ESRA 5:5 - Khasi CL Bible (BSI)

⁵ Hynrei U Blei u peit halor ki nongïalam jong ki Jiw, bad ki rangbah synshar ki Persia ki rai ban ym leh ei ei haduh ba kin da lah thoh sha u Darius bad ïoh ïa ka jubab.

KA BAIBL

⁵ Hynrei, ka khmat U Blei jong ki ka la long halor ki tymmen basan ki Jiw, bad kim shym la pynpep ïa ki, tad ynda ba yn pynpoi ïa kane ka kam ha u Daraïos, bad ba yn pynphai ktien da ka shithi shaphang kane.

ESRA 5:5 ပူးပေါင်းရင်းမြစ်များ

2 KHRONIKL 16:9

U Trai u khmih bha ïa ka pyrthei baroh kawei, ban ai ka jingkhlaiñ ïa kito kiba ki dohnud jong ki, ki ïaineh ha u. Me la leh bieit, bad kumta naduh mynta men don borabor ha ka jingïaleh thma.”

ESRA 7:28

Da ka jingaiei U Blei, nga la ïoh ïa ka jinglehsbun jong u patsha, ki nongai jingmut, bad ki nongsynshar bakhrawbor jong u baroh; U Trai U Blei jong nga u la ai ïa nga ka jingshlur, bad nga la lah ban pynkohnguh ïa kiba bun ki rangbah kur jong ki Israel ban wan phai bad nga.”

ESRA 7:6

U Esra u long u riewstad uba don ka jingtip bajylliew ïa ka Hukum kaba U Trai U Blei ki Israel u la ai ha u Moses. Namar ba u Esra u don ïa ka jingkyrkhu U Trai U Blei jong u, u patsha u ai kat ïa kaba u pan. Ha ka snem kaba hynñiew jong ka jingsynshar u Artakserksis, u Esra u la mih na Babilonia ban leit sha Jerusalem ryngkat bad shi kynhun ki Israel kiba kynthup ïa ki lyngdoh, ki Lebi, ki nongput nongtem ka Templ, ki nongap phira ka Templ bad ki nongtrei.

ESRA 8:22

Ngan jin da la lehrain ban kyrpad ïa u patsha ban ai ki shipai ïaid kjat ban ïada ïa ngi na kino kino ki nongshun katba ngi dang ïaid lynti, namar nga la lah ong ïa u ba U Blei jong ngi u kyrkhu ïa uno uno uba shaniah ha u, hynrei ba u sngewsih bad u pynshitom ïa uno uno uba phai noh na u.

SALM 32:8

U Trai u ong, “Ngan hikai ïa me ïa ka lynti ha kaba me dei ban leit; ngan hikai ïa me bad ai jingmut ïa me.

SALM 33:18

U Trai u khmih sumar ïa kito kiba kohnguh ïa u, ïa kito kiba shaniah ha ka jingieit baneh jong u,

SALM 34:15

U Trai u khmih sumar ïa kiba hok, bad u shahshkor ïa ki jingïam jong ki;

SALM 76:10

Ka jingbitar briew ka pynmih tang ki jingïaroh babun ïa me; kito kiba lait im na ki thma kin sumar ïa ki Jingkhawai Niam jong me.

PHILIPPI 1:28

Wat sheptieng ïa ki nongshun jong phi; long borabor kiba shlur, bad kane hi kan pynshisha ha ki, ba kin shah rem bad ba phin jop, namar dei U Blei uba ai ïa phi ka jingjop.

1 PETROS 3:12

Naba U Trai u khmih halor kiba hok bad u shahshkor ïa ki jingduwai jong ki; hynrei u pyrshah ïa kito kiba leh ïa kaba sniew.”