ESRA 5:2 - Khasi CL Bible (BSI)

² Haba u Serubbabel u khun jong u Shealtiel bad u Joshua u khun jong u Jehosadak ki la ïohsngew ïa ki khubor, ki sdang ban tei biang ïa ka Templ ha Jerusalem, bad ki ar ngut ki nongïathuhlypa ki ïarap ïa ki.

KA BAIBL

² Ynda kumta, u Serubbabel u khun u Shealtiel, bad u Jeshua u khun u Josadak, ki la ïeng, bad ki la sdang ban tei ïa ka ïing U Blei kaba ha Jerusalem: bad ki nongïathuhlypa U Blei ki la don lem bad ki, ki da ïarap ïa ki.

ESRA 5:2 ပူးပေါင်းရင်းမြစ်များ

ESRA 1:8

U la aiti ïa ki ha u Mithredath u rangbah uba hakhlieh duh jong ka ïing jingkynshew u syiem, uba la thaw ïa ka thup jong ki tiar ki tar na ka bynta u Sheshbassar, u lat ka Judah,

ESRA 10:18

Kane ka dei ka thup kyrteng jong ki rangbah kiba don ki tnga nongwei: Ki lyngdoh, ba la jer kyrteng da ki kur: Ka kur u Joshua bad ki para jong u, ki khun shynrang u Jehosadak: U Maaseïah, u Elieser, u Jarib bad u Gedalaïah. Ki kular ban pyllait noh ïa ki tnga jong ki, bad ki ai ïa u langbrot kum ka jingkñia ïa ki pop jong ki. Ka kur u Immer: U Hanani bad u Sebadaïah. Ka kur u Harim: u Maaseïah, u Elijah, u Shemaïah, u Jehiel bad u Ussaïah. Ka kur u Pashhur: u Elioenai, u Maaseïah, u Ishmael, u Nethanel, u Josabad bad u Elasah. Ki Lebi: U Josabad, u Shimei, u Kelaïah (ba la khot ruh Kelita), u Pethahaïah, u Judah bad u Elieser. Ki nongput nongtem: U Eliashib. Ki nongap phira ka Templ: U Shallum, u Telem bad u Uri. Kiwei pat: Ka kur u Parosh: u Ramaïah, u Issaïah, u Malkhijah, u Mijamin, u Eleaser, u Malkhijah bad u Benaïah.

ESRA 3:2

bad u Joshua u khun jong u Jehosadak, ki para lyngdoh jong u, bad u Serubbabel u khun jong u Shealtiel, ryngkat bad ki ba-ha-ïing jong u, ki la ïatei biang ïa ka duwan jong U Blei ki Israel, khnang ba ki lah ban thang ki jingkñia halor jong ka kat kum ki jingbthah ba la thoh ha ka Hukum u Moses, u briew jong U Blei.

ESRA 3:8

Kumta ha u bnai ba ar jong ka snem hadien ba ki la wan pat sha ka jaka jong ka Templ ha Jerusalem, ki sdang ban ïatrei. U Serubbabel, u Joshua bad kiwei pat ki para rangbah ka ri, ki lyngdoh, bad ki Lebi, ha ka jingshisha, baroh kiba shah ringmraw kiba la wan phai pat sha Jerusalem, ki la ïasnohkti lang ha ka jingtrei. Ïa baroh ki Lebi kiba la dap arphew snem ka rta lane tam, la buh ban khmih ha ka jingtei pat ïa ka Templ.

ESRA 6:14

Ki nongïalam ki Jiw ki la pynïaid bha ïa ka jingtei ïa ka Templ, ba la ai jingpynshlur da ki nongïathuhlypa, u Haggai bad u Sekharaïah. Ki pyndep ïa ka Templ kumba la hukum da U Blei ki Israel bad da u Syros, u Darius bad u Artakserksis, ki patsha ka Persia.

HAGGAI 2:18

Mynta ka sngi ka dei ka sngi kaba arphew saw jong u bnai uba khyndai, ka sngi ha kaba la pyndep ïa ka nongrim jong ka Templ. Ha khmih kaei ka ban sa jia naduh mynta.

SEKHARAÏAH 4:14

Nangta u la ong, “Kine ki long ki ar ngut ki rangbah kiba U Blei u la jied bad pynsleh ba kin shakri ïa u, U Trai jong ka pyrthei baroh kawei.”

SEKHARAÏAH 4:4

Nangta nga la kylli ïa u angel, “Kine kiei kiei ki ïeng na ka bynta kaei, ko rangbah?”

SEKHARAÏAH 6:11

To thaw ka pansngiat na ka rupa bad ka ksiar kaba ki la ai, bad buh ïa ka halor ka khlieh jong u Joshua, u Rangbah Lyngdoh u khun jong u Jehosadak.

SEKHARAÏAH 8:9

“To long shlur! Mynta phi ïohsngew ïa kijuh ki kyntien ba ki nongïathuhlypa ki la kren ha ka por ba la buh nongrim na ka bynta ban tei pat ïa ka Templ jong nga.

2 KORINTH 1:24

Ngim shym pyrshang ban pynbor ïa kaei kaba phi dei ban ngeit; ngi tip ba phi ïeng skhem ha ka jingngeit. Pynban, ngi ïatrei lem bad phi na ka bynta ka jingkmen jong phi hi.