ESRA 1:5 - Khasi CL Bible (BSI)

⁵ Nangta ki rangbah kur jong ki jait Judah bad Benjamin, ki lyngdoh bad ki Lebi, bad baroh kiwei ïa kiba U Blei u la pynkhih ïa ki dohnud jong ki, ki long ba la kloi ban leit bad tei biang ïa ka Templ U Trai ha Jerusalem.

KA BAIBL

⁵ Ynda kumta, ki la ïeng ki rangbah ki ïing ki kpa jong ki Judah bad ki Benjamin, bad ki lyngdoh, bad ki Lebi, bad baroh kat kiba U Blei u la pynkhih ïa ka mynsiem jong ki ban leit kiew ban tei ïa ka ïing U Trai kaba ha Jerusalem.

ESRA 1:5 ပူးပေါင်းရင်းမြစ်များ

ESRA 1:1

Ha snem kaba nyngkong ba u Syros u long u patsha jong ka Persia, U Trai u la pynlong ïa kaei kaba u la ong lyngba u nongïathuhlypa Jeremaïah ba kan long shisha. U la pynkhih ïa u Syros ban pynmih ïa kane ka hukum bad phah ïa ka ha ka jingthoh ban pule jam ha baroh sawdong ka hima jong u:

PHILIPPI 2:13

namar U Blei u trei borabor hapoh jong phi, ban pynlong ïa phi kiba don ka mon bad kiba lah ban kohnguh ïa ka jingthmu jong u hi.

2 KORINTH 8:16

Katno ngi ainguh ïa U Blei ba u la pynlong ïa u Titos ban thrang kum ma ngi ban ïarap ïa phi.

NEHEMAÏAH 2:12

bad haduh lai sngi ngam shym ïathuh ïano ïano ïa kaei kaba U Blei u la pyrsad mynsiem ha nga ban leh na ka bynta ka Jerusalem. Nangta ha shiteng jong ka miet nga ïeng joit bad mih shabar, da kaba ïalam bad nga katto katne ngut ki paralok jong nga. U jingri uba ngi la shim u dei u kada uba nga la shong.

2 KHRONIKL 36:22

Ha ka snem kaba nyngkong ba u Syros ka ri Persia u long u patsha. U Trai u pynlong ïa kaei kaba u la ong lyngba u nongïathuhlypa Jeremaïah ban urlong shisha. U pynsngew ha u Syros ban pynmih ïa ka hukum harum bad ban phah ha ka jingthoh ïa ka ban pule jam ha kylleng ka hima jong u:

3 ÏOANNIS 1:11

Ko paralok ba-ieit jong nga, to wat pyrthuh bud ïa kaei kaba sniew, hynrei to pyrthuh bud ïa kaei kaba bha. Uno uno uba leh ïa kaba bha u long u jong U Blei; uno uno uba leh ïa kaei kaba sniew um pat shym la ïohi ïa U Blei.

PROBERB 16:1

Ngi lah ban don ki jingthmu, hynrei khatduh ka rai ka dei jong U Blei.

ESRA 1:2

“Kane ka dei ka hukum u Syros, u patsha ka Persia. U Trai, U Blei jong ka Bneng, u la pynlong ïa nga u nongsynshar jong ka pyrthei baroh kawei bad u la ai ha nga ïa ka jingkitkhlieh ban tei ïa ka templ ïa u ha Jerusalem ha Judah.

ESRA 1:4

Lada mano mano na ki briew jong u ha ka jingshah ringmraw ki donkam ïa ka jingïarap ban leit phai, ki paramarjan jong ki, ki dei ban ai ïa ki kane ka jingïarap. Ki dei ban pynbiang ïa ki ka rupa bad ka ksiar, ki mar ki mata, ki mrad kit jingkit, kumjuh ruh ki jingai sngewbha na ka bynta ka Templ U Blei ha Jerusalem.”

HAGGAI 1:14

U Trai u la pynkhih mynsiem ïa uwei pa uwei ban trei ha ka Templ: U Serubbabel, u lat ka Judah; u Joshua, u Rangbah Lyngdoh, bad ki briew baroh kiba la wan phai na ka jingshah ringmraw. Ki la sdang ban trei ïa ka Templ jong U Trai Badonbor Baroh, U Blei jong ki,