ESRA 5:8 - Khasi CL Bible (BSI)

⁸ “Ko syiem, phi dei ban tip ba ngi la leit sha ka probins jong ka Judah bad shem ba ïa ka Templ jong U Blei bakhraw la dang shna biang da ki maw baheh bad da ki bim dieng ba la pyndait ha ka kynroh. Ïa ka kam la pyntrei ha ka rukom kaba biang bha bad ka dang ïaid shaphrang.

KA BAIBL

⁸ To long ba la tip ha u syiem, ba ngi la leit sha ka jylla Judah, ha ka ïing U Blei u bakhraw, ïa kaba dang tei da ki maw bakhraw, bad ba buh ki dieng ha ki kynroh, bad kane ka kam ka nang ïaid da kaba minot, bad ka nang roi ha ki kti jong ki.

ESRA 5:8 ပူးပေါင်းရင်းမြစ်များ

ESRA 2:1

Bun na kiba la shah ringmraw, ki la mihnoh na ka probins jong ka Babilon bad wan phai pat sha Jerusalem bad Judah, uwei pa uwei sha la ka jong ka nongbah. Ki longïing jong ki, ki la shong la sah ha ka jingshah ringmraw ha Babilon naduh ka por ba u Nebukhadnessar u la lah rah ïa ki hangta kum ki koidi.

ESRA 5:7

“Ha u patsha Darius, to synshar ha ka jingsuk.

ESRA 5:9

“Nangta, ngi kylli ïa ki nongïalam jong ki ban ïathuh ïa ngi mano ba la ai bor ïa ki ban tei biang ïa ka Templ bad pynbiang ïa ki jingbuh jingsat jong ka.

ESRA 6:10

Ïa kane dei ban leh khnang ba ki lah ban ai ki jingkñia ba pdiang hun ha U Blei jong ka Bneng bad duwai ïa ka jingkyrkhu jong u halor jong nga bad ki khun shynrang jong nga.

ESRA 6:4

Ïa ki kynroh dei ban tei da shi syrtap ka dieng halor man ki lai syrtap ki maw. Ïa baroh ki jingpynlut pynsep dei ban siew na ka ïing jingkynshew syiem.

ESRA 7:23

Phi dei ban peit bha ban pynbiang ïa kaei kaei baroh kaba U Blei jong ka Bneng u donkam na ka bynta ka Templ jong u, bad ban pynthikna un ym bitar ïa nga lane ïa kito ki ban synshar hadien jong nga.

NEHEMAÏAH 11:3

Ha kiwei pat ki shnong bad ki nongbah, ki Israel, ki lyngdoh, ki Lebi, ki nongtrei ka Templ bad ki khun ki ksiew jong ki nongtrei u Solomon, ki shong ki sah ha ki jaka la jong ha ki shnong jong ki. Kane ka long ka thup jong ki nongshong shnong bapawkhmat jong ka probins jong ka Judah kiba shong basah ha Jerusalem: Ki dkhot jong ka jait Judah: U Athaïah, u khun jong u Ussaïah bad u ksiew jong u Sekharaïah. Kiwei pat ki kpa tymmen ki kynthup ïa u Amaraïah, u Shephataïah, bad u Mahalalel, ki khun ki ksiew u Peres, u khun jong u Judah. U Maaseïah, u khun jong u Barukh bad u ksiew jong u Kolhoseh. Kiwei ki kpa tymmen ki kynthup ïa u Hasaïah, u Adaïah, u Joïarib bad u Sekharaïah, ki khun ki ksiew jong u Shelah, u khun jong u Judah. Na ki khun ki ksiew u Peres, sawspah hynriewphew phra ngut ki rangbah bapawkhmat ki shong ki sah ha Jerusalem. Ki dkhot jong ka jait Benjamin: U Sallu, u khun jong u Meshullam bad u ksiew jong u Joed. Kiwei ki kpa tymmen jong u ki kynthup ïa u Pedaïah, u Kolaïah, u Maaseïah, u Ithiel bad u Jeshaïah. U Gabbai bad u Sallai, ki long ki ba-ha-ïing bajan jong u Sallu. Ha baroh, Khyndaispah arphew phra ngut ki Benjamin ki shong ki sah ha Jerusalem.

NEHEMAÏAH 7:6

Bun na kiba shah ringmraw, ki la mihnoh na ka probins Babilon bad wan phai sha Jerusalem bad Judah, uwei pa uwei sha la ka jong ka nongbah. Ki longïing jong ki, ki la shong la sah ha ka jingshah ringmraw ha Babilon naduh ba u syiem Nebukhadnessar u la rah ïa ki shata kum ki koidi.

ESTHER 1:1

Na ka khet syiem ha ka nongbah Susa jong ka Persia, u syiem Serksis u synshar halor ki shispah arphew hynñiew tylli ki jylla, naduh India haduh Sudan.

ESTHER 1:22

U la phah ïa ka khubor sha kawei pa kawei ka jylla jong u syiem ha ka ktien bad ka rukom thoh jong kata ka probins, kaba ong ba uwei pa uwei u tnga u long u kynrad jong ka ïing jong u bad kaba u kren kan long ka bor kaba kut.

SALM 145:3

U Trai u long uba khraw ïa uba dei ban ïaroh eh; ka jingkhraw jong u ka long palat ïa ka jingshemphang.

DANIEL 2:47

U syiem u la ong, “U Blei jong me u long uba khraw tam na ki blei baroh, U Trai halor ki syiem, bad uta uba pynpaw ïa ki jingmaïan. Nga tip ïa kane namar me la lah ban batai ïa kane ka jingmaïan.”

DANIEL 3:26

Kumta u Nebukhadnessar u la leit kiew sha ka jingkhang jong ka lawar ding baklang bad u la pyrta, “Ko Shadrakh! Ko Meshakh! Ko Abednego! Ko shakri jong U Blei Bahakhlieh Tam Eh! To mihnoh shabar!” Bad kumta hi ki la wan mih shabar.

DANIEL 4:2

To shahshkor ïa ka jingïathuh jong nga ïa ki jingphylla bad ki kambah kiba U Blei Bahakhlieh Tam Eh u la pyn-i ha nga.

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

DEUTERONOMI 10:17

Naba U Trai U Blei jong phi u long uba khrawbor tam halor ki blei baroh bad halor ki bor baroh. U long uba khraw bad uba donbor, bad uba dei ban sheptieng. U bym ñiewshiliang khmat bad u bym ju pdiang ïa ki jingai kiba da ka dohnud ka bymkhuid.

DEUTERONOMI 32:31

Ki nongshun jong ki, ki tip ba ki blei jong ki, ki tlot, kim long kiba donbor kum U Blei ki Israel.