EPHESOS 6:4 - Khasi CL Bible (BSI)

⁴ Phi ruh ki kmie ki kpa, wat leh ïa la ki khun ha kata ka rukom ban pynbitar ïa ki, pynban to pynheh pynsan ïa ki ha ka jingsneng bad jinghikai ba kynja mynsiem.

KA BAIBL

⁴ Phi ruh ki kpa, to wat pynbitar ïa la ki khun; hynrei, to bsa pjiah ïa ki ha ka jinghikai bad ka jingsneng U Trai.

EPHESOS 6:4 ပူးပေါင်းရင်းမြစ်များ

JENESIS 18:19

Nga la jied ïa u khnang ba un hukum ïa la ki khun shynrang bad ïa ki khun ki ksiew jong u ba kin kohnguh ïa nga bad ban leh ïa kata kaba dei bad kaba hok. Lada ki leh kumta, ngan leh lut ïa kata kaba nga la kular ha u.”

1 KHRONIKL 28:20

U Syiem Dabid u ong ha u Solomon u khun jong u, “To long uba sngewskhem bad uba kut jingmut. Sdang ïa ka kam bad wat ai kano kano ruh kan pynsangeh ïa me. U Trai U Blei, uba nga shakri un don bad me. Un ym iehnoh ïa me, hynrei un don ryngkat bad me tad haduh ba men pyndep ïa ka kam kaba dei ban trei ha ka Templ jong u.

1 KHRONIKL 29:19

Ai ha u Solomon u khun jong nga ka jingkwah naduh ka dohnud ban kohnguh ïa kaei kaei baroh kaba me la hukum bad ban tei ïa ka Templ ïa kaba nga la pynlong kine ki jingpynkhreh.”

PROBERB 19:18

Pynbeit ïa la ki khun katba ki dang lung ban shah hikai. Lada phim leh kumta, phi ïarap ïa ki ban pynjot da ki hi.

PROBERB 22:15

Ki khynnah na la ka tynrai ki leh kiei kiei kiba ibieit, khlem sumar, hynrei ka jingsneng sympat kaba bha ka hikai ïa ki kumno ban long.

PROBERB 22:6

Hikai ïa u khynnah kumno u dei ban im, bad un kynmaw ïa ka baroh shi rta ka jingim jong u.

PROBERB 29:15

Ka jingsneng bad ka jingpynbeit ki long kiba bha ïa ki khynnah. Lada u khynnah u ïoh leh katba u mon, u pynlehrain ïa la ka kmie.

PROBERB 29:17

Sneng pynbeit ïa la u khun bad phi lah ban sngewsarong borabor ïa u. Un ym long daw ïa phi ban shah lehrain.

ISAÏAH 38:19

Dei kiba im kiba ïaroh ïa me, kumba nga ïaroh ïa me mynta. Ki kpa ki ïathuh ïa la ki khun katno me long uba ïaineh.

EPHESOS 6:3

“Khnang ba baroh kan long bha bad phi, bad ba phi lah ban im slem ha ka khyndew.”

DEUTERONOMI 4:9

Da leh husiar! Kynmaw ba katba phi dang im phim dei ban klet ïa kaei kaba phi la ïohi da la ki khmat.

DEUTERONOMI 6:7

Hikai ïa ki ha ki khun ki kti jong phi. Ïai pynkynmaw ïa ki haba phi don ha ïing bad haba phi ïaid ha lynti, haba phi shongthait bad haba phi trei phi ktah.

KOLOSSAI 3:21

Ko ki kmie ki kpa, to wat pynbitar ïa la ki khun, ïoh ba kin noh mynsiem.

2 TIMOTHI 1:5

Nga kynmaw ïa ka jingngeit basngur kaba me don, ka jingngeit kaba kum ka jong ka kmierad jong me ka Lois bad kaba ka kmie jong me ka Ïuniki ruh ka don. Nga sngewthikna ba me ruh me don ïa ka.

2 TIMOTHI 3:15

Me tip mano ba la hikai ïa me, bad me kynmaw ba naduh me dang long u khynnah, me la tip ïa ki Jingthoh Bakhuid, kiba lah ban ai ha me ïa ka jingstad kaba ïalam sha ka jingpynim da ka jingngeit ha U Khrist Jisu.

JOSHUA 24:15

Te lada phim mon ban shakri ïa u, jied ha kane hi ka sngi ïano phin shakri, ïa ki blei ba ki kpa tymmen jong phi ki la mane ha Mesopotamia, ne ïa ki blei jong ki Amor, kiba ha ka ri jong ki phi shong phi sah mynta. Hynrei ma nga bad ka ïing jong nga, ngin shakri ïa U Trai.”

NONGBISHAR 13:12

Nangta u Manoah u kylli, “Ynda la wan urlong ki ktien jong phi, uta u khynnah u dei ban leh aïu? Ka jingim kaba kumno u dei ban im?”