ESRA 3:9 - Khasi CL Bible (BSI)

⁹ U Jeshua, u Lebi, lem bad ki khun shynrang bad ki ba-ha-ïing ha-sem jong u bad u Kadmiel bad ki khun shynrang jong u (na ka kur Hodabaïah), ki la ïasnohkti lang ha kaba khmih ïa ka jingtei biang ïa ka Templ. (Ïa ki la ïarap da ki Lebi jong ka kur Henadad.)

KA BAIBL

⁹ Te u Jeshua bad la ki khun bad la ki para, u Kadmiel bad la ki khun, bad ki khun u Judah, ki la ïeng ryntih baroh, ban pynïaid ïa ki nongtrei ha ka ïing U Blei: ki khun u Henadad, bad la ki khun bad la ki para ki Lebi.

ESRA 3:9 ပူးပေါင်းရင်းမြစ်များ

1 KHRONIKL 23:4

U syiem u buh arphew saw hajar ngut na ki ban pynïaid ïa ka kam ha ka Templ, hynriew hajar ngut ban buh jingthoh bad ban bishar ïa ki kam ïakajia,

2 KHRONIKL 34:12

Ki rangbah kiba trei ïa ka kam ki long kiba da sngur hok. La peit bniah halor jong ki da ki saw ngut ki Lebi: u Jahath bad u Obadaïah na ka kur Merari, bad u Sekharaïah bad u Meshullam na ka kur Kohath. (Ki Lebi ki dei ki nongtem nongput batbit bha.)

ESRA 2:40

Ki kur jong ki Lebi kiba wan phai na ka jingshah ringmraw: Jeshua bad Kadmiel (ki khun ki ksiew jong u Hodabaïah) — Hynñiewphew saw ngut. Ki nongtem nongput ka Templ (ki khun ki ksiew u Asaph) — Shispah arphew phra ngut. Ki nongap phira ka Templ (ki khun ki ksiew u Shallum, u Ater, u Talmon, u Akkub, u Hatita bad Shobai) — Shispah laiphew khyndai ngut.

ESRA 3:8

Kumta ha u bnai ba ar jong ka snem hadien ba ki la wan pat sha ka jaka jong ka Templ ha Jerusalem, ki sdang ban ïatrei. U Serubbabel, u Joshua bad kiwei pat ki para rangbah ka ri, ki lyngdoh, bad ki Lebi, ha ka jingshisha, baroh kiba shah ringmraw kiba la wan phai pat sha Jerusalem, ki la ïasnohkti lang ha ka jingtrei. Ïa baroh ki Lebi kiba la dap arphew snem ka rta lane tam, la buh ban khmih ha ka jingtei pat ïa ka Templ.

NEHEMAÏAH 3:24

U Binnui, u khun jong u Henadad u tei ïa ka bynta kaba bud, naduh ka ïing u Asaraïah haduh ka dong jong ka kynroh.

NEHEMAÏAH 7:43

Ki kur jong ki Lebi kiba wan phai na ka jingshah ringmraw: Jeshua bad Kadmiel (ki khun ki ksiew jong u Hodabaïah) — Hynñiewphew saw ngut Ki nongtem nongput ka Templ (ki khun ki ksiew jong u Asaph) — Shispah sawphew phra ngut Ki nongap phira ka Templ (ki khun ki ksiew jong u Shallum, u Ater, u Talmon, u Akkub, u Hatita bad Shobai) — Shispah laiphew phra ngut