ESRA 7:6 - Khasi CL Bible (BSI)

^6-7 U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

KA BAIBL

⁶ une u Esra la leit kiew na Babilon; bad u la long u nongthoh uba nang ha Ka Hukum u Moses, ïa kaba U Trai, U Blei ki Israel, U la ai: bad u syiem u la ai ha u ïa ka jingkyrpad jong u baroh, kat kumba ka kti U Trai U Blei jong u kaba halor jong u.

ESRA 7:6 ပူးပေါင်းရင်းမြစ်များ

JENESIS 32:28

Uta u briew u ong, “Ka kyrteng jong me kam long shuh u Jakob. Me la ïaleh bad U Blei bad ki briew, bad me la jop ruh; kumta ka kyrteng jong me kan long noh u Israel.”

ESRA 5:5

Hynrei U Blei u peit halor ki nongïalam jong ki Jiw, bad ki rangbah synshar ki Persia ki rai ban ym leh ei ei haduh ba kin da lah thoh sha u Darius bad ïoh ïa ka jubab.

ESRA 6:22

Hynñiew sngi ki rakhe da ka jingkmen ïa ka Jingkhawai Niam U Kpu Bakhlem Thiat. Ki la dap da ka jingkmen namar U Trai u la pynlong ïa u patsha jong ka Assyria ban lehsbun ïa ki, ba u kyrshan ïa ki ha ka jingtrei jong ki ha ka jingtei pat ïa ka Templ jong U Blei ki Israel.

ESRA 7:21

“Nga hukum ïa baroh ki rangbah synshar ka ïing jingkynshew ha ka probins jong ka Ïuphratis Sepngi ban pynbiang khlem pynslem ïa u Esra, u lyngdoh bad u riewstad ha ka Hukum jong U Blei ka Bneng, ïa kaei kaei baroh kaba u pan,

ESRA 7:28

Da ka jingaiei U Blei, nga la ïoh ïa ka jinglehsbun jong u patsha, ki nongai jingmut, bad ki nongsynshar bakhrawbor jong u baroh; U Trai U Blei jong nga u la ai ïa nga ka jingshlur, bad nga la lah ban pynkohnguh ïa kiba bun ki rangbah kur jong ki Israel ban wan phai bad nga.”

ESRA 7:5

u khun jong u Abishua, u khun jong u Phinehas, u khun jong u Eleasar, u khun jong u Aaron.

ESRA 8:1

Kane ka dei ka thup kyrteng jong ki rangbah kur kiba la don ha ka jinglongmraw ha Babilon bad kiba la leit phai ryngkat bad u Esra sha Jerusalem mynba u Artakserksis u long u patsha:

ESRA 8:18

Da ka jingaiei U Blei, ki phah sha ngi ïa u Sherebaïah, u briew uba tbit, u Lebi na ka kur u Mahli, bad khatphra ngut na ki khun shynrang jong u bad ki para, ki wan bad u.

ESRA 8:22

Ngan jin da la lehrain ban kyrpad ïa u patsha ban ai ki shipai ïaid kjat ban ïada ïa ngi na kino kino ki nongshun katba ngi dang ïaid lynti, namar nga la lah ong ïa u ba U Blei jong ngi u kyrkhu ïa uno uno uba shaniah ha u, hynrei ba u sngewsih bad u pynshitom ïa uno uno uba phai noh na u.

ESRA 8:31

Ka la long ha ka sngi kaba khat-ar jong u bnai banyngkong ba ngi la mihnoh na ka nur-um Ahaba ban leit sha Jerusalem. U Blei jong ngi u la long ryngkat bad ngi bad u la ïada ïa ngi na ki jingtur ïaleh ki nongshun bad na ki jingapthap katba ngi dang ïa-ïaid ha ka lynti.

NEHEMAÏAH 12:26

Kine ki briew ki im ha ka por u Joïakim, u khun jong u Joshua bad u ksiew jong u Jehosadak, bad ha ka por u Nehemaïah, u lat, bad ha ka por u Esra, u lyngdoh uba long u riewstad ka Hukum.

NEHEMAÏAH 12:36

La bud ïa u da kiwei pat ki dkhot jong ka kur jong u — u Shemaïah, u Asarel, u Milalai, u Gilalai, u Maai, u Nethanel, u Judah bad u Hanani — baroh kiba rah ïa ki jingput jingtem ba la pyndonkam da u syiem Dabid, u briew jong U Blei. U Esra, u riewstad, u ïalam ïa kane ka kynhun ha ka jingïaid paidbah.

NEHEMAÏAH 2:12

bad haduh lai sngi ngam shym ïathuh ïano ïano ïa kaei kaba U Blei u la pyrsad mynsiem ha nga ban leh na ka bynta ka Jerusalem. Nangta ha shiteng jong ka miet nga ïeng joit bad mih shabar, da kaba ïalam bad nga katto katne ngut ki paralok jong nga. U jingri uba ngi la shim u dei u kada uba nga la shong.

NEHEMAÏAH 2:18

Bad nga la ong ïa ki kumno U Blei u la long ryngkat bad nga bad ïarap ïa nga, bad kaei kaba u patsha u la ong ha nga. Ki la phai ktien, “To ngin ïasdang tei pat!” Bad kumta ki la ïakhreh ban sdang ïa ka kam.

NEHEMAÏAH 2:8

Nga kyrpad ruh ïa ka shithi sha u Asaph, u nongsumar ïa ki khlaw u syiem, da kaba bthah ïa u ban ai ïa nga ki dieng na ka bynta ki khyrdop ka kut kaba ïada ïa ka Templ, na ka bynta ki kynroh ka nongbah, bad na ka bynta ka ïing kaba ngan shong ngan sah. U patsha u la ai ïa nga ïa baroh kaba nga pan, namar U Blei u la long ryngkat bad nga.

NEHEMAÏAH 4:15

Ki nongshun jong ngi ki ïohsngew ba ngi la tip ïa kaei kaba ki ïasylla, bad ki sngewthuh ba U Blei u la jop ïa ki jingthmu jong ki. Nangta ma ngi baroh ngi leit biang ban tei pat ïa ka kynroh.

NEHEMAÏAH 8:1

Haba la poi u bnai uba hynñiew, ki briew ka Israel ki la ïashong ïasah ha ki shnong. Ha ka sngi banyngkong jong uta u bnai, ki la ïalumlang ha Jerusalem, ha ka jaka basawdong hapoh ka Khyrdop Um. Ki ong ïa u Esra, u lyngdoh bad u riewstad ka Hukum ïa kaba U Trai u la ai ha ki Israel lyngba u Moses, ban wanrah ïa ka kitab jong ka Hukum.

NEHEMAÏAH 8:13

Ha ka sngi kaba bud, ki rangbah kur, ryngkat bad ki lyngdoh bad ki Lebi, ki leit sha u Esra ban pule bniah ïa ka jinghikai jong ka Hukum.

NEHEMAÏAH 8:4

U Esra u ïeng ha ka jaka ba kham kynjang ba la shna da ka dieng ïa kaba la shna khnang na ka bynta kata ka por. Kine ki briew ki ïeng ha ka liang kamon jong u: U Mattithaïah, u Shema, u Anaïah, u Uriah, u Hilkaïah, bad u Maaseïah; bad kine pat ki ïeng ha ka liang kadiang jong u: u Pedaïah, u Mishael, u Malkhijah, u Hashum, u Hashbaddanah, u Sekharaïah bad u Meshullam.

NEHEMAÏAH 8:9

Haba u paidbah u ïohsngew ïa kaei kaba ka Hukum ka dawa ïa ki, la pynkhih ïa ki dohnud jong ki bad ki sdang ban ïam. Kumta u Nehemaïah, uba long u lat, u Esra, uba long u lyngdoh bad u riewstad ka Hukum, bad ki Lebi kiba dang batai ïa ka Hukum, ki la ong ha u paidbah, “Kane ka sngi ka long kaba khuid ha U Trai U Blei jong phi, kumta phim dei ban sngewsih ne ïam.

NEHEMAÏAH 9:13

Ha u Lum Sinai me wan hiar na bneng; me kren ha ki briew bad me ai ïa ki, ki hukum babha bad ki jinghikai baskhem.

SALM 109:27

Pynlong ïa ki nongshun jong nga ba kin tip ba me dei uta uba pynim ïa nga.

SALM 147:19

U ai ïa ka khubor jong u sha ki briew jong u, ki jingbthah bad ki aiñ jong u ïa ki Israel.

SALM 45:1

Ki kyntien basngewtynnat ki pyndap ïa ka jingmut jong nga, katba nga dang thaw ïa kane ka jingrwai na ka bynta u syiem. Kum u khulom jong u nongthoh batbit u thylliej jong nga u la kloi ban thaw jingrwai.

SALM 80:18

Ngin ym phai shuh da lei lei na me; to pynim ïa ngi, bad ngin ïaroh ïa me.

PROBERB 3:6

Kynmaw ïa U Trai ha kaei kaei kaba phi leh, bad un pyn-i ha phi ïa ki lynti kaba dei.

ISAÏAH 50:2

“Balei ba ki briew jong nga kim jubab haba nga la leit sha ki ban pynim ïa ki? Balei ba kim phai ktien haba nga la khot ïa ki? Hato nga tlot eh ban pynim ïa ki? Nga lah ban pynrngad noh ïa ka duriaw da kaba shu hukum bad pynkylla ïa ki wah sha ka ri shyiap, ba ki dohkha kiba don ha ki kin ïap na ka jingduna um.

ISAÏAH 59:1

Wat pyrkhat ba U Trai u tlot palat ban pynim ïa phi lane ba u kyllut palat ban ïohsngew ïa ka jingkyang jong phi ban ïoh jingïarap!

JEREMAÏAH 8:8

Kumno phi lah ban ong ba phi long kiba stad, bad ba phi tip ïa ki aiñ jong nga? Ha khmih, ïa ki aiñ la pynkylla da ki nongthoh bymhok.

MATHAÏOS 13:52

Kumta u la jubab, “Kane ka mut, te, ba uwei pa uwei u nonghikai Aiñ uba long u synran hapoh ka Hima ki bneng u long kum u trai jong ka ïing uba la sei shabar ïa kiei kiei kiba thymmai bad kiba rim napoh ka kamra kynshew jong u.”

MATHAÏOS 23:2

“Ki nonghikai ka Hukum bad ki Pharisi ki long kiba la pynkupbor ban batai ïa ka Hukum u Moses.

MATHAÏOS 28:20

bad hikai ïa ki ban kohnguh ha kiei kiei baroh kiba nga la hukum ïa phi. Bad ngan ïai don ryngkat lem bad phi, haduh kaba kut ka Ïa.”

1 KORINTH 1:20

Kumta te, hangno kata ka buh ïa kiba stad? lane ki riewshemphang? lane ki nongïatainia batbit jong kane ka pyrthei? U Blei u la pyn-i ba ka jingstad jong kane ka pyrthei ka long ka jingibieit!

1 KORINTH 15:1

Bad mynta nga kwah ban pynkynmaw ïa phi, ko parabangeit jong nga, ïa ka Khubor Babha kaba nga la ïalap ha phi, ïa kaba phi la pdiang, bad ha kaba ka jingngeit jong phi ka ïeng skhem.

DEUTERONOMI 28:1

“Lada phi kohnguh ïa U Trai U Blei jong phi bad sumar hok ïa ki hukum jong u baroh ba nga la ai ha phi mynta ka sngi, un kyntiew ïa phi ha khlieh eh jong ki jaitbynriew baroh ha ka pyrthei.

DEUTERONOMI 4:5

“Nga la hikai ïa phi ïa ki hukum, kumba U Trai U Blei jong nga u la hukum ïa nga. Sumar bad leh ïa ki ha kata ka ri sha kaba phin sa leit bad ïohkynti.