EPHESOS 5:6 - Khasi CL Bible (BSI)

⁶ Wat shah ïano ïano ban shukor ïa phi da ki ktien bieit, namar dei na kine kiei kiei ba ka jingbitar U Blei kan wan ha kito ki bymkohnguh ïa u.

KA BAIBL

⁶ Wat ai ïano ïano ban shukor ïa phi da ka ktien thala: namar na ka bynta kine kiei kiei, ka jingbitar U Blei ka wan ha ki khun ka jingbymkohnguh.

EPHESOS 5:6 ပူးပေါင်းရင်းမြစ်များ

2 SYIEM 18:20

U dawa, “Hato phi pyrkhat ba ki ktien ki lah ban shim ïa ka jaka jong ka jingtbit ha ka kam shipai bad ka bor? Mano phi pyrkhat u ban ïarap ïa phi ban ïaleh pyrshah ïa ka Assyria?

SALM 78:31

haba U Blei u la bitar ïa ki, bad u la pynïap ïa ki rangbah bakhlaiñ tam jong ki, ïa ki rangkynsai jong ki Israel.

JEREMAÏAH 27:9

Wat shahshkor ïa ki nongïathuhlypa jong phi lane ïa uno uno uba kam ba u lah ban ïathuh lypa ïa la lawei, la ka long da ki jingphohsniew lane da kaba khot ïa ki mynsiem jong kiba ïap lane da ka myntor. Ma ki baroh kim ong ïa phi ban pyndem ha u syiem jong ka Babilonia.

JEREMAÏAH 29:31

ban phah sha ki koidi baroh ha Babilon ïa kane ka khubor shaphang u Shemaïah: “Ma nga, U Trai, ngan pynshitom ïa u Shemaïah bad ïa ki khun ki ksiew jong u baroh. Ngam shym la phah ïa u, hynrei u la kren ha phi kumba u la long u nongïathuhlypa, bad la pynlong ïa phi ban ngeit ïa ki jinglamler. Un ym don kino kino ki khun ki ksiew hapdeng jong phi. Un ym im ban ïohi ïa kiei kiei kiba bha kiba ngan leh na ka bynta ki briew jong nga, namar u la ong ïa ki ban ïeng ïaleh pyrshah ïa nga. Ma nga, U Trai, nga la kren.”

JEREMAÏAH 37:9

Ma nga U Trai, nga maham ïa me ban ym shukor ïa lade da kaba pyrkhat ba ki nong Babilonia kin ym wan shuh, namar kin sa wan biang.

MIKAH 3:5

Ki briew jong nga ki la shah shukor ha ki nongïathuhlypa kiba la kular ïa ka jingsuk ïa kito kiba da siewdor ïa ki, hynrei ki byrngem da ka thma ïa kito ki bym siew.

MATHAÏOS 24:24

Naba ki Messaïah lamler bad ki nongïathuhlypa lamler kin ïamih, kin leh ïa ki kambah bakhraw bad ki kamphylla khnang ban shukor wat ïa ki briew kiba la jied jong U Blei, lada ka long kaba lah.

MATHAÏOS 24:4

U Jisu u la jubab, “To sumar, bad wat shah ïano ïano ruh ban shukor ïa phi.

MARKOS 13:22

Namar ki Messaïah balamler bad ki nongïathuhlypa balamler kin mih. Kin leh ïa ki kambah bad ki jingphylla khnang ban shukor wat ïa ki briew ba la jied jong U Blei, lada long kaba lah.

MARKOS 13:5

U Jisu u la ong ïa ki, “Sumar bha, bad wat ai ïano ïano ban shukor ïa phi.

Ka Shithi U Paul Sha Ki Nong Rom 1:18

Ïa ka jingbitar U Blei la pynpaw na bneng pyrshah ïa baroh ka pop bad ka jingsniew jong ki briew kiba ki lynti basniew jong ki, ki la khang ïa ka jingtip ïa ka jingshisha.

KOLOSSAI 2:18

Wat shah ïa lade ban shah pynrem da uno uno uba kam ba u long uba kham hakhlieh namar ki jingïohipaw kiba kyrpang bad uba ïai ban ha ka jingsngewrit bymdei bad ha kaba mane ïa ki angel. Naba khlem kano kano ka daw, ïa kiba kum kine ki briew la pynmeng shikatdei da ka rukom pyrkhat briew bad ki la sangeh ban batskhem ha U Khrist, uba long u khlieh jong ka met.

KOLOSSAI 2:4

Nga ong ha phi, te, wat ai ba uno uno un shukor ïa phi da ki jingïatainia kiba bakla, kam pher haduh katno ki i kumba ki long kiba bha.

KOLOSSAI 2:8

Da khmih bha, te, ba uno uno un ym teh mraw ïa phi da ki buit shukor bymmyntoi jong ka jingstad ba kynja briew, kaba wan na ki jinghikai ba la ai pateng da ki briew bad na ki mynsiem kiba synshar ïa ka jingpynlong, bad ym na U Khrist.

KOLOSSAI 3:6

Namar kiba kum kine kiei kiei, ka jingbitar jong U Blei ka wan ha kito ki bymkohnguh ïa u.

2 THESSALONI 2:3

Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok.

HEBRU 13:9

Wat shah ba ki jinghikai bakhyllah baroh kin ïalam bakla ïa phi na ka lynti kaba dei. Ka long kaba bha ban ïohpdiang ïa ka jingkhlaiñ kaba kyrsoi na shapoh da ka jingaiei U Blei, bad ym da kaba kohnguh ïa ki hukum kiba ïadei bad ki jingbam; kito kiba kohnguh ïa kine ki hukum kim shym la ïoh jingïarap ei ei na ki.

HEBRU 3:19

Kumta ngi ïohi ba kim shym la lah ban leit rung shapoh kata ka ri, namar kim shym la ngeit.

1 PETROS 2:8

Bad kawei pat ka Jingthoh Bakhuid ka ong, “Une u long u maw u ban pynlong ïa ki briew ban jynthut, u mawsiang u ban pynlong ïa ki ba kin kyllon.” Ki la jynthut namar ba kim shym la kohnguh ïa ka ktien, katta ka la long ka mon U Blei ïa ki.

1 ÏOANNIS 4:1

Ko ki paralok ba-ieit jong nga, wat ngeit ïa baroh kiba kam ba ki don U Mynsiem, hynrei, to phin da tynjuh ïa ki ban shem lada u mynsiem ba ki don u wan ne em na U Blei. Naba shibun ki nongïathuhlypa balamler ki la leit kylleng sawdong.