ESRA 3:1 - Khasi CL Bible (BSI)

¹ Haba la dap hynñiew bnai, ki Israel ki la ïashongduh ha la ki shnong jong ki. Nangta baroh ki ïalumlang ha Jerusalem,

KA BAIBL

¹ Te haba la poi u bnai u bahynñiew, bad ki khun Israel ki la don ha kita ki shnong, u paidbah u la ïalum lang baroh kawei sha Jerusalem.

ESRA 3:1 ပူးပေါင်းရင်းမြစ်များ

NEHEMAÏAH 7:73

Ki lyngdoh, ki Lebi, ki nongap phira ïa ka Templ, ki nongtem nongput, kiba bun na ki riewpaidbah, ki nongtrei ka Templ — baroh u paid Israel — ki la shongduh ha ki shnong bad nongbah jong ka Judah.

NEHEMAÏAH 8:1

Haba la poi u bnai uba hynñiew, ki briew ka Israel ki la ïashong ïasah ha ki shnong. Ha ka sngi banyngkong jong uta u bnai, ki la ïalumlang ha Jerusalem, ha ka jaka basawdong hapoh ka Khyrdop Um. Ki ong ïa u Esra, u lyngdoh bad u riewstad ka Hukum ïa kaba U Trai u la ai ha ki Israel lyngba u Moses, ban wanrah ïa ka kitab jong ka Hukum.

NEHEMAÏAH 8:14

Ki shem ha ka Hukum kaba U Trai u la ai lyngba u Moses, ba ka la hukum ïa ki Israel ban shong ban sah ha ki jakarieh bashipor ha ka por jong ka Jingkhawai Niam Ki Ïingtrep.

LEBITIKOS 16:29

Kine harum ki long ki jingbuhbeit ryntih kiba dei ban bud pateng la pateng. Ha ka sngi kaba shiphew jong u bnai uba hynñiew, ki Israel bad ki nongwei kiba shong ryngkat bad ki, ki dei ban shahjingit bad ban ym trei ïa kano kano ka kam.

LEBITIKOS 23:24

Ong ha ki Israel, “Ha ka sngi kaba nyngkong jong u bnai uba hynñiew, rakhe ïa ka kum ka sngi shongthait kaba kyrpang, bad haba ka turoi ka sawa, wan ïalumlang ban mane Blei.

SEPHANAÏAH 3:9

“Nangta ngan pynkylla ïa ki briew jong ki hima, bad kin duwai tang sha nga bad ym sha kiwei pat ki blei. Ki baroh kin kohnguh ïa nga.

KI KAM 2:46

Na kawei ka sngi sha kawei pat ki ju ïakynduh kum ka kynhun hapoh ka Templ, bad ki ïabam jingbam lang ha ki ïing jong ki, ki da bam da ka dohnud kaba kmen bad kaba sngewrit,

KI KAM 4:32

Ka kynhun ki riewngeit ka la long ha kawei ka jingmut bad kawei ka mynsiem. Ym don uba ong ba kano kano ka jingdon jong u ba ka long ka jong u hi, hynrei baroh ki la ïasam iwei ïa iwei pat ïa kaei kaei kaba ki la don.

1 KORINTH 1:10

Da ka bor jong U Jisu Khrist uba U Trai jong ngi nga kyrpad ïa phi baroh, ki parabangeit jong nga, ba phin ïamynjur lang ïa kaei kaba phi ong, khnang ba yn ym don ka jingïapait hapdeng jong phi. To phin ïalong kawei, tang ha kawei ka jingpyrkhat bad kawei ka jingthmu.

DEUTERONOMI 16:16

“Lai sien shisnem, ki shynrang jong phi baroh ki dei ban wanpaw ha khmat U Trai U Blei jong phi ha kata ka jaka mane Blei: ha ka Niam Ka Jinglait, ha ka Jingkhawai Niam Ka Jingot, bad ha ka Jingkhawai Niam Ki Ïingtrep. Kim dei ban wan thylli ha khmat U Trai;

NONGBISHAR 20:1

Baroh ki paid Israel naduh Dan kaba shaphang shatei haduh Beersheba kaba shaphang shathie, kumjuh ruh naduh ri Gilead kaba shaphang mihngi, ki la ïawanlang. Ki ïalumlang kum kawei ka kynhun ha khmat U Trai ha Mispah.