ESRA 3:4 - Khasi CL Bible (BSI)

⁴ Ki rakhe ïa ka Jingkhawai Niam Ki Ïingtrep kat kum ki jingbuhbeit ryntih; ha kawei pa kawei ka sngi ki ai ki jingkñia kiba donkam ha kata ka sngi;

KA BAIBL

⁴ Bad ki la rakhe ïa Ka Jingkhawai Niam Ki Ïingtrep, kumba la thoh, bad ki la ainguh ïa ki jingainguh thang kiba ha la ka sngi ha ka jingkheiñ, katba kum ka rukom, katba shong ka kam kawei pa kawei ka sngi;

ESRA 3:4 ပူးပေါင်းရင်းမြစ်များ

1 KHRONIKL 16:37

U syiem Dabid u buh pynskhem ïa u Asaph bad ïa ki para Lebi ha ka kam kaba ïadei bad ka jingmane ba pynlong ha ka jaka ba la buh ïa ka Synduk ka Jutang. La buh ïa ki ban pyndep ïa ki kamram jong ki hangta man ka sngi.

2 KHRONIKL 31:16

Ki ai bynta ïa baroh ki shynrang kiba laiphew snem ka rta ne kham ïaw kiba don jingkitkhlieh man ka sngi ha ka Templ kat kum ki kyrdan jong ki.

EKSODOS 23:16

“Rakhe ïa ka Jingkhawai Niam Ka Jingot haba phi sdang ban ot. “Rakhe ïa ka Jingkhawai Niam Ki Ïingtrep ha ka por synrai, haba phi kheit ïa u soh na ki brisoh jong phi.

EKSODOS 29:38

“Man la ka sngi ha ki por ban wan, kñia ha kata ka duwan ar tylli ki khunlangbrot kiba shisnem.

EKSODOS 5:13

Ki nongpyntrei mraw ki ïai pyrshang ban pynbor ïa ki ban shna katjuh ki maw-it man ka sngi kumba ki la shna mynba dang ai phlangïap ïa ki.

JEREMAÏAH 52:34

Man ka sngi katba u dang im, u la ïoh ïa ka baibam na ka bynta ki jingdonkam jong u.

LEBITIKOS 23:33

U Trai u hukum ïa u Moses

JINGKHEIÑ 29:39

Kine ki long ki jingbuhbeit ryntih kiba ïadei bad ki jingainguh thang, ki jingainguh bam, ki jingainguh waiñ, bad ki jingainguh ïasyllok ba phi dei ban ai sha U Trai ha ki Jingkhawai Niam ba la buh. Kine ki long nalor kito ki jingainguh kiba phi ai ha kaba pyndep ïa ka jingkular lane kum ki jingainguh mon sngewbha.

ÏOANNIS 7:2

Ka por jong ka Jingkhawai Niam Ki Ïingtrep ka la jan, kumta ki para shynrang jong U Jisu ki la ong ïa u, “To mihnoh na kane ka jaka bad leit sha Judia, ba ki nongbud jong me kin ïohi ïa kiei kiei kiba me leh.

ÏOANNIS 7:37

Ha ka sngi kaba khatduh bad kaba khraw tam eh jong ka Jingkhawai Niam, U Jisu u la ïeng joit bad u la ong ha ka sur kaba jam, “Uno uno uba sliang u dei ban wan sha nga, bad uno uno uba ngeit ha nga u dei ban dih.