ESRA 1:7 - Khasi CL Bible (BSI)

⁷ U Syros u la pynphai pat sha ki ïa ki pliang bad ki khuri kiba u syiem Nebukhadnessar u la rah na ka Templ ha Jerusalem bad ba u la buh ha ka templ jong ki blei jong u.

KA BAIBL

⁷ Bad u syiem Seiros u la sei noh ïa ki khiew ki pliang jong ka ïing U Trai, ïa kiba u Nebukhadnessar u la lah kit noh na Jerusalem, bad ba u la lah buh ha ka ïing ki blei jong u;

ESRA 1:7 ပူးပေါင်းရင်းမြစ်များ

2 SYIEM 24:13

bad u la kit sha Babilon ïa baroh ki jingkynshew ha ka Templ bad ïingsyiem. Kumba U Trai u la ïathuhlypa, u Nebukhadnessar u la pynpait ïa baroh ki khiew ki pliang ksiar kiba u syiem Solomon u la thaw na ka bynta ban pyndonkam ha ka Templ.

2 KHRONIKL 36:10

Haba ka pyrem ka la poi, u syiem Nebukhadnessar u ïalam ïa u Jehoïakhin sha Babilon kum u koidi, bad u rah lang ïa ki jingkynshew jong ka Templ. Nangta u Nebukhadnessar u pynlong ïa u Sedekaïah u kñi jong u Jehoïakhin kum u syiem ka Judah bad ka Jerusalem.

2 KHRONIKL 36:18

U syiem ka Babilonia u lute ïa ka Templ, ïa ka ïing jingkynshew ka Templ, bad ka spah jong u syiem bad ki rangbah synshar jong u, bad u kit baroh sha Babilon.

2 KHRONIKL 36:7

U Nebukhadnessar u rah lang katto katne ki jingkynshew jong ka Templ bad u buh ïa ki ha ka ïingsyiem jong u ha Babilon.

ESRA 5:14

U la pynphai pat ïa ki khiew ki pliang ksiar bad rupa jong ka Templ kiba u Nebukhadnessar u la rah na ka Templ ha Jerusalem bad buh ha ka templ ha Babilon. U Syros u la aiti ïa kine ki khiew ki pliang ha u briew uba kyrteng u Sheshbassar, ïa uba u la thung kum u lat ka Judah.

ESRA 6:5

Ïa ki khiew ki pliang ksiar bad rupa ruh kiba u syiem Nebukhadnessar u la wallam sha Babilon na ka Templ ha Jerusalem, dei ban pynphai pat sha ka jaka jong ki ha ka Templ ha Jerusalem.”

JEREMAÏAH 51:44

Ngan pynshitom ïa u Bel, u blei ki nong Babilonia, bad ngan pynlong ïa u ban aiti noh ïa ki tiar jong u kiba shu tuh; ki jaitbynriew kin ym mane shuh ïa u. “Ki kynroh ka Babilon ki la khyllem.

DANIEL 1:2

U Trai u la shah ïa u ban kem ïa u Syiem Jehoïakim bad kurup katto katne ki jingkynshew jong ka Templ. U la shim pat katto katne ngut ki koidi lem bad u sha ka templ jong ki blei jong u ha Babilon, bad u la buh ïa ka jingkynshew ba la ïoh kurup ha ki jaka kynshew ka templ.

DANIEL 5:23

Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.