EPHESOS 4:9 - Khasi CL Bible (BSI)

⁹ Mynta, ka mut aïu “u la kiew shajrong”? Ka mut ba nyngkong u la leit hiar sha kiba jylliew tam shapoh ka pyrthei.

KA BAIBL

⁹ (Te kane, “Ba u la kiew”, ka long aïu tang ba u la wan hiar ruh shuwa sha kita ki jaka kiba kham poh jong ka khyndew?

EPHESOS 4:9 ပူးပေါင်းရင်းမြစ်များ

JENESIS 11:5

Nangta U Trai u la wan hiar ban khmih ïa kata ka nongbah bad ïa uta u mot uba ki la lah tei,

SALM 139:15

Mynba la pynwandur ïa ki shyieng jong nga, ba la buh lang biang biang ha ka kpoh ka kmie jong nga, mynba nga la nang san hangta ha kaba rieh, me la tip ba nga la don hangta — me la ïohi ïa nga ha shuwa ban kha ïa nga.

SALM 63:9

Hynrei kito kiba pyrshang ban pynïap ïa nga kin leit hiar sha ka pyrthei kiba ïap.

SALM 8:5

Pynban me la pynlong ïa u, uba kham hapoh tang ïa me hi; me la pynphong pansngiat ïa u da ka burom bad jingpyndonburom.

EKSODOS 19:20

U Trai u wan hiar halor u Lum Sinai, bad u la khot ïa u Moses sha kliar jong u lum.

PROBERB 30:4

Uei uba la ju long kynrad ïa ka jingtip ba kynja bneng? Uei uba la ju kham ïa ka lyer ha la ka kti? Lane uba la tehsong ïa ka um ha ka jaiñ lyngkhot? Lane uba la pynskhem ïa ki pud jong ka pyrthei? U dei uei lada phi tip? Uei u khun jong u?

ISAÏAH 44:23

To risa da ka jingkmen, phi ki bneng! To risa, ko ki jaka bajylliew jong ka pyrthei! To risa da ka jingkmen, ko ki lumbah, bad man la u dieng jong ka khlaw! U Trai u la pyn-i ïa ka jingkhraw jong u da kaba u pynim ïa ki briew jong u ki Israel.

ESEKIEL 31:14

Bad kumta naduh mynta hi, yn ym don shuh u dieng, kam pher katno la ai um bha ïa u, un jrong pat sa shisien ne u ban kynjoh ïa la ka kliar lyngba ki lyoh bad u ban kot kat kato ka rynïeng. Ïa ki baroh la buh ban ïap kum ïa baroh ki briew ba dei ban ïap, la buh ba kin ïasoh bad kito kiba leit hiar sha ka pyrthei kiba ïap.”

MATHAÏOS 12:40

Ha kajuh ka rukom ba u Jonah u la pynlut lai sngi bad lai miet hapoh u dohkha uba heh, kumta U Khun U Briew un pynlut lai sngi bad lai miet ha kiba jylliew jong ka khyndew.

ÏOANNIS 20:17

“Wat ktah ïa nga,” U Jisu u la ong ha ka, “namar ngam pat shym la leit kiew sha U Kpa. Hynrei khie leit sha ki para jong nga bad ïathuh ïa ki ba ngan leit phai sha u, uba long U Kpa jong nga bad U Kpa jong ki, U Blei jong nga bad U Blei jong ki.”

ÏOANNIS 3:13

Bad ym don uno uno uba la ju leit kiew sha bneng lait tang U Khun U Briew, uba la wan hiar na bneng.”

ÏOANNIS 6:33

Naba u kpu ba U Blei u ai u long uta uba wan hiar na bneng bad uba ai jingim ïa ka pyrthei.”

ÏOANNIS 6:41

Ki briew ki la sdang ban ïakren khñium shaphang jong u, namar u la ong, “Nga long u kpu uba wan hiar na bneng.”

ÏOANNIS 6:51

Nga long u kpu uba im uba la wan hiar na bneng. Lada uno uno u bam ïa une u kpu, un im junom. U kpu ba ngan ai ha u, u long ka doh jong nga, ïa kaba nga ai khnang ba ka pyrthei kan ïoh im.”

ÏOANNIS 6:58

Une te, u long u kpu uba la wan hiar na bneng; um long kum uta u kpu uba ki kpa tymmen jong phi ki la bam, hynrei hadien ki la ïap. Uta uba bam ïa une u kpu un im junom.”

ÏOANNIS 6:62

Shu tharai, te, ba phi dei ban ïohi ïa U Khun U briew ba u leit kiew pat sha ka jaka ha kaba u la don mynshuwa.

ÏOANNIS 8:14

“Em” U Jisu u la jubab, “wat la nga phla da lade na ka bynta ïa lade, kaei kaba nga ong ka long kaba shisha, namar nga tip nangno ba nga la wan bad shano ba ngan leit. Phim tip nangno nga la wan ne shano ba ngan sa leit.

HEBRU 2:7

Me la pynlong ïa u khampoh khyndiat ban ïa ki angel, me la pynphong pansngiat ïa u da ka burom bad ka jingpyndonburom, bad me la pynlong ïa u ban synshar halor kiei kiei baroh.”

HEBRU 2:9

Hynrei ngi da ïohi ïa U Jisu, ïa uba la pynlong shipor kham hapoh ban ïa ki angel, kumta ba lyngba ka jingaiei ka jong U Blei, u dei ban shahïap na ka bynta uwei pa uwei baroh. Mynta ngi ïohi ïa u, ba la pynphong pansngiat da ka burom bad da ka jingpyndonburom namar ka jingïap kaba u la shah.