ESRA 3:2 - Khasi CL Bible (BSI)

² bad u Joshua u khun jong u Jehosadak, ki para lyngdoh jong u, bad u Serubbabel u khun jong u Shealtiel, ryngkat bad ki ba-ha-ïing jong u, ki la ïatei biang ïa ka duwan jong U Blei ki Israel, khnang ba ki lah ban thang ki jingkñia halor jong ka kat kum ki jingbthah ba la thoh ha ka Hukum u Moses, u briew jong U Blei.

KA BAIBL

² Te ki la ïeng u Jeshua u khun u Josadak, bad ki para jong u ki lyngdoh, bad u Serubbabel u khun u Shealtiel, bad ki para jong u, bad ki la tei ïa ka duwan U Blei ki Israel, ban ainguh ïa ki jingainguh thang halor jong ka, kumba la thoh ha Ka Hukum u Moses u briew u jong U Blei.

ESRA 3:2 ပူးပေါင်းရင်းမြစ်များ

JENESIS 12:7

U Trai u la mihpaw ha u Abram bad u ong ha u, “Kane ka dei ka ri kaba ngan ai ha ki khun ki ksiew ong me.” Nangta u Abram u la tei hangta ïa ka duwan ha U Trai, uba lah mihpaw ha u.

1 KHRONIKL 23:14

Hynrei ïa ki khun shynrang jong u Moses, u briew jong U Blei, la kynthup lang hapdeng ki Lebi.)

1 KHRONIKL 3:17

Kine ki long ki khun ki ksiew jong u syiem Jehoïakhin, uba la shah ring koidi ha ki nong Babilonia. U Jehoïakhin u don hynñiew ngut ki khun shynrang: u Shealtiel,

1 KHRONIKL 3:19

U Pedaïah u don ar ngut ki khun shynrang: u Serubbabel bad u Shimei. U Serubbabel u dei u kpa jong ki ar ngut ki khun shynrang, u Meshullam bad u Hananaïah, bad kawei ka khun, ka Shelomith.

2 KHRONIKL 6:6

Hynrei mynta nga la jied ïa ka Jerusalem kum ka jaka ha kaba yn mane ïa nga, bad ïa me, Dabid, ban synshar ïa ki briew jong nga.’”

ESRA 10:18

Kane ka dei ka thup kyrteng jong ki rangbah kiba don ki tnga nongwei: Ki lyngdoh, ba la jer kyrteng da ki kur: Ka kur u Joshua bad ki para jong u, ki khun shynrang u Jehosadak: U Maaseïah, u Elieser, u Jarib bad u Gedalaïah. Ki kular ban pyllait noh ïa ki tnga jong ki, bad ki ai ïa u langbrot kum ka jingkñia ïa ki pop jong ki. Ka kur u Immer: U Hanani bad u Sebadaïah. Ka kur u Harim: u Maaseïah, u Elijah, u Shemaïah, u Jehiel bad u Ussaïah. Ka kur u Pashhur: u Elioenai, u Maaseïah, u Ishmael, u Nethanel, u Josabad bad u Elasah. Ki Lebi: U Josabad, u Shimei, u Kelaïah (ba la khot ruh Kelita), u Pethahaïah, u Judah bad u Elieser. Ki nongput nongtem: U Eliashib. Ki nongap phira ka Templ: U Shallum, u Telem bad u Uri. Kiwei pat: Ka kur u Parosh: u Ramaïah, u Issaïah, u Malkhijah, u Mijamin, u Eleaser, u Malkhijah bad u Benaïah.

ESRA 2:2

Ki nongïalam jong ki, ki long u Serubbabel, u Joshua, u Nehemaïah, u Seraïah, u Reelaïah, u Mordekai, u Bilshan, u Mispar, u Bigbai, u Rehum bad u Baanah. Kane ka dei ka thup kyrteng jong ki kur ki Israel, bad kito kiba dei na kawei kawei ka kur kaba wan phai na ka jingshah ringmraw:

ESRA 3:8

Kumta ha u bnai ba ar jong ka snem hadien ba ki la wan pat sha ka jaka jong ka Templ ha Jerusalem, ki sdang ban ïatrei. U Serubbabel, u Joshua bad kiwei pat ki para rangbah ka ri, ki lyngdoh, bad ki Lebi, ha ka jingshisha, baroh kiba shah ringmraw kiba la wan phai pat sha Jerusalem, ki la ïasnohkti lang ha ka jingtrei. Ïa baroh ki Lebi kiba la dap arphew snem ka rta lane tam, la buh ban khmih ha ka jingtei pat ïa ka Templ.

ESRA 5:2

Haba u Serubbabel u khun jong u Shealtiel bad u Joshua u khun jong u Jehosadak ki la ïohsngew ïa ki khubor, ki sdang ban tei biang ïa ka Templ ha Jerusalem, bad ki ar ngut ki nongïathuhlypa ki ïarap ïa ki.

NEHEMAÏAH 12:1

Kane ka long ka thup jong ki lyngdoh bad ki Lebi kiba la wan phai na ka jingshah ringmraw ryngkat u Serubbabel u khun jong u Shealtiel bad u Joshua u Rangbah Lyngdoh: Ki Lyngdoh: U Seraïah, u Jeremaïah, u Esra, U Amaraïah, u Mallukh, u Hattush, U Shekanaïah, u Rehum, u Meremoth, U Iddo, u Ginnethoi, u Abijah, U Mijamin, u Maadaïah, Bilgah, U Shemaïah, u Joïarib, u Jedaïah, U Sallu, u Amok, u Hilkaïah bad u Jedaïah. Kine ki rangbah ki long ki nongïalam hapdeng baroh ki para lyngdoh ha ki sngi u Joshua. Ki Lebi: Kine ki long kiba khmih halor ka jingrwai ïa ki jingrwai jong ka jingainguh: u Jeshua, u Binnui, u Kadmiel, u Sherebaïah u Judah bad u Mattanaïah. Kine ki pynlong ïa ka kynhun rwai kaba rwai-jubab kylliang: u Bakbukaïah u Unno bad ki para Lebi jong ki.

SALM 78:68

Pynban u la jied ïa ka jait Judah bad ïa u lum Seïon, uba u ieit eh.

EKSODOS 27:1

“Thaw ïa ka duwan da ka dieng akasia. Ka dei ban long kaba sawdong, 2.2 mitar ka lynter bad 2.2 mitar ka pyngkiang bad 1.3 mitar ka jingjrong.

HAGGAI 1:1

Ha ka snem kaba ar kaba u Darius u long u patsha ka Persia, ha ka sngi kaba nyngkong jong u bnai uba hynriew, U Trai u la kren lyngba u Haggai u nongïathuhlypa. Ka khubor ka la long na ka bynta u lat ka Judah, u Serubbabel u khun jong u Shealtiel, bad na ka bynta u Rangbah Lyngdoh, u Joshua u khun jong u Jehosadak.

HAGGAI 1:12

Te u Serubbabel bad u Joshua bad ki briew baroh kiba la wan phai na ka jingshah ringmraw ha Babilonia, ki la leh ïa kaei kaba U Trai U Blei jong ki u la ong ïa ki ban leh. Ki la sheptieng bad ki la kohnguh ïa u Haggai u nongïathuhlypa, u nonglamktien jong U Trai.

HAGGAI 1:14

U Trai u la pynkhih mynsiem ïa uwei pa uwei ban trei ha ka Templ: U Serubbabel, u lat ka Judah; u Joshua, u Rangbah Lyngdoh, bad ki briew baroh kiba la wan phai na ka jingshah ringmraw. Ki la sdang ban trei ïa ka Templ jong U Trai Badonbor Baroh, U Blei jong ki,

HAGGAI 2:21

ïa u Serubbabel, u lat ka Judah: “Nga la jan ban pynkhih ïa ka bneng bad ka khyndew

HAGGAI 2:23

Ha kata ka sngi ngan shim ïa me, ko Serubbabel u shakri jong nga, bad ngan thung ïa me ban synshar ha ka kyrteng jong nga. Me long uta uba nga la jied.” U Trai Badonbor Baroh u la kren.

SEKHARAÏAH 3:1

Ha kawei pat ka jingïohipaw, U Trai u la pyn-i ha nga ïa u Joshua u rangbah lyngdoh uba ïeng ha khmat u angel jong U Trai. Bad hangta hajan jong u Joshua la ïeng u Soitan, uba la khreh ban wallam ka jingmudui pyrshah ïa u.

SEKHARAÏAH 3:8

Kumta to pynshahshkor, ko Joshua, me uba long u Rangbah Lyngdoh, to pynshahshkor, phi ki para lyngdoh jong u, ma phi kiba long ka dak jong ka lawei babha: Ngan pynpaw ïa la u shakri, ïa uba la khot U Tnat!

SEKHARAÏAH 6:11

To thaw ka pansngiat na ka rupa bad ka ksiar kaba ki la ai, bad buh ïa ka halor ka khlieh jong u Joshua, u Rangbah Lyngdoh u khun jong u Jehosadak.

JINGKHEIÑ 28:2

ban hikai ïa ki Israel ban wanrah sha U Blei ha ki por ba la buh ïa ki jingainguh bam badonkam kiba pynsngewbha ïa u.

LOUKAS 3:27

u khun jong u Joanan, u khun jong u Rhesa, u khun jong u Serubbabel, u khun jong u Shealtiel, u khun jong u Neri,

NONGBISHAR 6:24

U Gideon u tei hangta ka duwan ïa U Trai bad u khot kyrteng ïa ka, “U Trai u long ka Jingsuk.” (Ka dang ïeng ha Ophrah, kaba dei jong ki kur jong u Abieser.)