ESRA 2:1 - Khasi CL Bible (BSI)

¹ Bun na kiba la shah ringmraw, ki la mihnoh na ka probins jong ka Babilon bad wan phai pat sha Jerusalem bad Judah, uwei pa uwei sha la ka jong ka nongbah. Ki longïing jong ki, ki la shong la sah ha ka jingshah ringmraw ha Babilon naduh ka por ba u Nebukhadnessar u la lah rah ïa ki hangta kum ki koidi.

KA BAIBL

¹ Te kine ki long ki khun jong kata ka jylla, kiba la leit kiew noh na kata ka jingpynwir jong kita ïa kiba la ring mraw, ïa kiba u Nebukhadnessar u syiem ka Babilon u la lah ring mraw sha Babilon, bad kiba la wan phai pat sha Jerusalem bad Judah, uwei uwei baroh sha la ka shnong ka shnong;

ESRA 2:1 ပူးပေါင်းရင်းမြစ်များ

2 SYIEM 25:11

Nangta u Nebusaradan u la ïalam noh sha Babilonia ïa ki briew kiba la shah iehnoh hapoh ka nongbah, kiba sah na ki nongtrei kiba tbit, bad kito kiba la phet noh sha ki nong Babilonia.

1 KHRONIKL 9:1

Ïa baroh ki paid Israel la buh jingkheiñ kat kum ki longïing jong ki, bad ïa kane ka jingtip la buh jingthoh ha Ka Kitab jong ki Syiem ka Israel. Ïa ki paid Judah la pynryngkang par sha Babilon kum ka jingpynshitom ïa ki pop jong ki.

1 KHRONIKL 9:2

Kiba la wan phai nyngkong sha la ki jaka ha ki nongbah ki dei ki traishnong Israel, ki lyngdoh, ki Lebi, bad ki nongtrei ha ka Templ.

ESRA 1:11

Ha baroh ki don san hajar sawspah tylli ki pliang ksiar bad pliang rupa bad kiwei ki tiar ki tar kiba u Sheshbassar u la shim mynba ma u bad kiwei kiba la shah ringmraw ki la leit na Babilon sha Jerusalem.

ESRA 2:2

Ki nongïalam jong ki, ki long u Serubbabel, u Joshua, u Nehemaïah, u Seraïah, u Reelaïah, u Mordekai, u Bilshan, u Mispar, u Bigbai, u Rehum bad u Baanah. Kane ka dei ka thup kyrteng jong ki kur ki Israel, bad kito kiba dei na kawei kawei ka kur kaba wan phai na ka jingshah ringmraw:

ESRA 2:70

Ki lyngdoh, ki Lebi bad katto katne na ki briew ki la shongduh ha Jerusalem ne ki jaka ba-marjan; ki nongtem nongput, ki nongap phira ka Templ, bad ki nongtrei shynrang ka Templ ki la shongduh ha ki shnong ba-marjan; bad kiba sah na ki Israel ki shongduh ha ki shnong kiba ki kpa tymmen jong ki, ki la shong la sah.

ESRA 5:8

“Ko syiem, phi dei ban tip ba ngi la leit sha ka probins jong ka Judah bad shem ba ïa ka Templ jong U Blei bakhraw la dang shna biang da ki maw baheh bad da ki bim dieng ba la pyndait ha ka kynroh. Ïa ka kam la pyntrei ha ka rukom kaba biang bha bad ka dang ïaid shaphrang.

ESRA 6:2

Hynrei ka la long ha ka nongbah Ekbatana ha ka probins jong ka Media ba ïa ka kot kli la shem kaba don ïa kane ka jingbuh jingthoh:

ESRA 8:35

Nangta kita baroh kiba la wan phai na ka jingshah ringmraw ki la wallam ki jingainguh ban thang kum ki jingkñia sha U Blei ki Israel. Ki la ainguh khat-ar tylli ki masi kyrtong na ka bynta ki Israel baroh, khyndaiphew hynriew tylli ki langbrot shynrang bad hynñiewphew hynñiew tylli ki khunlangbrot; ki ainguh ruh khat-ar tylli ki blang ban pynkhuid ïa lade na ka pop. Ïa kine ki jingri baroh la thang kum ki jingkñia sha U Trai.

NEHEMAÏAH 12:1

Kane ka long ka thup jong ki lyngdoh bad ki Lebi kiba la wan phai na ka jingshah ringmraw ryngkat u Serubbabel u khun jong u Shealtiel bad u Joshua u Rangbah Lyngdoh: Ki Lyngdoh: U Seraïah, u Jeremaïah, u Esra, U Amaraïah, u Mallukh, u Hattush, U Shekanaïah, u Rehum, u Meremoth, U Iddo, u Ginnethoi, u Abijah, U Mijamin, u Maadaïah, Bilgah, U Shemaïah, u Joïarib, u Jedaïah, U Sallu, u Amok, u Hilkaïah bad u Jedaïah. Kine ki rangbah ki long ki nongïalam hapdeng baroh ki para lyngdoh ha ki sngi u Joshua. Ki Lebi: Kine ki long kiba khmih halor ka jingrwai ïa ki jingrwai jong ka jingainguh: u Jeshua, u Binnui, u Kadmiel, u Sherebaïah u Judah bad u Mattanaïah. Kine ki pynlong ïa ka kynhun rwai kaba rwai-jubab kylliang: u Bakbukaïah u Unno bad ki para Lebi jong ki.

ESTHER 1:1

Na ka khet syiem ha ka nongbah Susa jong ka Persia, u syiem Serksis u synshar halor ki shispah arphew hynñiew tylli ki jylla, naduh India haduh Sudan.

ESTHER 1:11

U hukum ïa ki ban wallam shapoh ïa ka Bashti, ka mahadei ba la phong ïa ka pansngiat syiem. Ka mahadei ka long ka briew kaba bhabriew, bad u syiem u kwah ban pyn-i sarong ïa ka jingbhabriew jong ka ha ki rangbah synshar bad ha baroh kiba u la khot sngewbha.

ESTHER 1:3

Ha ka snem kaba lai jong ka jingsynshar jong u, u la pynlong ka jingkhawai na ka bynta ki rangbah synshar bad ki nongpynïaidkam. Ki kynhun shipai ka Persia bad ka Media ki la ïadon lang, kumjuh ruh ki lat bad ki riewpawkhmat jong ki jylla.

ESTHER 1:8

Ym don jingbuh pud ïa ka jingdih waiñ; u syiem u la ai hukum ïa ki shakri ka ïingsyiem ba baroh ki lah ban dih katba ki sngewkwah.

ESTHER 8:9

Kane ka long ha ka sngi kaba arphew lai jong u bnai uba lai, u bnai Siban. U Mordekai u khot ïa ki sekretari jong u syiem bad u pule ba kin thoh ïa ki shithi sha ki Jiw bad ïa ki lat, ki nongsynshar, bad ki rangbah synshar jong baroh ki shispah arphew hynñiew tylli ki probins naduh India haduh Sudan. Ïa ki shithi la thoh sha baroh ki probins ha ki ktien bad ki rukom thoh jong ki.

ISAÏAH 48:20

Khie mihnoh na Babilon, kiba laitluid! Pyrta jam da ka jingkmen ïa ka khubor; to pyntip ïa ka kylleng: “U Trai u la pynim ïa ki shakri jong u, ki Israel!”

JEREMAÏAH 50:19

Ngan pynphai pat ïa ki paid Israel sha ka ri jong ki. Kin bam ïa ka jingbam kaba mih ha u lum Karmel bad ha ki phang ka Bashan, bad kin bam ïa baroh kaba ki kwah na ki jingthung kiba mih ha ki jaka jong ki Ephraim bad Gilead.

SNGEWSYNEI 1:3

Ki briew jong ka Judah ki long ki mraw ki bym lah leh ei ei, kiba la shah pynmih da ka bor na la ka ïing. Ki la shong la sah ha kiwei pat ki ri, khlem kano kano ka jaka ban khot ka jong ki hi — La kerkut da ki nongshun, khlem kano kano ka lad ban lait im.

SNGEWSYNEI 1:5

Ki nongshun jong ka ki la jop; ki la bat ïa ka ha ka bor jong ki. U Trai u la pynlong ïa ka ban shahshitom na ka bynta ki pop kiba bun jong ka baroh. Ïa ki khun jong ka la kem bad la shah rah noh.

SNGEWSYNEI 4:22

Ka Seïon ka la siew na ka bynta ka pop jong ka; U Trai un ym buh shuh ïa ngi ha ka jingshah ringmraw. Hynrei ko Edom, U Trai un pynshitom ïa pha; un pynpaw ïa ki kam bymman jong pha.

SEPHANAÏAH 2:7

Ki paid ka Judah kiba lait im kin buhai ha ka ri jong phi. Kin pynbamphlang ïa ki kynhun langbrot jong ki hangta bad thiah hapoh ki ïing ka Ashkelon. U Trai U Blei jong ki un long lem bad ki bad un pynlong ïa ki ban manbha pat.

KI KAM 23:34

U Lyngskor u la pule ïa ka shithi bad u la kylli ïa u Paul na kano ka probins u la wan. Haba u la tip ba u dei na Kilikia,