ESRA 3:5 - Khasi CL Bible (BSI)

⁵ bad nalor kata, ki ai ki jingainguh thang tylli bad kito ki jingainguh ban ai ha ka Jingkhawai Niam Bnai Thymmai bad ha baroh kiwei ki jingïaseng ba ju long ha kaba la mane ïa U Trai, kumjuh ruh ki jingainguh ba ai sha U Trai da ka mon sngewbha.

KA BAIBL

⁵ bad hadien kata, ïa ka jingainguh thang kaba borabor, bad ïa ki jong ki 'nai thymmai, bad ki jong Ki Jingkhawai Niam baroh ki bakyntang ba la buh ki jong U Trai, bad ki jong uwei uwei baroh uba la ainguh da la ka mon hi ïa ka jingainguh sngewbha ha U Trai.

ESRA 3:5 ပူးပေါင်းရင်းမြစ်များ

2 KHRONIKL 31:14

U Kore u khun jong u Imnah, u Lebi uba long u rangbah ap phira ha ka Khyrdop Mihngi jong ka Templ, u long u khlieh ha ka jingpdiang ïa ki jingai ba ai sha U Trai bad ha kaba sam ïa ki.

ESRA 3:6

Wat la ki briew kim pat shym la sdang ban tei biang ïa ka Templ, ki la sdang ha ka sngi banyngkong jong u bnai bahynñiew ban thang ki jingkñia sha U Trai.

NEHEMAÏAH 10:34

Ma ngi, ki paidbah, ki lyngdoh, ki Lebi, ngin kynting sbai man ka snem ban jied kino ki kur kin pynbiang ki dieng ban thang jingkñia ban ai sha U Trai U Blei jong ngi, kat kum ki jingdonkam ka Hukum.

JEREMAÏAH 33:18

bad ba borabor yn don ki lyngdoh na ka jait Lebi ban shakri ïa nga bad ban ai ki jingainguh thang, ki jingainguh bam bad ki jingkñia.”

LEBITIKOS 1:2

ba ki Israel kin rakhe haba ki wallam ïa ka jingkñia jong ki. Haba uno uno u wallam ka jingkñia da ka mrad, ka lah ban long uwei na ki masi, ne ki blang, ne ki langbrot jong u.

LEBITIKOS 1:3

Lada u ainguh da uwei na ki masi kum ka jingainguh thang, u dei ban wallam da u shynrang uba khlem don kano kano ka jingduna. U dei ban wan ai ïa u ha ka jingkhang jong ka Ïingjaiñ ka Jingdon Ryngkat U Trai khnang ba U Trai un pdiang ïa u.

LEBITIKOS 23:2

ïa kine ki jingbuhbeit ryntih na ka bynta ki Jingkhawai Niam, haba ki paid Israel ki ïalumlang ban mane Blei.

JINGKHEIÑ 28:14

Ka jingainguh waiñ kaba biang ka long ar litar ka waiñ lem bad uwei u masi lyngraw, shi litar shiteng ka waiñ lem bad u langbrot, bad shi litar ka waiñ lem bad uwei u khunlangbrot. Kane ka long ka jingbuh ryntih ïa ka jingainguh thang na ka bynta ka sngi nyngkong kaba man la u bnai baroh shisnem.

JINGKHEIÑ 28:19

Wanrah ïa ka jingainguh thang kum ka jingainguh bam ha U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 28:27

Wanrah ïa ka jingainguh thang kum ka jingiw kaba pynsngewbha ïa U Trai: ar tylli ki masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 29:13

Ha kane ka sngi kaba nyngkong, ai ïa ka jingainguh bam ha U Trai, ka jingiw kaba pynsngewbha ïa u: khatlai tylli ki masi lyngraw, ar tylli ki langbrot shynrang, bad khatsaw tylli ki khunlangbrot shynrang kiba shisnem ka rta, baroh ki dei ban long ki bym don kano kano ka jingduna.

JINGKHEIÑ 29:2

Wanrah ïa ka jingainguh thang sha U Trai, ka jingiw kaba pynsngewbha ïa u: uwei u masi lyngraw, uwei u langbrot, bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

JINGKHEIÑ 29:39

Kine ki long ki jingbuhbeit ryntih kiba ïadei bad ki jingainguh thang, ki jingainguh bam, ki jingainguh waiñ, bad ki jingainguh ïasyllok ba phi dei ban ai sha U Trai ha ki Jingkhawai Niam ba la buh. Kine ki long nalor kito ki jingainguh kiba phi ai ha kaba pyndep ïa ka jingkular lane kum ki jingainguh mon sngewbha.

JINGKHEIÑ 29:8

Wanrah ïa ka jingainguh thang sha U Trai, ka jingiw kaba pynsngewbha ïa u: uwei u masi lyngraw, uwei u langbrot bad hynñiew tylli ki khunlangbrot shynrang kiba shisnem ka rta, ki bym don kano kano ka jingduna.

DEUTERONOMI 12:17

Phim bit ban bam ha ki jaka ba phi shong ïa kata kaba phi wanrah sha U Trai, la ka dei kaba shiphew na u kew, na ka waiñ, ne na ka umphniang Olib jong phi; lane kiba la kha nyngkong na ki masi bad ki langbrot jong phi, ki jingai sngewbha ba phi la kular ha U Trai, ki jingainguh mon sngewbha jong phi, lane kiwei kiwei pat ki jingainguh.

DEUTERONOMI 12:6

Shata phi dei ban leit rah ïa ki jingainguh thang bad ki jingkñia jong phi, ïa kawei-na-kaba-shiphew jong phi, bad ïa ki jingainguh jong phi, ïa ki jingai sngewbha ba phi kular ïa U Trai, ïa ki jingainguh mon sngewbha jong phi, bad ïa kiba la kha nyngkong na ki masi bad ki langbrot jong phi.