ESRA 6:3 - Khasi CL Bible (BSI)

³ “Ha ka snem banyngkong jong ka jingsynshar jong u patsha Syros, u la hukum ba ïa ka Templ ha Jerusalem yn tei pat ha kaba ïa ki jingkñia bad ki jingainguh yn thang. Ka Templ ka dei ban long arphew hynñiew mitar ka jingjrong bad arphew hynñiew mitar ka pyngkiang.

KA BAIBL

³ “Ha ka snem ka banyngkong u Seiros u syiem, u Seiros u syiem u la ai hukum; shaphang ka ïing U Blei ha Jerusalem; to tei ïa kata ka ïing, ha ka jaka ha kaba ki kñia ïa ki jingkñia, bad seng skhem ïa ki nongrim jong ka; ka jingjrong jong ka, hynriewphew pruh, bad ka pyngkiang jong ka, hynriewphew pruh;

ESRA 6:3 ပူးပေါင်းရင်းမြစ်များ

2 KHRONIKL 2:3

U Solomon u phah khubor sha u Hiram u syiem ka Tyros: “To ïakhaïi bad nga kumba phi la leh bad u syiem Dabid, u kpa jong nga, mynba phi la die ïa u ki dieng Kedar tylli na ka bynta ban tei ïa ka ïingsyiem jong u.

2 KHRONIKL 2:6

Pynban ym don uno uno uba lah shisha ban tei ka Templ na ka bynta U Blei, namar wat ka jingïar jong ka bneng kam lah ban ngiam ïa u. Kumno te nga lah ban tei ka Templ ka ban long kaba kumno kumno kaba kham heh ban ïa ka jaka ban thang jingiwbih ïa U Blei?

2 KHRONIKL 36:22

Ha ka snem kaba nyngkong ba u Syros ka ri Persia u long u patsha. U Trai u pynlong ïa kaei kaba u la ong lyngba u nongïathuhlypa Jeremaïah ban urlong shisha. U pynsngew ha u Syros ban pynmih ïa ka hukum harum bad ban phah ha ka jingthoh ïa ka ban pule jam ha kylleng ka hima jong u:

ESRA 1:1

Ha snem kaba nyngkong ba u Syros u long u patsha jong ka Persia, U Trai u la pynlong ïa kaei kaba u la ong lyngba u nongïathuhlypa Jeremaïah ba kan long shisha. U la pynkhih ïa u Syros ban pynmih ïa kane ka hukum bad phah ïa ka ha ka jingthoh ban pule jam ha baroh sawdong ka hima jong u:

ESRA 1:2

“Kane ka dei ka hukum u Syros, u patsha ka Persia. U Trai, U Blei jong ka Bneng, u la pynlong ïa nga u nongsynshar jong ka pyrthei baroh kawei bad u la ai ha nga ïa ka jingkitkhlieh ban tei ïa ka templ ïa u ha Jerusalem ha Judah.

ESRA 3:7

Ki briew ki ai pisa ban siew ïa ki misteri maw bad ki misteri dieng bad ïa ka jingbam jingdih bad ka umphniang Olib ban phah sha ki nongbah jong ka Tyros bad Sidon kum ka jingïabujli na ka bynta ki dieng Kedar na Lebanon, ban wallam lyngba ka duriaw sha Joppa. Ïa kane baroh la leh da ka jingai jingbit u Syros, u patsha ka Persia.

ESRA 6:14

Ki nongïalam ki Jiw ki la pynïaid bha ïa ka jingtei ïa ka Templ, ba la ai jingpynshlur da ki nongïathuhlypa, u Haggai bad u Sekharaïah. Ki pyndep ïa ka Templ kumba la hukum da U Blei ki Israel bad da u Syros, u Darius bad u Artakserksis, ki patsha ka Persia.

SALM 122:4

Kane ka long ka jaka ha kaba ki jaitbynriew ki wan, ki jaitbynriew jong ki Israel, ban ainguh ïa U Trai kat kum ka hukum jong u.

JINGPYNPAW 21:16

Ka nongbah ka la long kaba sawdong janai, ka ïar kat ka lynter jong ka. U angel u la thew ïa ka nongbah da u diengthew jong u: Ka la don ar hajar sawspah kilomitar ka lynter bad ka la ïar bad kynjang kat ka lynter jong ka.