jong ki longïing jong ki lyngdoh bad jong ki Lebi ki long ki sakhi.

1 KHRONIKL 26:32

U syiem Dabid u jied ar hajar hynñiewspah ngut ki rangbah kiba tbit jong ki longïing na ki kur jong u Jeraïah bad u buh ïa ki ban peit ïa ki kam niam bad ki kam hima sima ha Israel kaba shaphang mihngi jong ka wah Jordan — ki ri jong ki Reuben, ki Gad, bad ki Manasseh ba sha Mihngi.

1 KHRONIKL 4:33

bad ha ki nongrit kiba sawdong jong ki, kat haduh shaphang shathie lam sepngi ha ka shnong Baalath. Kine ki dei ki jingbuh jingthoh kiba ki la buh jong ki longïing jong ki bad jong ki jaka ha kaba ki la shong la sah.

1 KHRONIKL 9:1

Ïa baroh ki paid Israel la buh jingkheiñ kat kum ki longïing jong ki, bad ïa kane ka jingtip la buh jingthoh ha Ka Kitab jong ki Syiem ka Israel. Ïa ki paid Judah la pynryngkang par sha Babilon kum ka jingpynshitom ïa ki pop jong ki.

1 KHRONIKL 9:34

Ki rangbah kiba la jer kyrteng haneng ki dei ki khlieh jong ki longïing Lebi, kat kum ki pateng ki kpa tymmen jong ki, ki dei ki nongïalam kiba shong basah ha Jerusalem.

2 KHRONIKL 26:12

Ïa ka kynhun shipai la ai hukum da ki ar hajar hynriewspah ngut ki rangbah pynïaidkam.

ESRA 1:5

Nangta ki rangbah kur jong ki jait Judah bad Benjamin, ki lyngdoh bad ki Lebi, bad baroh kiwei ïa kiba U Blei u la pynkhih ïa ki dohnud jong ki, ki long ba la kloi ban leit bad tei biang ïa ka Templ U Trai ha Jerusalem.

ESRA 2:2

Ki nongïalam jong ki, ki long u Serubbabel, u Joshua, u Nehemaïah, u Seraïah, u Reelaïah, u Mordekai, u Bilshan, u Mispar, u Bigbai, u Rehum bad u Baanah. Kane ka dei ka thup kyrteng jong ki kur ki Israel, bad kito kiba dei na kawei kawei ka kur kaba wan phai na ka jingshah ringmraw:

ESRA 2:3

Parosh — Ar hajar shispah hynñiewphew ar ngut. Shephataïah — Laispah hynñiewphew ar ngut. Arah — Hynñiewspah hynñiewphew san ngut. Pahath Moab (ki khun ki ksiew u Jeshua bad u Joab) — Ar hajar phraspah khat-ar ngut. Elam — Shihajar arspah sanphew saw ngut. Sattu — Khyndaispah sawphew san ngut. Sakkai — Hynñiewspah hynriewphew ngut. Bani — Hynriewspah sawphew ar ngut. Bebai — Hynriewspah arphew lai ngut. Asgad — Shihajar laispah arphew ar ngut. Adonikam — Hynriewspah hynriewphew hynriew. Bigbai — Ar hajar sanphew hynriew ngut. Adin — Sawspah sanphew saw ngut. Ater (la khot ruh Hesekaïah) — Khyndaiphew phra ngut. Besai — Laispah arphew lai ngut. Jorah — Shispah khat-ar ngut. Hashum — Arspah arphew lai ngut. Gibbar — Khyndaiphew san ngut.

ESRA 7:13

“Nga hukum ba ha baroh kawei ka hima jong nga, baroh ki Israel, ki lyngdoh, bad ki Lebi, ïa kat kita kiba kwah, la ai jingbit ban leit bad me sha Jerusalem.

ESRA 7:28

Da ka jingaiei U Blei, nga la ïoh ïa ka jinglehsbun jong u patsha, ki nongai jingmut, bad ki nongsynshar bakhrawbor jong u baroh; U Trai U Blei jong nga u la ai ïa nga ka jingshlur, bad nga la lah ban pynkohnguh ïa kiba bun ki rangbah kur jong ki Israel ban wan phai bad nga.”

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

ESRA 8:2

U Gershom jong ka kur u Phinehas. U Daniel jong ka kur u Ithamar. U Hattush u khun jong u Shekanaïah, jong ka kur u Dabid. U Sekharaïah jong ka kur u Parosh, bad shispah sanphew ngut ki rangbah jong ka kur jong u (ki don ki jingbuh jingthoh ïa ki jinghiarpateng jong ki). U Eliehoenai u khun jong u Serahaïah jong ka kur u Pahath Moab, bad arspah ngut ki rangbah. U Shekanaïah u khun jong u Jahasiel jong ka kur u Sattu, bad laispah ngut ki rangbah. U Ebed u khun jong u Jonathan jong ka kur u Adin, bad sanphew ngut ki rangbah. U Jeshaïah u khun jong u Athalaïah jong ka kur u Elam, bad hynñiewphew ngut ki rangbah. U Sebadaïah u khun jong u Mikhael jong ka kur u Shephataïah, bad phraphew ngut ki rangbah. U Obadaïah u khun jong u Jehiel jong ka kur u Joab, bad arspah khatphra ngut ki rangbah. U Shelomith u khun jong u Josiphaïah jong ka kur u Bani, bad shispah hynriewphew ngut ki rangbah. U Sekharaïah u khun jong u Bebai jong ka kur u Bebai, bad arphew phra ngut ki rangbah. U Johanan u khun jong u Hakkatan jong ka kur u Asgad, bad shispah shiphew ngut ki rangbah. U Eliphelet, u Jeuel bad u Shemaïah jong ka kur u Adonikam, bad hynriewphew ngut ki rangbah (ki leit phai ha ka por ba kham hadien). U Uthai bad u Sakkur jong ka kur u Bigbai, bad hynñiewphew ngut ki rangbah.