ESRA 7:12 - Khasi CL Bible (BSI)

¹² “Na u patsha Artakserksis ha u Esra, u lyngdoh, riewstad ka Hukum jong U Blei ka Bneng.

KA BAIBL

¹² “U Artakserksis, u syiem ki syiem, ha u Esra u lyngdoh, u nongthoh Ka Hukum U Blei ka bneng, ka jingjanai bad ei ei bad ei ei.

ESRA 7:12 ပူးပေါင်းရင်းမြစ်များ

DANIEL 2:37

Ko Syiem Kynrad, phi long uba khraw tam na ki syiem baroh. U Blei ka bneng u la pynlong ïa phi u patsha bad u la ai ha phi ka bor, ka jingkhlaiñ, bad ka burom.

ESEKIEL 26:7

U Trai Nongsynshar u ong, “Ngan wallam ïa u syiem bakhraw tam na baroh — u Nebukhadnessar u syiem ka Babilonia — ban tur ïaleh ïa ka Tyros. Un wan na shaphang shatei ryngkat bad ka kynhun shipai babun, lem bad ki kulai bad ki kali ïapom bad ki nongshong kulai.

ESRA 4:17

U patsha u phah ïa kane ka jubab: “Ha u Rehum, u lat, ha u Shimshai, u sekretari jong ka probins, bad ha ki paralok jong ki kiba shong ha Samaria bad ha kiba sah jong ka Ïuphratis Sepngi, ki jingkhublei.

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

1 TIMOTHI 6:15

Ïa ka jingpynpaw jong u yn wallam da U Blei ha ka ïa kaba biang, uba la kyrkhu bad tang ma u hi, U Nongsynshar, U Syiem jong ki syiem bad U Trai jong ki trai.

DANIEL 2:47

U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

ISAÏAH 10:8

U kob sarong, “Uwei pa uwei na ki rangbah ai hukum jong nga u dei u syiem!

1 SYIEM 20:1

U Benhadad u syiem ka Syria u la ïalumlang ïa ki shipai jong u baroh, bad ba la kyrshan da ki laiphew ar ngut kiwei pat ki nongsynshar lem bad ki kulai bad ki kali ïapom jong ki, u la tur bad kerkut ïa ka Samaria bad hiarthma ïa ka.

1 SYIEM 4:24

U Solomon u la synshar ïa ka jaka baroh kaba sha sepngi jong ka wah Ïuphratis, naduh Tiphsah kaba ha Ïuphratis haduh shaphang sepngi ka nongbah Gasa. Baroh ki syiem kiba sha sepngi jong ka Ïuphratis ki la hap hapoh jong u, bad u la don ha ka jingïasuk bad ki ri ba-marjan baroh.

ESRA 7:1

Bun snem hadien, mynba u Artakserksis u long u patsha ha Persia, la don u briew uba kyrteng u Esra. U don ka jinghiarpateng na u kpa tymmen jong u, u Aaron, u Rangbah Lyngdoh, kumne harum: U Esra u long u khun jong u Seraïah, u khun jong u Asaraïah, u khun jong u Hilkaïah,

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

ESRA 7:11

U Artakserksis u ai ïa kane ka jingthoh ha u Esra, u lyngdoh bad u riewstad, uba don ka jingtip bajylliew ïa ki aiñ bad ki hukum kiba U Trai u la ai ha ki Israel:

ESRA 1:2

“Kane ka dei ka hukum u Syros, u patsha ka Persia. U Trai, U Blei jong ka Bneng, u la pynlong ïa nga u nongsynshar jong ka pyrthei baroh kawei bad u la ai ha nga ïa ka jingkitkhlieh ban tei ïa ka templ ïa u ha Jerusalem ha Judah.