EPHESOS 6:9 - Khasi CL Bible (BSI)

⁹ Phi ki kynrad, to leh ha kajuh ka rukom ïa ki mraw jong phi bad keiñ noh ki jingbyrngem. To kynmaw ba ma phi bad ki mraw jong phi, phi long ki jong ujuh U Kynrad uba ha bneng, uba bishar ïa baroh da kajuh ka jingthew.

KA BAIBL

⁹ Phi ki kynrad ruh, to leh kumjuh ha ki, da kaba iehnoh ïa kaba byrngem: ba phi tip ba U Kynrad jong ki bad jong phi ruh u don ha bneng, bad bymdon ka jingñiew shiliang khmat bad u.

EPHESOS 6:9 ပူးပေါင်းရင်းမြစ်များ

NEHEMAÏAH 5:5

Ngi long na kajuh ka jaitbynriew kum ki para Jiw jong ngi. Hato ki khun ki kti jong ngi kim long kumjuh kum ki jong ki? Hynrei ngi la hap ban pynlong mraw ïa ki khun ki kti jong ngi. Ïa ki katto katne ki khun kynthei jong ngi, la lah die ïa ki kum ki mraw. Ngim donbor ei ei namar ïa ki pynthor bad ki bri sohwaiñ la shim noh na ngi.”

Ka Kitab U Job 34:19

Um ïashah liang bad ki nongsynshar ne pynpaw ba u kham lah ïa kiba riewspah ban ïa kiba duk, naba u la thaw ïa ki baroh.

SALM 140:12

A Trai, nga tip ba me kyrshan na ka bynta kiba duk bad ïa ki hok jong kiba kyrduh.

EKLESIASTIS 5:8

Wat lyngngoh haba phi ïohi ba ka sorkar ka banbeiñ ïa kiba duk bad kam ai ha ki ïa ka jinglehhok bad ïa ki hok jong ki. Ïa uwei pa uwei u rangbah synshar la ïada da uno uno uba kham halor bad ïa baroh ar la ïada da ki rangbah synshar kiba kham halor.

ISAÏAH 47:6

Nga la bitar ïa ki briew jong nga; nga la shim ïa ki kumba kim dei shuh ki jong nga: Nga buh ïa ki ha ka bor jong pha, bad pham pyn-i jinglehisynei ïa ki; wat ïa kiba la tymmen pha leh da kaba tyngeh.

DANIEL 3:15

Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

DANIEL 3:6

Ïa uno uno u bym dem ngon bad mane yn bret kloi lan ha ka lawar ding baklang.”

LEBITIKOS 19:13

“Wat shim kabu ïano ïano lane ban lute ïa u. Wat pynsah ïa ka bainong jong uno uno u briew uba phi la khot bylla, wat tang shi miet ruh.

MALAKHI 3:5

U Trai Badonbor Baroh u ong, “Ngan sa paw hapdeng jong phi ban bishar, bad ngan phla shisyndon pyrshah ïa kito kiba leh myntor, pyrshah ïa kiba klim, pyrshah ïa kito kiba sakhi lamler, kito kiba shukor ïa ki nongtrei ïa ki bainong jong ki, bad kito kiba shim kabu ïa ki riewkynthei, ki khunswet, bad ki nongwei — pyrshah ïa kito baroh ki bym ñiewkor ïa nga.

MATHAÏOS 22:10

Kumta ki shakri ki la ïaleit sha ki lynti bah bad ki la ïalumlang ïa ki briew baroh kiba ki lah ban ïashem, kiba bha bad kiba sniew kumjuh, bad ïa ka kamra khawai shongkurim la pyndap da ki briew.

MATHAÏOS 22:8

Nangta u la khot ïa la ki shakri bad u la ong ha ki, ‘La dep khreh ïa ka jingkhawai jong nga, hynrei ki briew kiba nga la khot sngewbha kim don hok ban ïoh ïa ka.

MATHAÏOS 24:48

Hynrei lada u long u shakri uba sniew, un ong ha lade ba u kynrad jong nga un wan slem,

MATHAÏOS 24:51

U kynrad un ot ïa u lyngkhot lyngkhai bad un pynlong ïa u ban ïoh bynta ïa ka kupar jong ki riewarsap. Hangta un lynñiar bad kyr-iat la ki bniat.

MATHAÏOS 7:12

“Leh ïa kiwei ïa kaei kaba phi kwah ïa ki ba kin leh na ka bynta jong phi: Kane ka long ka jingmut jong ka Hukum u Moses bad jong ki jinghikai ki nongïathuhlypa.

LOUKAS 6:31

Leh ïa kiwei kumba phi kwah ïa ki ban leh ïa phi.

ÏOANNIS 13:13

“Phi khot ïa nga ‘U Nonghikai’ bad ‘U Trai’, bad ka long kaba dei ba phi leh kumta, namar kata ka dei kaei kaba nga long.

KI KAM 10:34

U Petros u la sdang ban kren: “Mynta nga sngewthuh ba ka long kaba shisha ba U Blei u ñiew kumjuh ïa uno uno baroh.

Ka Shithi U Paul Sha Ki Nong Rom 2:11

Naba U Blei u bishar ïa baroh da kajuh ka jingbishar.

1 KORINTH 1:2

Sha ka balang U Blei kaba ha Korinth, ha kito baroh kiba la khot ban long ki briew bakhuid jong U Blei, kiba dei ki jong u ha U Khrist Jisu, lem bad ki briew baroh kylleng kiba mane ïa U Jisu Khrist uba U Trai jong ngi, uba long U Trai jong ki ruh:

1 KORINTH 7:22

Naba u mraw uba la khot da U Trai u long uba laitluid na ka bynta U Trai; kumjuh ruh u briew uba laitluid ïa uba la khot da U Khrist u long u mraw jong U.

DEUTERONOMI 10:17

Naba U Trai U Blei jong phi u long uba khrawbor tam halor ki blei baroh bad halor ki bor baroh. U long uba khraw bad uba donbor, bad uba dei ban sheptieng. U bym ñiewshiliang khmat bad u bym ju pdiang ïa ki jingai kiba da ka dohnud ka bymkhuid.

KOLOSSAI 3:25

Bad ïa uwei pa uwei uba leh bakla yn siew na ka bynta kiei kiei kiba bakla kiba u leh, namar U Blei u bishar ïa uwei pa uwei da kajuh ka jingthew.

KOLOSSAI 4:1

Ko ki kynrad, to long kiba beit bad kiba hok ha ka rukom kaba phi leh ïa ki mraw jong phi. Kynmaw ba ma phi ruh phi don U Kynrad ha bneng.

JAKOB 2:13

Naba U Blei un ym pyn-i jingsngewsynei haba u bishar ïa u briew u bym shym la leh-isynei; hynrei ka jinglehisynei ka jop noh halor ka jingbishar.

JAKOB 2:8

Phi leh ïa kaei kaba dei lada phi kohnguh ïa ka hukum jong ka hima, ïa kaba la shem ha ka Jingthoh Bakhuid, “To ieit ïa la u paramarjan kumba ieit ïa lade.”

JAKOB 5:4

Phim pat siew bainong ei ei ïa ki briew kiba trei ha ki lyngkha jong phi. To shahshkor ïa ki jingmudui jong ki! Ki jingkyang jong kito kiba la lum ïa ki jingot ki la poi sha ki shkor jong U Blei, U Trai Badonbor Baroh.

1 SAMUEL 15:17

U Samuel u ong, “Wat la phi ñiew ïa lade ba phim long ei ei, phi dei u nongïalam jong ki jait Israel. U Trai u la pynsleh ïa phi ban long u syiem jong ki Israel,