EPHESOS 4:6 - Khasi CL Bible (BSI)

⁶ don tang uwei U Blei uba long U Kpa jong u bynriew baroh, uba long U Trai halor baroh, uba trei lyngba kiei kiei baroh, bad u long ha baroh.

KA BAIBL

⁶ uwei U Blei bad U Kpa ïa baroh, uba halor baroh, bad lyngba ïa baroh, bad ha baroh.

EPHESOS 4:6 ပူးပေါင်းရင်းမြစ်များ

JENESIS 14:19

u la kyrkhu ïa u, bad u ong, “To U Blei Bahakhlieh Tam Eh, u nongthaw ïa ka bneng bad ïa ka khyndew, un kyrkhu ïa u Abram!

SALM 95:3

Naba U Trai u long U Blei bakhlaiñbor, u syiem uba khrawbor halor ki blei baroh.

ISAÏAH 63:16

Me long u kpa jong ngi. U Abraham bad u Jakob, ki kpa tymmen jong ngi, kim pdiang ïa ngi, hynrei ma me, ko Trai, me long u kpa jong ngi, uta uba pyllait im ïa ngi borabor.

MALAKHI 2:10

Hato baroh na ngi ngim don ujuh u kpa? Hato ym dei ujuh U Blei uba la thaw ïa ngi baroh? Te balei ngi pynkheiñ ïa la ki jingkular iwei ïa iwei pat, bad balei ngi ñiewbeiñ ïa ka jutang kaba U Blei u la pynlong bad ki kpa tymmen jong ngi?

JINGKHEIÑ 16:22

Hynrei u Moses bad u Aaron ki dem khrup ha khyndew bad ki ong, “A Blei, me, me long ka thymmei jong ka jingim baroh. Haba uwei na ngi u leh pop, hato men shu bitar lep ïa ka kynhun baroh kawei?”

MATHAÏOS 6:13

Wat ïalam ïa ngi sha ka jingtynjuh kaba eh, hynrei sumar ïada ïa ngi na Uba Sniew. Naba ka jong me long ka hima, bad ka bor, bad ka burom junom. Amen.’

MATHAÏOS 6:9

Kane keiñ, ka long kumno phi dei ban duwai: “ ‘Ko Kpa jong ngi uba ha bneng: Ai ba ka kyrteng bakhuid jong me kan long kaba la pyndonburom;

ÏOANNIS 14:23

U Jisu u la jubab ïa u, “Uno uno uba ieit ïa nga un kohnguh ïa ka jinghikai jong nga. U Kpa jong nga un ieit ïa u, bad U Kpa jong nga bad ma nga ngin wan ha u bad sah hapoh jong u.

ÏOANNIS 17:26

Nga la pynithuh ïa me ha ki, bad ngan ïai leh kumta, khnang ba ka jingieit kaba me don ïa nga kan ïoh long bad ki, bad kumta nga ruh ngan ïoh long bad ki.”

ÏOANNIS 20:17

“Wat ktah ïa nga,” U Jisu u la ong ha ka, “namar ngam pat shym la leit kiew sha U Kpa. Hynrei khie leit sha ki para jong nga bad ïathuh ïa ki ba ngan leit phai sha u, uba long U Kpa jong nga bad U Kpa jong ki, U Blei jong nga bad U Blei jong ki.”

Ka Shithi U Paul Sha Ki Nong Rom 11:36

Naba ïa baroh kiei kiei la thaw da u, bad baroh kiei kiei ki long lyngba jong u bad na ka bynta jong u. Ha U Blei, to long ka burom junom! Amen.

1 KORINTH 12:6

Don bun ki jinglah ban shakri kiba ïapher, hynrei ujuh U Blei uba pynlah ïa baroh na ka bynta ka jingshakri bakyrpang jong ki.

1 KORINTH 8:6

pynban ha ngi don tang uwei U Blei, U Kpa, uba long u Nongthaw ïa kiei kiei baroh bad uba na ka bynta jong u ngi im; bad don tang uwei U Trai, U Jisu Khrist, da u ba kiei kiei baroh la pynlong bad ha u ba ngi im.

2 KORINTH 6:16

Kumno ka templ jong U Blei kan don jingïateh bad ki bleithaw? Naba ngi long ka templ jong U Blei uba im! Kumba U Blei da lade hi u la ong, “Ngan pynlong ïa ka ïing jong nga bad ki briew jong nga bad ngan shong hapdeng jong ki; ngan long U Blei jong ki, bad kin long ki briew jong nga.”

EPHESOS 1:21

U Khrist u synshar hangta halor baroh ki nongsynshar ba kynja bneng, ki bor synshar, ki bor, bad ki kynrad; u don ka kyrteng kaba kham hajrong ban ïa kiwei pat ki kyrteng kiba don ka bor ha kane ka pyrthei mynta bad ka ban sa wan.

EPHESOS 2:22

Ha u, ïa phi ruh la tei lang lem bad kiwei pat da U Mynsiem jong u ha ka jaka ha kaba U Blei u shong.

EPHESOS 3:17

Nga duwai ban pynsuhthied ïa phi bad pynshong nongrim ha ka jingieit,

EPHESOS 6:23

To U Blei uba U Kpa bad U Jisu Khrist uba U Trai un ai ha ki parabangeit baroh ïa ka jingsuk bad ka jingieit da ka jingngeit.

DEUTERONOMI 6:4

“To sngap ko ki Israel! U Trai U Blei jong ngi u long tang ma u hi U Trai.

1 ÏOANNIS 3:24

Uno uno uba kohnguh ïa ki hukum jong U Blei, u ïaisah ha U Blei bad U Blei u ïaisah ha u. Bad dei namar U Mynsiem uba U Blei u la ai ha ngi, ngi tip ba U Blei u ïaisah ha ngi.