ESRA 10:2 - Khasi CL Bible (BSI)

² Nangta u Shekanaïah u khun jong u Jehiel, jong ka kur u Elam, u ong ïa u Esra, “Ngi la pynkheiñ ïa ka jingngeit bad U Blei da kaba shongkurim ïa ki kynthei nongwei, hynrei wat la katta ruh ka dang don ka jingkyrmen na ka bynta ka Israel.

KA BAIBL

² Bad u Shekhaniah u khun u Jehiel, uwei na ki khun u Elam, u la ïathuh bad u la ong ha u Esra, “Ngi la leh pop ïa U Blei jong ngi, bad ngi la shongkurim ïa ki kynthei nongwei kiba na ki briew kane ka ri: pynban, mynta, don ka jingkyrmen ïa ki Israel shaphang kane.

ESRA 10:2 ပူးပေါင်းရင်းမြစ်များ

ESRA 10:26

Ka kur u Elam: u Mattanaïah, u Sekharaïah, u Jehiel, u Abdi, u Jeremoth bad u Elijah.

ESRA 9:1

Hadien ba la pyndep ïa kane baroh, katto katne ngut na ki nongïalam jong ki Israel ki wan bad ïathuh ïa nga ba ki briew, ki lyngdoh bad ki Lebi kim shym la pynkyrpang ïa lade na ki briew jong ki ri ba-marjan jong ki Ammon, Moab, bad Ijipt lane na ki Kanaan, ki Hit, ki Peris, ki Jebus bad ki Amor. Baroh na ki, ki la leh ïa kijuh kiei kiei kiba ijli kiba kito ki briew ki la leh.

ESRA 9:2

Ki rangbah Jiw ki shongkurim ïa ki kynthei nongwei, bad kumta ki briew ba la kyntang jong U Blei ki kylla long kiba tngit. Ki nongïalam bad ki rangbah synshar ki long ki nongpynkheiñ hukum kiba kongsan.

NEHEMAÏAH 13:27

Hato ka dei ïa ngi ban bud ïa ka nuksa jong phi bad ban ym kohnguh ïa U Blei jong ngi da kaba shongkurim ïa ki kynthei nongwei?”

NEHEMAÏAH 3:29

U Sadok, u khun jong u Immer, u tei ïa ka bynta kaba bud, kaba long ha khmat ka ïing jong u. U Shemaïah, u khun jong u Shekanaïah, u nongpeit ïa ka Khyrdop Mihngi, u tei ïa ka bynta kaba bud.

EKSODOS 34:12

Wat ïateh jutang bad ki briew jong kata ka ri sha kaba phi leit, namar kata ka lah ban long ka jingriam ka ban pynïap ïa phi.

PROBERB 28:13

Phin ym long uba jop ha ka jingim lada phi pyrshang ban buhrieh ïa la ki pop. Phla ïa ki bad iehnoh ïa ki; te U Blei un pyn-i ka jingisynei ïa phi.

JAKOB 2:9

Hynrei lada phi ñiew ïa ki briew kat kum ba ki paw shabar, phi long ba la rem ha ka pop, bad ka hukum ka pynrem ïa phi kum u nongpynkheiñ hukum.