ESRA 10:3 - Khasi CL Bible (BSI)

³ Mynta ngi dei ban pynlong ka jingkular bakyntang ha U Blei jong ngi ba ngin phah noh ïa kine ki kynthei bad ki khynnah. Ngin leh ïa kaei kaba ma phi bad kiwei kiba burom ïa ki hukum U Blei kiba hikai ïa ngi ban leh. Ngin leh ïa kaei kaba ka Hukum U Blei ka dawa.

KA BAIBL

³ Namar kata te, ai ba ngin thaw jutang bad U Blei jong ngi ban iehnoh noh ïa kita ki tnga baroh, bad kat kiba la kha na ki, katba kum ka jingsneng u kynrad jong nga, bad ka jong kita kiba khynñiuh ha ka hukum U Blei jong ngi; bad ai ba yn leh ïa kata katba kum ka hukum.

ESRA 10:3 ပူးပေါင်းရင်းမြစ်များ

2 SYIEM 11:17

U Jehoïada u lyngdoh, u pynlong ïa u syiem Joash bad ïa ki paidbah ban rung sha ka jingïateh jutang bad U Trai ba kin long ki briew jong U Trai; u pynlong ruh ïa ka jingïateh jutang hapdeng u syiem bad ki paidbah.

2 KHRONIKL 29:10

“Mynta nga la rai ban pynlong ka jutang bad U Trai, U Blei ka Israel, khnang ba un ym bitar shuh ïa ngi.

2 KHRONIKL 30:12

U Blei ruh u trei ha Judah bad u la pynïatylli ïa ki briew ha ka jingkut jingmut ban kohnguh ïa ka mon jong u da kaba bud ïa ki hukum jong u Syiem bad ki rangbah synshar jong u.

2 KHRONIKL 34:21

“Khie leit bad kylli na U Trai na ka bynta jong nga bad na ka bynta ki briew kiba dang sah ha Israel bad Judah. Wad bniah shaphang ki jinghikai na kane ka kitab. U Trai u bitar ïa ngi namar ki kpa tymmen jong ngi kim shym la kohnguh ïa ka ktien U Trai bad kim shym la leh ïa kaei kaba kane ka kitab ka ong ban leh.”

2 KHRONIKL 34:27

bad to kylla-kaba-mut bad pynrit ïa lade ha khmat jong nga, da kaba kad ïa la ki jaiñ bad da kaba ïam, haba me ïohsngew kumno nga la byrngem ban pynshitom ïa ka Jerusalem bad ïa ki briew jong ka.

ESRA 10:11

Mynta, to phla ïa ki pop jong phi ha U Trai, U Blei jong ki kpa tymmen jong phi, bad to leh ïa kaei kaba pynsngewbha ïa u. Pynkyrpang ïa lade na ki nongwei kiba shong ha ka ri jong ngi bad pyllait noh ïa ki tnga nongwei jong phi.”

ESRA 10:44

Kine ki rangbah baroh ki don ki tnga nongwei. Ki la pyllait noh ïa ki bad phah noh ïa ki bad ïa ki khun jong ki.

ESRA 10:9

Hapoh lai sngi, ha ka sngi kaba arphew jong u bnai uba khyndai, baroh ki rangbah kiba shong basah ha ki ri ka Judah bad Benjamin ki la wan sha Jerusalem bad ki la ïalumlang ha ka phyllaw jong ka Templ. Ka la don ka jingslap kaba jur, bad namar ka jinglong jong ka suiñbneng bad ka jingkhia jingmut jong ka jingïalang, baroh ki la ïakyiuh.

ESRA 9:4

Nga shong hangta ha ka jingsngewsih haduh ynda la janmiet, ka por ban ai ïa ki jingkñia, bad ki briew ki sdang ban ïalum sawdong ïa nga — baroh kito kiba la sheptieng ïa kaei kaba U Blei ki Israel u la lah ong shaphang ki pop jong kito kiba la wan phai na ka jingshah ringmraw.

NEHEMAÏAH 10:1

Uba nyngkong ban soi u dei u lat, u Nehemaïah u khun jong u Hakalaïah, bad nangta u Sedekaïah u soi. Kine harum ruh ki soi: Ki lyngdoh: U Seraïah, u Asaraïah, u Jeremaïah, U Pashhur, u Amaraïah, u Malkhijah, U Hattush, u Shebanaïah, u Mallukh, U Harim, u Meremoth, u Obadaïah, U Daniel, u Ginnethon, u Barukh, U Meshullam, u Abijah, u Mijamin, U Maasaïah, u Bilgai bad u Shemaïah. Ki Lebi: U Jeshua, u khun jong u Asanaïah, U Binnui jong ka kur Henadad, U Kadmiel, u Shebanaïah, u Hodaïah, U Kelita, u Pelaïah, u Hanan, U Mika, u Rehob, u Hashabaïah, U Sakkur, u Sherebaïah, u Shebanaïah, U Hodaïah, u Bani, bad u Beninu. Ki nongïalam u paidbah: U Parosh, u Pahath Moab, U Elam, u Sattu, u Bani, U Bunni, u Asgad, u Bebai, U Adonijah, u Bigbai, u Adin, U Ater, u Hesekaïah, u Assur, U Hodaïah, u Hashum, u Besai, U Hariph, u Anathoth, u Nebai, U Makpiash, u Meshullam, u Hesir, U Meshesabel, u Sadok, u Jaddua, U Pelataïah, u Hanan, u Anaïah, U Hoshea, u Hananaïah, u Hasshub, U Hallohesh, u Pilha, u Shobek, U Rehum, u Hashabnah, u Maaseïah, U Ahaïah, u Hanan, u Anan, U Mallukh, u Harim, bad u Baanah.

NEHEMAÏAH 8:14

Ki shem ha ka Hukum kaba U Trai u la ai lyngba u Moses, ba ka la hukum ïa ki Israel ban shong ban sah ha ki jakarieh bashipor ha ka por jong ka Jingkhawai Niam Ki Ïingtrep.

NEHEMAÏAH 9:38

Namar baroh kata kaba la jia, ma ngi, ki Israel, hangne ngi pynlong ka jingïakut bakyntang da ka jingthoh, bad ki nongïalam jong ngi, ki Lebi jong ngi, bad ki lyngdoh jong ngi ki buh ïa ki jingshon muhor ha ka.

SALM 119:120

Namar jong me nga sheptieng; la pyndap ïa nga da ka jingtieng namar ki jingbishar jong me.

SALM 119:59

Nga la pyrkhat ïa ka rukom im jong nga, bad nga kular ban bud ïa ki jingbthah jong me.

ISAÏAH 66:2

Ma nga hi nga la thaw ïa ka pyrthei baroh kawei! Nga shem sngewbha bad kito kiba sngewrit bad kiba kylla-kaba-mut, kiba sheptieng ïa nga bad kiba kohnguh ïa nga.

ISAÏAH 8:20

Me dei ban jubab ïa ki, “To shahshkor ïa kaei kaba U Trai u hikai ïa phi! Wat shahshkor ïa ki nongkren byrtong — kaei kaba ki ong ïa phi kan ym weng ïa ka jingjynjar.”

ESEKIEL 9:4

“Khie ïaid lyngba ïa ka nongbah Jerusalem bad buh dak ha ka shyllangmat jong uwei pa uwei uba shem jynjar bad khuslai namar ki kiei kiei baroh kiba ijli kiba la leh ha ka nongbah.”

DEUTERONOMI 29:12

ba phin ïohrung ha kata ka jutang kaba U Trai U Blei jong phi u pynlong bad phi bad ban pdiang ïa ki ktien ba la thoh ha ka,

JOSHUA 9:6

Nangta ki la leit sha ka jaka shong dara ha Gilgal, bad ki ong ha u Joshua bad ha ki Israel, “Ngi la wan na ka ri kaba jngai. Ngi kwah ïa phi ban ïateh lok bad ngi.”