ESRA 7:5 - Khasi CL Bible (BSI)

⁵ u khun jong u Abishua, u khun jong u Phinehas, u khun jong u Eleasar, u khun jong u Aaron.

KA BAIBL

⁵ u khun u Abishua, u khun u Phinehas, u khun u Eleasar, u khun u Aaron u rangbah lyngdoh:

ESRA 7:5 ပူးပေါင်းရင်းမြစ်များ

1 KHRONIKL 6:4

Ki khun ki ksiew jong u Eleasar pateng la pateng ki long kumne harum: U Phinehas, u Abishua, U Bukki, u Ussi, U Serahaïah, u Meraïoth, U Amaraïah, u Ahitub, U Sadok, u Ahimaas, U Asaraïah, u Johanan, U Asaraïah (uta uba shakri ha ka Templ kaba u Syiem Solomon u la tei ha Jerusalem) U Amaraïah, u Ahitub, U Sadok, u Shallum, U Hilkaïah, u Asaraïah, U Seraïah, u Jehosadak.

2 KHRONIKL 19:11

U Amaraïah u Rangbah Lyngdoh, un don ïa ka bor kaba hakhlieh tam ha baroh ki kam niam, bad u Sebadaïah u khun jong u Ishmael, u lat ka Judah, un don ïa ka bor bahakhlieh duh ha baroh ki kam hima sima. Ki Lebi kin kitkhlieh ban peit halor ki jingpyntreikam ïa ki jingrai jong ki ïingbishar. Long shlur bad pyndep ïa kine ki jingbthah, bad to U Trai un long ha ka liang jong kiba leh ïa kaba dei!”

2 KHRONIKL 26:20

U Asaraïah bad kiwei pat ki lyngdoh, ki peit sah ïa ka shyllangmat jong u syiem da ka jingsheptieng, bad mar mar ki tan jubor ïa u shabar ban mihnoh na ka Templ. U pynkloi ban mih shabar, namar U Trai u la pynshitom ïa u.

ESRA 7:4

u khun jong u Serahaïah, u khun jong u Ussi, u khun jong u Bukki,

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

EKSODOS 6:25

U Eleasar u khun jong u Aaron u la shongkurim ïa kawei na ki khun kynthei jong u Putiel, bad ka la kha ïa u Phinehas. Kine ki la long ki khlieh jong ki kur bad ki jait kiba mih na u Lebi.

LEBITIKOS 10:12

U Moses u ong ha u Aaron, bad ha ki ar ngut ki khun shynrang jong u kiba dang sah, u Eleasar bad u Ithamar, “Shim ïa ka jingainguh bam kaba sah na kata ka jingbam kaba la kñia sha U Trai, pynlong kpu khlem thiat da ka bad bam ïa ka harud ka duwan, namar kane ka jingkñia ka long kaba khuid bha.

LEBITIKOS 10:16

U Moses u la kylli bniah shaphang uta u 'langsohmoh ba la ai kum ka jingkñia namar ka pop, bad u la tip ba la lah thang noh ïa u. Kane ka la pynlong ïa u ban bitar ïa u Eleasar bad u Ithamar, bad u kylli ïa ki,

LEBITIKOS 10:6

Nangta u Moses u ong ha u Aaron bad ha u Eleasar bad u Ithamar, ki khun shynrang jong u, “Wat ieh ra-ngiep ïa la u shñiuh lane kad ïa la ki jaiñ ban pyn-i ba phi ïam sngewsih, lada phi leh kumta phin ïap, bad U Trai un bitar ïa u paidlang baroh. Hynrei ïa baroh ki para jait Israel jong phi la shah ba kin ïa-ïam briew na ka bynta kane ka jingïap ba la wallam da ka ding kaba U Trai u la phah.

JINGKHEIÑ 27:2

Ki la leit ban ïeng ha khmat u Moses, u Eleasar u lyngdoh, ki nongïalam, bad u paid Israel baroh ha ka jaka rung sha ka Ïingjaiñ ka Jingdon Ryngkat U Trai, bad ki ong,

JINGKHEIÑ 3:32

Uba rangbah duh na ki Lebi u dei u Eleasar u khun jong u Aaron uba long lyngdoh. U dei uba khmih ïa kito kiba pyndep ïa ki kamram ha ka Jaka Kyntang.

JINGKHEIÑ 31:31

U Moses bad u Eleasar ki la leh ïa kaei ba U Trai u la hukum.

JINGKHEIÑ 31:54

Kumta u Moses bad u Eleasar ki la shim ïa ka ksiar sha ka Ïingjaiñ, ba kumta U Trai un ïada ïa ki paid Israel.

JINGKHEIÑ 31:6

U Moses u la phah ïa ki sha ka thma ha ka jingïalam u Phinehas u khun jong u Eleasar u lyngdoh, uba khmih ïa ki tiar kiba kyntang bad ïa ki turoi ban ai dak ha ka thma.

HEBRU 5:4

Ym don uno uno ruh uba shim ha lade ïa ka burom ka jinglong rangbah lyngdoh. Ka dei tang lyngba ka jingkhot U Blei, ba u briew u lah ban long u rangbah lyngdoh — kumba u Aaron u la long.

JOSHUA 14:1

Kaba bud harum ka long ka jingïathuh ba kumno ïa ka ri Kanaan kaba ha ka phang sepngi jong ka Jordan la pynbynta hapdeng ki paid Israel. U Eleasar u lyngdoh, u Joshua u khun jong u Nun, bad ki nongïalam jong ki longïing jong ki jait Israel ki pynbynta ïa ka hapdeng ki paidbah.

JOSHUA 22:13

Nangta ki paid Israel ki phah ïa u Phinehas, u khun jong u Eleasar u lyngdoh, sha ki paidbah jong ki jait Reuben, Gad, bad Manasseh ba sha Mihngi, ha ka ri Gilead.

JOSHUA 22:31

U Phinehas, u khun jong u Eleasar u lyngdoh, u ong ha ki, “Mynta ngi tip ba U Trai u don bad ngi. Phim shym la ïaleh pyrshah ïa u, bad kumta phi la pynim ïa ki paid Israel na ka jingpynshitom jong U Trai.”

JOSHUA 24:33

U Eleasar u khun jong u Aaron u la ïap, bad la tep ha Gibeah, ka shnong ha ka ri lum Ephraim ïa kaba la ai ha u khun jong u, u Phinehas.