ESRA 1:4 - Khasi CL Bible (BSI)

⁴ Lada mano mano na ki briew jong u ha ka jingshah ringmraw ki donkam ïa ka jingïarap ban leit phai, ki paramarjan jong ki, ki dei ban ai ïa ki kane ka jingïarap. Ki dei ban pynbiang ïa ki ka rupa bad ka ksiar, ki mar ki mata, ki mrad kit jingkit, kumjuh ruh ki jingai sngewbha na ka bynta ka Templ U Blei ha Jerusalem.”

KA BAIBL

⁴ Bad jar ïa uba la pynsah, ha kano kano ka jaka ha kaba u la wan wir wanhap, ai ba kita ki trai-shnong ka jaka jong u kin ïarap ïa u da ka rupa, bad da ka ksiar, bad ki mar, bad ki jingri, nalor kata ka jingai sngewbha ïa ka ïing U Blei kaba ha Jerusalem.’ ”

ESRA 1:4 ပူးပေါင်းရင်းမြစ်များ

1 KHRONIKL 29:17

Nga tip ba me tynjuh ïa ka dohnud jong uwei pa uwei bad me sngewbha bad ki briew kiba im hok. Ha ka hok bad ka jinglong sngur nga la ai da ka mon sngewbha ïa kane baroh sha me, bad nga la ïohi katno ki briew jong me kiba la ïalumlang hangne ki kmen ban wanrah ki jingainguh sha me.

1 KHRONIKL 29:3

Nalor kane baroh kaba nga la pynbiang, nga la ai ruh ïa ka rupa bad ka ksiar na ka jingdon jingem jong nga namar ka jingieit jong nga ïa ka Templ jong U Blei.

1 KHRONIKL 29:9

Ki paidbah ki la ai da ka mon sngewbha sha U Trai, bad ki kmen ba ki la ai shibun. U Syiem Dabid ruh u la sngewkmen shikatdei eh.

2 KHRONIKL 31:14

U Kore u khun jong u Imnah, u Lebi uba long u rangbah ap phira ha ka Khyrdop Mihngi jong ka Templ, u long u khlieh ha ka jingpdiang ïa ki jingai ba ai sha U Trai bad ha kaba sam ïa ki.

ESRA 1:3

To U Blei un long bad phi baroh kiba dei ki briew jong u. Phi dei ban leit sha Jerusalem bad tei biang ïa ka Templ jong U Trai, U Blei ki Israel, U Blei ïa uba la mane ha Jerusalem.

ESRA 1:5

Nangta ki rangbah kur jong ki jait Judah bad Benjamin, ki lyngdoh bad ki Lebi, bad baroh kiwei ïa kiba U Blei u la pynkhih ïa ki dohnud jong ki, ki long ba la kloi ban leit bad tei biang ïa ka Templ U Trai ha Jerusalem.

ESRA 9:15

A Trai U Blei ki Israel, me long uba hok, hynrei me la shah ïa ngi ban im. Ngi phla ïa ki pop jong ngi ha me; ngim don hok shuh ban wan ha ka jingdon ryngkat jong me.”

EKSODOS 35:29

Ki paid Israel baroh, shynrang bad kynthei, kiba sngewkynduh ki wallam mon sngewbha ïa ka jingainguh jong ki sha U Trai na ka bynta kata ka kam kaba u la hukum ïa u Moses ban leh.

ISAÏAH 10:21

Khyndiat ngut ki paid Israel kin wan phai sha U Blei bakhlaiñbor jong ki.

KI KAM 24:17

“Hadien ba nga la don bun snem shabar na Jerusalem, nga la leit shata ban rah katto katne ka pisa sha ki briew jong nga bad ban ai ki jingkñia.

GALATIA 6:2

Ïakit markylliang ïa ki jingkit, bad ha kane ka rukom phin kohnguh ïa ka hukum U Khrist.