ESRA 3:8 - Khasi CL Bible (BSI)

⁸ Kumta ha u bnai ba ar jong ka snem hadien ba ki la wan pat sha ka jaka jong ka Templ ha Jerusalem, ki sdang ban ïatrei. U Serubbabel, u Joshua bad kiwei pat ki para rangbah ka ri, ki lyngdoh, bad ki Lebi, ha ka jingshisha, baroh kiba shah ringmraw kiba la wan phai pat sha Jerusalem, ki la ïasnohkti lang ha ka jingtrei. Ïa baroh ki Lebi kiba la dap arphew snem ka rta lane tam, la buh ban khmih ha ka jingtei pat ïa ka Templ.

KA BAIBL

⁸ Te ha ka snem ka ba-ar ka jingwan jong ki sha ka ïing U Blei ha Jerusalem, ha u bnai u ba-ar, u Serubbabel u khun u Shealtiel, bad u Jeshua u khun u Josadak, bad kita kiwei na ki para jong ki, ki lyngdoh bad ki Lebi, bad kita baroh kat kiba la wan noh na kata ka jingpynwir sha Jerusalem ki la sdang; bad ki la thung ki Lebi, naduh kiba arphew snem bad tam, ban pynïaid ïa ka kam ka ïing U Trai.

ESRA 3:8 ပူးပေါင်းရင်းမြစ်များ

1 KHRONIKL 23:4

U syiem u buh arphew saw hajar ngut na ki ban pynïaid ïa ka kam ha ka Templ, hynriew hajar ngut ban buh jingthoh bad ban bishar ïa ki kam ïakajia,

1 KHRONIKL 3:17

Kine ki long ki khun ki ksiew jong u syiem Jehoïakhin, uba la shah ring koidi ha ki nong Babilonia. U Jehoïakhin u don hynñiew ngut ki khun shynrang: u Shealtiel,

ESRA 10:18

Kane ka dei ka thup kyrteng jong ki rangbah kiba don ki tnga nongwei: Ki lyngdoh, ba la jer kyrteng da ki kur: Ka kur u Joshua bad ki para jong u, ki khun shynrang u Jehosadak: U Maaseïah, u Elieser, u Jarib bad u Gedalaïah. Ki kular ban pyllait noh ïa ki tnga jong ki, bad ki ai ïa u langbrot kum ka jingkñia ïa ki pop jong ki. Ka kur u Immer: U Hanani bad u Sebadaïah. Ka kur u Harim: u Maaseïah, u Elijah, u Shemaïah, u Jehiel bad u Ussaïah. Ka kur u Pashhur: u Elioenai, u Maaseïah, u Ishmael, u Nethanel, u Josabad bad u Elasah. Ki Lebi: U Josabad, u Shimei, u Kelaïah (ba la khot ruh Kelita), u Pethahaïah, u Judah bad u Elieser. Ki nongput nongtem: U Eliashib. Ki nongap phira ka Templ: U Shallum, u Telem bad u Uri. Kiwei pat: Ka kur u Parosh: u Ramaïah, u Issaïah, u Malkhijah, u Mijamin, u Eleaser, u Malkhijah bad u Benaïah.

ESRA 2:2

Ki nongïalam jong ki, ki long u Serubbabel, u Joshua, u Nehemaïah, u Seraïah, u Reelaïah, u Mordekai, u Bilshan, u Mispar, u Bigbai, u Rehum bad u Baanah. Kane ka dei ka thup kyrteng jong ki kur ki Israel, bad kito kiba dei na kawei kawei ka kur kaba wan phai na ka jingshah ringmraw:

ESRA 3:2

bad u Joshua u khun jong u Jehosadak, ki para lyngdoh jong u, bad u Serubbabel u khun jong u Shealtiel, ryngkat bad ki ba-ha-ïing jong u, ki la ïatei biang ïa ka duwan jong U Blei ki Israel, khnang ba ki lah ban thang ki jingkñia halor jong ka kat kum ki jingbthah ba la thoh ha ka Hukum u Moses, u briew jong U Blei.

ESRA 4:24

Ïa ka jingpyntrei ïa ka Templ la lah pynsangeh noh bad ka la sahkut khlem pyntrei shuh haduh ka snem ba ar jong ka jingsynshar u Darius, u patsha ka Persia.

ESRA 4:3

U Serubbabel, u Joshua bad ki rangbah kur ki ong ïa ki, “Ngim donkam ïa ka jingïarap jong phi ban tei ïa ka templ na ka bynta U Trai U Blei jong ngi. Ngin tei hi ïa ka da lade, kumba u Syros, u patsha ka Persia, u la hukum ïa ngi.”

ESRA 5:16

Kumta u Sheshbassar u la wan bad buh ïa ka nongrim jong ka; ka jingtrei ka la ïaid naduh kata ka por haduh mynta, hynrei ym pat pyndep ïa ka Templ.’

ESRA 5:2

Haba u Serubbabel u khun jong u Shealtiel bad u Joshua u khun jong u Jehosadak ki la ïohsngew ïa ki khubor, ki sdang ban tei biang ïa ka Templ ha Jerusalem, bad ki ar ngut ki nongïathuhlypa ki ïarap ïa ki.

HAGGAI 1:1

Ha ka snem kaba ar kaba u Darius u long u patsha ka Persia, ha ka sngi kaba nyngkong jong u bnai uba hynriew, U Trai u la kren lyngba u Haggai u nongïathuhlypa. Ka khubor ka la long na ka bynta u lat ka Judah, u Serubbabel u khun jong u Shealtiel, bad na ka bynta u Rangbah Lyngdoh, u Joshua u khun jong u Jehosadak.

SEKHARAÏAH 4:9

U la ong, “U Serubbabel u la buh ïa ka nongrim jong ka Templ, bad un pyndep ïa ka jingtei. Haba kane ka jia, ki briew jong nga kin tip ba dei ma nga uba la phah ïa me sha ki.

SEKHARAÏAH 6:12

Ïathuh ïa u ba U Trai Badonbor Baroh u ong, ‘U briew ïa uba la khot U Tnat un manbha ha kaba u don bad un tei ïa ka Templ jong U Trai.

JINGKHEIÑ 4:3

bad thoh kyrteng ïa ki rangbah baroh kiba hapdeng laiphew bad sanphew snem ka rta kiba bit ban shakri ha ka Ïingjaiñ ka Jingdon Ryngkat U Trai.