EPHESOS 5:18 - Khasi CL Bible (BSI)

¹⁸ Wat buaid da ka waiñ, ha kaba kan pynjot ïa phi; pynban, to long kiba la pyndap da U Mynsiem.

KA BAIBL

¹⁸ Bad to wat long phi kiba buaid da ka Waiñ, ha kaba don ka jingkhynwin, hynrei, to long kiba la dap da U Mynsiem;

EPHESOS 5:18 ပူးပေါင်းရင်းမြစ်များ

PROBERB 20:1

Kaba dih kyiad palat ka pynlong ïa phi uba bunktien bad uba bieit. Ka long ka jingijli ban buaid.

Ka Shithi U Paul Sha Ki Nong Rom 13:13

To ngin leh donakor, kum ki briew kiba im ha ka jingshai jong ka sngi — khlem ki jingsngewbha thala bakhynwin ne ka jingïabuaid, khlem ka jingleh awria lane ka jingleh khlem akor, khlem ka jingïashoh ïadat lane ka jingbishni.

LOUKAS 1:15

Un long u briew uba khraw ha khmat U Trai. Um dei ban dih kano kano ka waiñ lane ka jingdih kaba khor. Naduh ka jingkha ïa u, yn pyndap da U Mynsiem Bakhuid,

ISAÏAH 5:22

Phi long ba la tim! Ki nongjop ïa ki klong waiñ! Kiba shlur bad ki bym tieng ha kaba ïadei bad ki jingdih ba la khleh!

1 KORINTH 5:11

Kaei kaba nga mut ka long ba phin ym ïakhleh bad u briew uba khot ïa lade u parabangeit hynrei uba awria ne uba lalot ne uba mane bleithaw ne uba kren sniew ne uba buaid ne u nongtuh. To wat ïashong bam lem bad kum uta u briew.

KI KAM 11:24

U Barnabas u la long u briew uba bha, uba dap da U Mynsiem Bakhuid bad da ka jingngeit, bad bun ki briew la wallam sha U Trai.

1 THESSALONI 5:7

Ka long ha ka por miet ba ki briew ki thiah; ka dei ha ka por miet ba ki buaid.

LOUKAS 12:45

Hynrei lada uta u shakri u ong ha lade ba u kynrad jong u, u shim por slem ban wan phai bad lada u sdang ban shoh ïa kiwei pat ki shakri, shynrang bad kynthei, bad bam bad dih bad buaid,

LOUKAS 11:13

Kiba sniew kumba phi long, phi tip kumno ban ai kiei kiei kiba bha ïa ki khun jong phi. Katno tam, te, ba U Kpa ba ha bneng un ai ïa U Mynsiem Bakhuid ha kito kiba pan na u!”

1 KORINTH 6:10

lane kiba tuh lane kiba kwah lalot lane kiba buaid lane kiba kren thadrong ïa kiwei lane ki nongtuh — yn ym don uno uno na kine u ban ïohkynti ïa ka Hima U Blei.

TITOS 1:6

U nongsharai balang u dei ban long u bym don jingshah kynnoh pop; u dei ban don tang kawei ka tnga, bad ki khun jong u ki dei ban long ki bangeit bad ki bym don jingbudnam ba ki long kiba leh thurmur lane ki bymkohnguh.

LOUKAS 21:34

“Sumar bha! Wat pynlut por shaba palat ha ka jingkhawai bad ka jingïadih bad ha ki jingkhuslai jong kane ka jingim, ïoh ba kata Ka Sngi kan kem kynsan ïa phi kum ka jingriam.

ISAÏAH 55:1

U Trai u ong, “To wan, phi kiba sliang — hangne ka don ka um! To wan, phi ki bym don pisa — thied ïa u kew bad bam! To wan! Thied ïa ka waiñ bad ka dud — phin ym hap siew ei ei!

DEUTERONOMI 21:20

bad kin ong ha ki, ‘Une u khun jong ngi te uba da mutlop bad uba tamsneng, um kohnguh ïa kaba ngi ong, uba im lutphut bad dih buaid.’

1 KORINTH 11:21

Naba katba phi dang ïabam, phi ïabam shuwa ïa la ka jong ka jingbam miet, te don kiba la thngan katba kiwei ki lah da buaid.

JINGRWAI SOLOMON 1:4

To shim ïa nga bad phi, bad ngin ïaphet noh; to long u syiem jong nga bad shim ïa nga sha ka kamra jong phi. Ngin ïakmen lang, ngin ïadih bun bad pyllaitluid war ïa lade ha ka jingieit. Kam long kaba phylla ba baroh ki kynthei ki ieit ïa phi!

JENESIS 9:21

Hadien ba u la dih khyndiat ka waiñ, u la buaid, u law ïa la ki jaiñ bad u thiah lyngkhuit hapoh la ka ïingjaiñ.

MATHAÏOS 23:25

“A katno ka long kaba shyrkhei ïa phi, ki nonghikai ka Hukum bad ki Pharisi! Phi kiba arsap! Phi pynkhuid ïa kaba shabar jong ka khuri bad ka pliang jong phi, katba kaba shapoh ka dap da kaei kaba phi ïoh da ka jingleh jubor bad ka jingpyrkhat tang ïa lade.

ISAÏAH 25:6

Hangne halor u Lum Seïon, U Trai Badonbor Baroh un pynkhreh ka jingkhawai bah na ka bynta ki jaitbynriew baroh jong ka pyrthei — ka jingkhawai bah da ki jingbam bakyrhai eh bad ka waiñ bakynsai tam.

SALM 69:12

Ki ïakren shaphang jong nga ha ki lynti bah, bad kiba buaid ki thaw ki jingrwai shaphang jong nga.

MATHAÏOS 24:49

bad un sdang ban shoh ïa la ki para shakri bad ban ïabam ïadih bad ki nongbuaid.

JINGRWAI SOLOMON 7:9

bad ka shyntur jong phi kum ka waiñ kaba bha tam. Kumta to shah ïa ka waiñ ban tuid beit sha uba ieit jong nga, da kaba tuid halor ki rmiang shyntur bad ki bniat jong u.

LEBITIKOS 10:9

“Ma me bad ki khun shynrang jong me phim dei ban rung shapoh ka Ïingjaiñ ka Jingdon Ryngkat jong nga hadien ba phi la dih waiñ lane dih kyiad; lada phi leh kumta phin ïap. Kane ka long ka aiñ kaba dei ban bud da ki khun ki ksiew jong me pateng la pateng.

ÏOANNIS 2:10

kumta u la phah khot ïa u nongleitkurim, bad u la ong ha u, “U briew baroh u ai shuwa ïa ka waiñ kaba bha tam, bad hadien ba kiba la shah khot sngewbha ki la dih pahuh, u pynbud sa da ka waiñ kaba kham duna ka jingmad. Hynrei ma me, me tyngkai ïa ka waiñ kaba bha tam haduh mynta!”